الأحد، 5 ديسمبر 2010

إستفـــــــزاز....وفضول

ده واجب من عندي الجميلة نهي صالح
وانا الصراحة كنت شفت التاجات دي عند اكتر من  مدونة وكنت حابة اكتب عنها لكن بشكل تاني
لغاية ما لقيت نهي بعتالي الواجب ده ....
مجرد سؤالين ....اتنين .....لكن الاجابة عنهم ....امممممم
هل أنا فضولية وأتدخل في شؤن الآخرين..؟
أنا لا أحب أن يتدخل أحد في خصوصياتي وبالتالي لا اتدخل في خصوصيات أحد
لكني فضولية للمعرفة ....يعني بحب اعرف كل شيء ...يعني كنت بقرأ كتب انيس منصور عن الفرعنة والاشباح واحب اعرف زيادة عن اللي كتبه....ومبحبش التعليق ده...بس بحب اعرف من مصادر موثوقة مش مجرد معرفة غير آمنة....
لا أتدخل في شئون أي شخص الا اذا طلب هذا واذا تدخلت فبكل حياد ....حتي مع اخواتي ...وده شيء اتعودنا علية من صغرنا...
السؤال التاني .....
إية أكتر أسئلة بتستفزك...
الأول ....والله غريبة يعني اختك دي أصغر منك واتجوزت قبلك. ...وانت لية متجوزتيش لغاية دلوقت..." عادي جدا انا حرة وكل ده ربنا كتبه وماليش دخل فيه...وبعدين فيه اية لما اختي الاصغر مني تتجوز قبلي ...؟ حرام يعني والا حرام..."
التاني ...
انت بتلبسي كعب عالي لية ...عشان قصيرة...؟ يا سبحان الله ..وانت مالك ...ده شيء يخصني ...وتكمل بقي لما يقولولي انت مش زعلانة عشان انت قصيرة ....ده علي اساس ان الواحد بيختار من سوبر ماركت ....مش ربنا اللي خلقه كدة " برغم اني مش قصيرة اووي يعني مش قزمة يا جماعة ....وبرد علي اللي يقولي كدة بــ" ربنا خلقني كدة وانا مبسوطة ومستريحة بكل حاجة ربنا عطهالي ...
سؤال اكثر استفزاز ......لما حد يقرالي مقال او قصة ....." والله ...هو انت اللي كتبت الكلام ده....؟ مش باين يعني  عليك..." " طيب ممكن اعرف بيبان ازاي...؟
استفزاز تاني ...." لما اقول لحد كنت بطبخ او بغسل او بعمل اي شغل في البيت يقولي .....غريبة بقي انت بتعرفي تطبخي وتشتغلي في البيت ...؟....هو انا يعني مش بنت يعني والا اية...؟...منشبهش يعني ...." بس بيني وبينكم مش بعرف اطبخ انواع كتير يمكن لاننا في بلد ساحلي والاكلة الرسمية عندنا السمك المشوي "....
الاستفزاز والعصبية بجد بقي في السؤال ده ...." رحاب انا عايزاك في مشوار بكرة..؟ اية ده مينفعش مش عاملة حسابي ...؟! يا سلام يا ختي هو انت رايحة تتجوزي ..؟ لاء يا بنتي بس يعني اعمل حسابي احضر شنطتي فلوس وملابس وبعدين مينفعش لازم اقول  لأهلي الاول عشان يبقوا عندهم فكرة اني عندي مشوار مثلا بعد يومين والا حاجةمش فجأة كدة.......
في استفزاز تاني بالنسبة لي بيكون هيموتني ويجبلي شلل ...وهو اني لما اروح مع شخص عن دكتور والاقي الدكتور بعد الكشف يكتب روشتة ويلا مع السلامة ....ولا يقول في اية وعندك اية واعملي اية غير انه مكن يقول مثلا متاكليش كذا وكذا ....لكن انا بقي مش بسكت بسأل الدكتور في كل شيء وبيستغرب لما يلاقيني بناقشة وبكون عارفة  مش بس كلام  والسلام من بنت عاملة نافسها فاهمة  وهو يعني حرام لو  قلت  للمريض وفهمته اية عنده ....والا يعني كفاية انت تكون فاهم ....!!!
بس ده هو الواجب ...
واحول الواجب ده لمين ....للكسولة غادة محسن صاحبة مدونة بستان أفكاري
ولأختي ...شوشو اللي لسة بادئة التدوين من امبارح بس ...صاحبة مدونة مذكرات مدرسة مطحونة....ولمروة صابر صاحبة مدونة سنابل الامل ...وأنا اخترتهم لاني شفت التاج عند اكتر من شخص وخايفة اقول اسماء تكون كتبت التاج...فاخترت اللي انا متأكدة انهم مكتبوش التاج ده....
وعادي ممكن اي حد يعمل التاج لنفسة ويكتبه ...فيها اية يعني ...؟! عادي جدا ...
دمتم بكل خير ومساؤكم وروووووود وشتا خفيف لسة  بشايره النهاردة

هناك 60 تعليقًا:

  1. اجاباتك هايله يا رحاب بجد و البسي كعب عالي زي مانتي عايزه دي اسمها شياكه
    و سؤال هو انتي اللي كتبتي الكلام ده؟ يااااه بكرهه أوي يعني هكون جيبته من حته و حطيت اسمي عليه...حاجه تفرس
    10/10 يالا ياعم الفولمارك

    ردحذف
  2. اشترك معك في كثير من الامور التي تستفزك خصوصا سؤال الزواج وموضوع الطبيب
    دمت بكل الود

    ردحذف
  3. شيرين سامي
    اه فعلا ...انا جبته من حتة تانية حطيتة هنا
    هههههههه من علي الوورد ...
    شكرا ليك بجد

    ردحذف
  4. خواطر شابة
    معاك حق فعلا ...بس انا بقيت اعرف زاي اتعامل مع الناس دي
    دمت بخير

    ردحذف
  5. الله يكون في عونك على الاسئله المستفزه فعلا دي

    اجاباتك جميله يا رحاب وصريحه

    عشره على عشره في الواجب

    ردحذف
  6. اجاباتك دمها خفيف و فيها روح الشباب.مش بقولك بتفكرينى بشبابى :)

    ردحذف
  7. Dr/ walaa salah


    هههههههههه
    عشرة علي عشرة
    لاء انا بحب الارقام الفردية خليها تسعة احسن
    ربنا يخليك يا دكتورة

    ردحذف
  8. Tears
    انا لي الشرف طبعا
    بس والله بجد انا بجاوب بصدق واكره الكدب جدا
    واصلا انا كمان مقولتش علي اسئلة مستفزة تانية لانها شخصية جدا
    دمت بكل خير ومنوراني دايما

    ردحذف
  9. السلام عليكم و رحمة الله و بركاته أتمنى أن تقبلوني ضيف خفيف في مدونتكم

    تقبلو سلامي و تحياتي و مروري اخواني الأعزاء

    ردحذف
  10. جميلة إجاباتك يا رحاب

    فعلا اسئلة استفزازية تستفز الواحد وتخليه يتعجب من الناس


    تسلم إيدك

    ردحذف
  11. بجد ولا يهمك من اى حد اصلا
    الاسئلة فعلا مستفزة انا لو بتسأل كده كنت ضربت اللى بيسألنى
    اكتر سؤال غاظنى اللى هو بيقولوا فيه مش باين عليكى انك بتكتبى
    بجد السؤال ده اللى بيساله عاوز اجابة تخليه يسكت ومايتكلمش للابد:)
    على فاكرة انا كمان عاوزة اتعرف عليكى فعلا
    شوفى بقى هنتعرف ازاى
    ابعتيلى رقمك او ميلك فى رسالة.....ماشى ياقمر

    ردحذف
  12. والله كلامك زى العثل
    موضوع الاسئله الاستفزازيه ده
    مشكله
    بس فى ناس زيى متعرفش
    ترد
    خالص
    باخد الكلام اللى السم ده
    واسكت
    واشرب وراه شويه ميه

    ردحذف
  13. بجد قمر
    صباح الفل ياقمرى
    البسي ياروحى ولا يهمك
    تعرفي انا بردوا بدايق جدا لما البس كعب عالى

    يقولى انتى بتعرفي تمشي في الكعب دا
    اروح واقعه
    ههههههههههههههههه
    لسه من كام يوم كنت عند صديقتي وانا نازله من عندها على السلم وشايله البنت كنت هاقع واتجزعت رجلى
    بتكلمنى بعدها بقولها والله تعبانه ورجلى وجعاني
    قالت حقك عليا
    وانت بتلبسي الصندل انا قولت يعنى طويله ولابسه كعب وهتمسي ببنتها ازاى كدا

    هههههههههههههه
    وعينك ماتشوف الا النور كنت هتكسر

    استمتعت بصراحتك الجميله واتمنيت الواجب بتاعك مش يخلص عشان اعرف اكتر واكتر
    شوفتي باه

    كوني بخير ياقلبي

    ردحذف
  14. أجابات منطقية انا اوافقك فى موضوع الفضول فى المعرفة اما الاسئلة الاستفزازية اكيد بتختلف من شخص لأخر
    لكى منى كل تحية

    ردحذف
  15. مدونة الأمل
    اهلا وسهلا بيك
    ونورتينا

    ردحذف
  16. كلمات من نور
    لاء وبجد بيستظرفوا بشكل غريب فعلا ...الله المستعان بجد

    ردحذف
  17. Noha Saleh
    هههههههههه
    يا نهي بجد ده في اسئلة تانية مستفزة بشكل غريب بس انا مكتبتهاش والله لو قلتلك عليها هتتجنني....انا بعت لك رسالة بالايميل
    وان شاء الله نتعرف ونتكلم كتييييييييييير

    ردحذف
  18. محمود(باحث عن حب
    اشرب وراه شوية مية....؟
    يا لهوي يا محمود ...
    انا بكون هتجنن وهنفجر ...بس بحاول اسيطر علي اعصابي ...
    لكني مش بسكت الصراحة بس مشكلتي فعلا اني طيبة

    ردحذف
  19. اسماء عبدالعزيز
    ههههههههههه ده انت بقي حكايتك حكاية عاملة زي حالاتي لما حد يقولي حاجة ...يعني عمر ما في حد قالي مثلا عينك حلوة ...وتصبح عيني سليمة تاني يوم....هههههه
    معرفش لية
    ربنا معانا
    ويخليلك اسرتك يا رب

    ردحذف
  20. elsha3er
    فضول المعرفة ده شيء حلو ايجابي وجميل ومطلوب ...
    لكن الفضول الانساني ده مصيبة بجد
    منورني

    ردحذف
  21. والله انتى ضحكتينى وخاصة عن الاسئلة المستفزة وكمان زى ما قولتى عن الدكاترة المفزلكين فعلا الموضوع دة لحظتة مع اكتر من دكتور يكتب الروشتة ومينطقش باى كلمة يا سلام عليك قال يعنى لو اتكلم حينقص حتة
    بس انا بصراحة لما بقابل دكتور زى دة عقابة عندى انى عمرى ما ادخل عيادتة تانى حتى لو كان دكتور شا طر
    مشكورة رحاب وانا سعيدة انى اتعرفت عليكى اكتر

    ردحذف
  22. مرحبا بكفر الشيخ واهل بلطيم والكفراويه كلهم تحياتى

    ردحذف
  23. فعلا اسئلة مستفزة أوي!

    الناس بقت غريبه جدا صح؟

    ردحذف
  24. تحية عطرة معطرة
    Attention Please >>>>
    المعذرة .. هذا تعليق خارج النص ..
    دعوة للمشاركة في
    مشروع مقروءاتي الثالث
    للمشاركة ولمزيد من التفاصيل .. هنا
    http://qweary555.blogspot.com/2010/12/1431.html
    ــــــــــــــــــــــــ
    وإن شاء الله تكون هذي بداية سلسلة من الزيارات 

    ردحذف
  25. "بس بحب اعرف من مصادر موثوقة مش مجرد معرفة غير آمنة...."
    أنا لا أتهاون في هذه الصفة... وبالذاااات لما حد يقولي : وزي ما قال (ص): ..... أقول له مباشرة: جبت الحديث ده منين؟
    صحيح أنا علوم... لكن دارس شرعي برضه..
    أما عينة كتب أنيس منصور (لعنة الفراعنة - الذين ذهبوا - الذين هبطوا - أرواح وأشباح - القوى الخفية - ........) فطبعا أنا واكلها أكل من أيام الإعدادية.. يعني من أكتر من 20 سنة وما زالت عندي.. لكنها لا تصلح نهائيا ككتب علمية... هي مسلية جدا ......فقط.
    "سؤال اكثر استفزاز ......لما حد يقرالي مقال او قصة ....." والله ...هو انت اللي كتبت الكلام ده....؟ مش باين يعني عليك..." " طيب ممكن اعرف بيبان ازاي...؟"
    هههههههههههههههههههههه
    (بجد ضحكت كتير جدا).

    المشكلة إن كل حد بيكتب الواجب ده، فيحسسني بالذنب؛ لأنه جالي من لولوكات من فترة طويلة.. ومش لاقي فرصة لكتابته!!!

    تحياتي أختي الكريمة..

    ردحذف
  26. فى ناس غلسة غلسة غلسة مش اى كلام يعنى يا رحاب
    بيكونوا تخصص دول بقى ياتفكك منهم ياتردي رد يحرجهم ويحرق دمهم
    :)
    الدكاترة بيتعاملوا مع المرضى زى بالظبط المدرس ما بيتعامل مع تلاميذه
    والمفروض مايقولش غير حاضر وطيب لانه هو الاستاذ :) احنا ايه اصلا يدخلنا فى شغله
    كانه بيكتب العلاج لحد تانى

    ردحذف
  27. رحاب :
    كيفك ؟
    حلوة الأسئلة اللي تنرفزك - اهو الواحد عرف ينرفزك إزاي -
    لكن الأحلى طريقة ردك عليها ساخرة وفكاهية ..
    //
    تحياتي وتقبلي ردي ومروري

    ردحذف
  28. جدميله اجاباتك يا رحاب
    اجابات نموذجيه

    ردحذف
  29. سلامو عليكو..
    ردودك تدل على خفة دمك
    وتربيتك
    وانطلاقك لكن باصول

    انى احبك فى الله

    ردحذف
  30. هبة فاروق

    انا كمان سعيدة بمعرفتك جدا يا هبة
    ومعاك حق فعلا في حكاية الدكاترة المفزلكين دي ...انا كمان بعمل زييك برضه...
    منوراني

    ردحذف
  31. بس خلاص ...
    اهلا بالزيارة الاولي
    واهلا بيك وبكل المصريين
    احنا مفيناش من كفراوية ولا شراقوة ولا اسكندرانية
    احنا كلنا مصريين
    منورررررررررررة

    ردحذف
  32. Samoura
    الاسئلة المستفزة كتيرة
    والافعال المستفزة اكتر
    اما بالنسبة للناس فغرابتهم واستفزازهم احيانا بيكون من ضيقهم من الحياة نفسها

    ردحذف
  33. محمد سعد القويري
    ان شاء الله ادخل علي اللينك
    واهلا وسهلا بيك وبزيارتك في اي وقت

    ردحذف
  34. ماجد القاضي
    علي فكرة انا كمان قريت كتب انيس منصور دي في الاعدادي وكنت حابها موووت لكن كمان قريت نفس موضوعاته لناس تانين زي دكتور راجي عنايت وغيره
    بس انا قصدت هنا اني كنت بحب اعرف اكتر غير اللي كتبه...
    اما قصدي بالمعرفة غير الامنة ان لو حد قالي معلومة مش متأكدة منها او من كتاب غير معروف لكاتب مجهول فبحاول اعرف الصح لاني كدة بتكون ثقافتي او معلوماتي من مصادر مجهولة قد تكون توجهني توجية لشيء ما ...مثل اغلب الكتب الدينية للأسف الشديد

    ضحكت انت كتير عشان كلامي ....بس والله دي الحقيقة المرة وماخفي كان اعظم ده في اسئلة مستفزة لدرجة ال...مش عرفة اقول اية ....
    شكرا استاذ ماجد لكلامك

    ردحذف
  35. رحــــيـل
    ازيك يا سارة وحشاني بجد جداااااا
    معاك حق فعلا والمدرس والطبيب اتنين من المهن المحتاجة كلام ومناقشات مش بس اوامر ...شكرا لحضورك

    ردحذف
  36. IMSA
    يا سلام يا اسلام
    اخ ...مسكتني من ايدي اللي بتوجعني
    هههههه
    ياما حاجات بتنرفز وانت شايف اية في حياتنا مينرفزش ....؟
    اهو بنحاول نعيش
    وكتبتها بطريقة ساخرة واللي زي ما جه في دماغي علي طول
    شكرا يا اسلام

    ردحذف
  37. عمرو يسرى
    مش حكاية نموزجية او غيره
    بس بجد كل انسان بيختلف عن الاخر وحتي لو نفس الشيء بينرفزني انا وانت لكن رد فعلنا مختلف
    شكرا لزيارتك

    ردحذف
  38. (ست* جنى* الحسن
    يا هلا يا هلا
    علي فكرة دي تاني مرة تزوريني فيها
    وانا عارفة اني مزورتكيش كتير بس ظروف والله
    انت طلعت احسن مني وكررت الزيارة
    شكرا لكلامك وجزاك الله خيرا
    وان شاء الله تتكرر الزيارة مني ومنك

    ردحذف
  39. ههههههههههههههه

    بجد ضحكتيني و معاك حق ... حاجات بتستفز فعلااااً ....

    كتبتي البوست بأسلوب فكاهي ... :)

    ردحذف
  40. قطرة وفا
    شكرا علي كلامك
    ومنوراني دايما

    ردحذف
  41. راقتني زيارتي الاولى لمدونتك وراقني ان اول موضوع يكون بهذه الجمالية
    كل عام وانت بالف خير
    بارك الله فيك يا طيبة

    ردحذف
  42. هههههههههه

    اسئلة استفزازية فعلا

    مشكورة يا رحاب على اجاباتك الجميلة

    دي اول زيارة لي لمدونتك

    وان شاء الله مش هتكون الأخيرة

    ردحذف
  43. اجابات صريحه على الاخر واسئله الاستفزاز كتير واوحش حاجه فيها التدخل في شئونك الخاصه
    تقبلي تحياتي

    ردحذف
  44. انهم يقولون؟
    ماذا يقولون؟
    دعهم يقولون

    ردحذف
  45. هناك دعوة لك عزيزتي على مدونتي رجاء الاطلاع عليها وتمنياتي ان لاتكون في اطار ما اسميته انت استفزاز وفضول
    دمت بكل الود

    ردحذف
  46. ما وظيفة لطيفة. أنا حقا أحب قراءة هذه الأنواع أو المقالات. هل يمكنني ذلك؟ تي ان ننتظر لنرى ما يقول البعض الآخر.

    ردحذف
  47. في حاجات كتيييييير ياحويه أنا زيك فيها بجد

    ومعاكي حق

    وأنا للأسف من النوع إللي استفز بسرعه عااااااااا

    وفعلا أنا أعترف إني كسوله في التدوين فقط
    هههههههههههه
    وحاضر هعمل الواجب

    وحشاااااااااااااااني جدا على فكره
    وأنا عارفه إني مقصره معاكي أوووي
    بس والله على طول في بالي
    ربنا يحميكي حبيبتي
    ^_^

    ردحذف
  48. السلام عليكم
    انا اول مرة اقرأ فى مدونتك
    ومن حسن قدرى دا اول موضوع
    واللى خلانى اعرف فيه حضرتك كويس
    بس تصدقى عندك حق بجد حاجة تخلى الواحد يشد فى شعره
    ابقى بخير

    ردحذف
  49. حلم
    اهلا وسهلا بالزيارة الاولي
    ويارب ما تكون الاخيرة
    وشكرا علي كلامك
    وان شاء الله ازور مدونتك

    ردحذف
  50. وداد
    واهلا وسهلا بيك يا وداد بس علي فكرة انا مش اسفزازية ولا فضولية خاااالص
    الا قوليل هو انت اخت ولاء صلاح والا انا بيتهيء لي ...؟
    مش فضولية خااالص

    ردحذف
  51. eng_semsem
    اهلالالالالالالالالالا
    كدة انا اطمنت انك مش زعلان مني
    ميرسي لوجودك هنا
    وميرسي علي كلامك جدااااا

    ردحذف
  52. dr.lecter
    اهلا وسهلا
    اختصرت كلامك بعلامات استفهام بس لها معاني عميقة جدا
    مشكور لزيارتك وكلامك

    ردحذف
  53. خواطر شابة
    اهلا عزيزتي لقد رأيتها بالفعل وقد خفت منها بعض الشيء ثم راقني ان اتكلم عنها انتظريني في الرد قريبا
    وشكرا لك انك فكرت بي

    ردحذف
  54. ghada mOhsen
    اهلا بالكسلانييييييييييين
    وحشاني مووووت موووت يا غادة
    طبعا احنا زي بعض ف حاجات احنا مش اصحاب لازم نبقي في تشابه بينا...ههه
    اعملي الواجب والا انت عارفة بقي

    ردحذف
  55. مدونة رحلة حياه
    وانا يسعدني تشريفك لمدونتي المتواضعة واهلا وسهلا بيك وان شاء الله زيارتي قريبة لمدونتك

    ردحذف
  56. ازيك يا رحاب

    جيت ارد على سؤالك يا قمر

    ايوة انا اخت الدكتورة ولاء صلاح

    أي خدمة يا جميل

    وميرسي على مرورك بمدونتي

    ردحذف
  57. كلامك صح رحاب فعلا اسئلة استفزازية لكن ولا يهمك انت قدهامع احترامي وتقديري

    ردحذف
  58. وداد
    ده شرف ليا اتعرف عليكم بجد
    واهلا وسهلا بيك في اي وقت يا قمر

    ردحذف
  59. غير معرف
    متشكرة جدا واتمني انك تكتب اسمك لاني بتنرفز جدا من عدم كتابة الاسم

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين