الأربعاء، 22 ديسمبر 2010

قضاء وقدر أم إهمال...؟

هل نرمي بأنفسنا في التهلكة ثم نقول قضاء وقدر أم نري أبعد من أعيننا قليلا لنري الاسباب الحقيقية وراء ما حدث ويحدث دائما ونلقي باللوم علي القضاء والقدر وننسي اهمالنا
وما يحدث في المدارس من اهمال ونضعه تحت خانة القضاء والقدر كثيرا وللأسف وزير التربية والتعليم لا يري ابعد من مدارس القاهرة ليتابعها ويقوم برفد مديريها وموظفيها بسبب كومة قمامة ولكنه لا يري مدارس قري مصر الاخري التي اصابها من الاهمال اكوام واكوام لدرجة أن بوابة حديدية لمدرسة ابتدائية تابعة لإدارة بلطيم التعليمية  تقع علي مدرسة شابة ووتصيبها إصابات خطيرة جدا تنقل علي اثرها لمستشفي بلطيم العام والتي تقف عاجزة امام إصابتها الخطيرة وتقوم بتحويلها إلي مستشفي المنصورة ....
قد تقول أنه قضاء وقدر ولكن عندما تعلم أن البوابة الحديدة تلك كانت معلقة بمجرد لحام بسيط وكانت لا تفتح الا بصعوبة بالغة وقدر الله ووقعت علي تلك المدرسة المسكينة لتحيلها الي مجموعة من العظام المكسورة والجروح التي لا تلتئم , ومن حسن الحظ انه لم يكن بجوار المدرسة الا طالبة صغيرة قذفتها المدرسة بعيدا عندما وجدت البوابة تنهار عليها وعندما جرت صديقتها المدرسة الاخري لتساعدها لم تستطع الا ان تصاب هي الاخري بجروح عديدة .....
تري من السبب ...؟ هل هو القضاء والقدر حقا ...؟ ام أنه الاهمال ...؟
الاهمال الذي تركه مسؤولي المدرسة لبوابة حديدية تزن كما هائلا من الوزن معلقة علي مجرد لحام بسيط لتقع علي مدرسة شابة زوجة وام لطفلة ثلاث سنوات وتوأم ستة اشهر .....
ترقد " لولا محمود" الان في مستشفي المنصورة العام  بسبب الاهمال ...
هل وزير التعليم الهمام يعرف عن هذه الحادثة شييء ....؟
اراهن بكل ما املك انه لا يعرف اي شيء ...
وزير التعليم احمد زكي بدر النشيييييط جدا جدا صباح الخير
واراهن انك لن تعرف هذة المدرسة الشابة كانت تعمل في اي مدرسة وفي اي قرية

خارج الاطار 
للأسف ان اللي حصل ده في المدرسة اللي اختي شيرين بتشتغل فيها وللأسف اني مقدرتش اروح واصور برغم ان بابا قالي ان المفروض كنت روحت وصورت وكتبت وبما اني صحفية فأكيد حاستي الصحفية كانت هتمشيني لغاية هناك عشان اكتب واصور ....ولـــــــــــــــــــــكن  
للأسف انا عملت اكتر من مشكلة في المدرسة دي وبيقولوا عني هناك اني متصيدة أخطاء وفقط ولا أري اي شيء سوي الاخطاء , وبرغم ان المدرسة التي اصيبت صديقة لي جدا وعزيزة علي جدا جدا يمكن عشان كدة مروحتش ولا صورت عشان محدش يقول رحاب بس راحت عشان تكتب وبس عشان شغلها مش عشان صديقتها ....ويا خسارة بجد علي الناس اللي بتفهم صح ...بس انا بجد مخنوقة جدا لاني حاسة اني مقيدة مش عارفة اعمل حاجة بسبب الاهمال ده , صحيح خليت غادة تكتب الخبر علي موقع الكتروني , بس ده مش كفاية كتبت مقال وارسلتة لعدة جرائد بس ده مش كفاية , انا مخنوقة جدا بسبب الاهمال ده وبسبب ان ناس بتقول ان ده قضاء وقدر مش اهمال ...تفتكروا ان ده صحيح قضاء وقدر ...؟ اريد اجابة ..؟
رحاب صالح

هناك 27 تعليقًا:

  1. لا حول ولا قوة الا بالله
    نسال الله السميع ابصير ان يشفيها فهو الشافى شفائا لا يغادر سقما...

    اما بعد كلكم راع وكلكم مسئول عن رعيته
    وسيسال مدير الانيه التعلميه
    ووزير التعلم ورئيس الجمهوريه ورئيس الواره عن تلك المدرسه
    ويوم القيامه ستختصمهم...وتنال حقها منهم

    ليس للامر اى علاقه بالقضاء والقدر
    فالقضاء والقدر هو علم الله المسبق
    وليس هو المحرك للاحداث

    ماحدث هو اهمال وتسيب وفساد

    حسبنا الله ونعم الوكيل

    تحياتى

    ردحذف
  2. طبعا اهمال مش قضاء و قدر و طبعا غلطانة انك لم توافقى والدك و تذهبى للتصوير لان من غير صور مهما كتبتى مش ح يكون الكلام مؤثر و ح يطلع الف ضلالى يشكك فيه

    بالعكس كونها صديقتك ده كان يخليكى تصورى فى المدرسة و فى المستشفى و فيديو كمان و تعملى معاها حديث و تنشرى و تبعتى فى كل الصحف عشان الضحية تاخد حقها و كمان كان لازم تراسلى العاشرة مساء و اى برامج شبيهه و كانوا ح يهتموا لو لقوا صور و فيديو حتى لشكل البوابة قبل ما يزيلوا اثار الجريمة و الحق يروح و يطلع الف واحد يكدب كلامك

    كونك صحفية ده يخلى رد فعلك اقوى من المحيطين بيكي يا رحاب

    رحاب انا مش صحفية بس لما شفت موقف مشابهه و فيه افترا على غلابة و داخل قسم شرطة و ما ادراكى ما هو قسم الشرطة الا انى برضة مش سكت و اصريت اعمل محضر اثبات حالة و قابلت المأمور عشان اخد حق ناس غلابه و سربت الخبر و اتنشر فى تلت صحف و جبت المنظمة المصرية لحقوق الانسان و جبت لجنة الحريات فى حزب معارض و بهدلت الدنيا مع ان الخصم كان اوسخ ناس فى مصر مش مجرد ادارة مدرسة مهملة

    كونى ايجابية...كونى قوية و حاربى الفساد

    ردحذف
  3. فعلا يارحاب معاكِ حق
    دا اهمال وتسيب .. مش قضاء وقدر
    والمفروض انهم يأمنوا المدراس كويس ويطمنوا على سلامة كل شيء ومايسبوش شيء للصدفة ..
    مدارس يعنى فيه ارواح بشر ولابد المحافظهعليمهم لكن للأسف الفرريق غير متكامل ويوجد بداخل المدارس تسيب واهمال
    الحادثه فعلا مُريعه ربي يشفيها .. وشوفي قد ايه جمال اخلاقها حياتها معرضه للخطر وبمعنى اصح للموت وتبعد التلميذه عشان ماتتصابش .. منهم لله بجد منهم لله
    تخيلى لو البنت كمان .. حسبي الله ةنعم الوكيل
    نتمني ان وزير التعليم زى ماهو بيشدد على الموظفين والمدرسين .. يشدد على الأمان في المدارس على كل شيء
    واعادة بناء المدرس القديمة واخلائها من التلاميذ والعاملين بها ومايستنوش تنهار ويقوله أعماار

    الله يشفيها ويشيل عنها يارب ويخفف آلامها ..
    دمت بحب

    ردحذف
  4. أزال المؤلف هذا التعليق.

    ردحذف
  5. بصى يارحاب كل مهمل يقول عن اهماله قضاء وقدر حتى يعفى نفسه من المسئوليه ولكن دا لا يجعل الاهمال قضاء وقدر فالاهمال واضح وصريح
    ودا طبعا اهمال جدا وتسيب
    اما بالنسبه للوزير معتقدش اساسا انه يعرف كتير عن مدارس القاهره نفسها مش بس المدراس اللى عندكم

    ربنا يشفيها ويخفف عنها

    ردحذف
  6. السلام عليكم
    التعليم مشكلة عامة في دول العالم العربي
    لانه مسلوب من حكوماتنا تخطيطه ليس بايدينا بل بايدي صندوق النقد الدولي
    هو المخطط للبرامج وما وزراء التعليم في عالمنا سوى
    كراكيز
    تحياتي

    ردحذف
  7. ليس فى وسعنا سوا ان نقول حسبي الله ونعم الوكيل

    لان ده ملهوش اى مسمى تانى غير اهمال اهمال اهمال ثم اهمال

    وبعدين عشان هى صحبتك يا رحاب ده كان مفروض يخلكى تصورى ده كان لازم ولازم انك تعملى كده لازم تفضحيهم وتبينى
    مصايب بلدنا اللى مبتخلصش واللى بلدنا ملهاش اى علاقه بيها ربنا ينتقم من بيقولو على نفسهم مسئولين على فاضي دول

    دول مسئولين على ايه دول مسئولين انهم يموتونا لو مش بماء الصرف اللى بيتشرب يبقى بكياس الدم الفاسده او العيش ابو مسامير واخير المدارس اللى هتقعل فوق دماغ اطفالنا واخرها
    الاخت اللى اتصابت دى ربنا يعفو عناها يارب ويشفيها ويقومها بالسلامه

    ردحذف
  8. المشكلة فى بلدنا أننا سلبيين وده بيبسط الحكومة والوزراء وأى وزير يجيلوا من أحد مستشارية موضوع مثل هذا بيغضب من هذا المستشار لأنه كأى وزير آخر موش عايز مشاكل عايز الفترة بتاعته تمر بسلاسة وبدون تعقيدات أو حتى مشاكل طبعا .
    أنتى صديقتها قبل كل شيئ ومسئولة أمام الله على شهادتك وكل ماحصل مهما كانت النتائج يجب أن تبلغى عنها وبمحضر رسمى فى الشرطة ويكون مايكون بعد ذلك خوفنا وإهمالنا أكبر بكثير بل هو السبب الرئيسى فى إهمال الوزراء والمسئولين واحكومة على حد سواء كان يجب أن تذهبى وتصورى كل شيئ وتبلغى الشرطة بمحضر رسمى هذا هو واجبك ومازال الموضوع قابل للعلاج حتى الآن وشكرا لك أختى رحاب

    ردحذف
  9. المشكلة فى بلدنا أننا سلبيين وده بيبسط الحكومة والوزراء وأى وزير يجيلوا من أحد مستشارية موضوع مثل هذا بيغضب من هذا المستشار لأنه كأى وزير آخر موش عايز مشاكل عايز الفترة بتاعته تمر بسلاسة وبدون تعقيدات أو حتى مشاكل طبعا .
    أنتى صديقتها قبل كل شيئ ومسئولة أمام الله على شهادتك وكل ماحصل مهما كانت النتائج يجب أن تبلغى عنها وبمحضر رسمى فى الشرطة ويكون مايكون بعد ذلك خوفنا وإهمالنا أكبر بكثير بل هو السبب الرئيسى فى إهمال الوزراء والمسئولين واحكومة على حد سواء كان يجب أن تذهبى وتصورى كل شيئ وتبلغى الشرطة بمحضر رسمى هذا هو واجبك ومازال الموضوع قابل للعلاج حتى الآن وشكرا لك أختى رحاب

    ردحذف
  10. عزيزتي رحاب أنا مقدره انك من كتر ضيقك مقدرتيش تصوري و تتعاملي مع الموضوع كعمل و تعاملتي كانسانه و صديقه
    طبعاً ده اهمال و المفروض أهل المدرسه يرفعوا قضيه على المدرسه و وزارة التعليم كلها و يوصلوا الحكايه للاعلام بأي شكل صحيح الدنيا كلها بقت فساد و خراب لكن مش لازم نكون سلبيين خصوصاً ان في اعلام حر نوعاً ما
    ربنا يصبرها و يشفيها
    تحياتي الخالصه ليكي

    ردحذف
  11. بجد حرام لما يبقى الاهمال منتشر كده وماحدش يتحرك غير لما تحصل كارثة
    وكمان ممكن محدش يتحرك خالص
    ويبقى فى الاخر السبب هو القضاء والقدر رغم ان السبب هو الاهمال وقلة الضمير
    ومحدش بيتبهدل غير ضحايا الاهمال

    ردحذف
  12. حبيبتي الاهمال موجود في كل شئ

    لكن انا بعتب عليكي انك مرحتيش فعلا وصورتي

    سيبك من كلام الناس

    انتي صحفيه والمفروض تهتمي بالحدث مهما كان

    ربنا يشفيها المدرسه دي

    ردحذف
  13. السلام عليكم
    هو القضاء والقدر فى الموضوع انها تقع على المدرسة دى بالذات لكن السبب فى وقوعها من الاول هو الاهمال سواء من البلدية سواء من ادارة المدرسة سواء من الاهالى .........
    الموضوع فيه الاتنين
    دا رأيى
    ربنا يشفيها
    دومتى بخير

    ردحذف
  14. اهمااااااااال اهمااااااال اهمااااااااااال


    وبجد حرام


    لا حول ولا قوة الا بالله



    ربنا يشفيها يارب

    ردحذف
  15. السلام عليكم

    طبعا الموقف مؤلم جدا أختي رحاب.. ربنا ينجيها ويعيدها سالمة إلى أهلها..

    صراحة أنا مع من رأى أنه كان عليك القيام بالتصوير وتوثيق الحدث...

    عامة في رأيي أنك ما زلتِ قادرة على نشر الأمر والحديث عن الإهمال كظاهرة عامة..!

    تحياتي.. وأتمنى أن توافينا بآخر مستجدات الأمر..
    دمتِ سالمة أختي الكريمة.

    ردحذف
  16. الاهمال شىء اصبح يتكرر فى كل شىء
    ولا حياة لمن تنادى
    بجد للاسف دة حال مصر والاهمال اصبح سمة من سماتها والقضاء والقدر اصبح هو المبرر
    مشكور رحاب موضوع مهم
    تقبلى مرورى وتحياتى لكى

    ردحذف
  17. ربنا يشفيها ويعافيها وترجع لاولادها وانا رايي انه قضاء وقدر اننا نعيش في بلد مفيش حد فيها بيسال على حد غير نفسه وواضح ان الضجه اللي عملها الوزير في الاول كانت عشان تلميع صورته انما المدارس هي هي بنفس اهمالها وسواء كانت الضحيه مدرسه او طفله فهي في الاخر انسانه مفروض يتحقق ليها الامان في مكان عملها وللاسف احنا اللي بندفع التمن وهما الللي بيقبضوا تمنها
    ربنا يقومها بالسلامه ونسمع عنها اخبار كويسه منك
    تقبلي تحياتي واسفي على ما يحدث على ارضنا المصريه

    ردحذف
  18. شماعة الأخطاء كلمة القضاء والقدر مع الأسف الشديد

    يوم حسابهم حيكون طويل يا رحاب فكلنا راع وكلنا مسؤول عن رعيته

    يعني لو ضربنا مثال صغير ...باب في بيتك كله زجاج والزجاج بدأت يتلخلخ بسبب الاطار الخشبي بقى ضعيف ...لو عى الاب والام عليه وتناسوه وسقط على ابنهم حنقول قضاء وقدر؟؟؟؟؟؟؟؟ عارفه داه لو بره مصر في امريكا والا كندا وحصل بياخدوا الابن من ابوه وامه وبيقولوا انهم ميستاهلوهوش

    حسبي الله ونعم الوكيل

    ردحذف
  19. للأسف ده قمة الإهمال

    ووزير التربية والتعليم مش بيروح اي مدرسة

    لأ

    دا بيروح لمدارس معينة وبيعمل شوية حركات علشان الباقي يخاف

    هو فالح بس ينقل ده ويرفد ده

    لكن يشوف التقصير منين ولا إيه السبب لأ

    مجرد قرارات تعسفية يطلقها

    تعرفي انا مُدرسة وأول ما اعرف ان الوزير جاي مدرستي

    مش هتحرك من مكاني

    ولو كلمني نص كلمة هسيب له المدرسة بالعقد بس قبل كده

    هقوله كلمتين حلوين يفوقوه

    ردحذف
  20. رحاب جربى ارقام الموبايل دى لبرامج توك شو لقيتها دلوقتى


    http://www.rawshanat.com/vb/showthread.php?t=231466

    ردحذف
  21. محدش ح يتحرك لو ماجاتش في التليفزيون...ربنا معاها

    ردحذف
  22. رد عــــــــــــــــام
    اولا بشكركم كلكم جدا وبعتذر لاني مش هقدر ارد عليكم رد منفصل
    اولا بعرف اني غلطانة ولومكم ليا معاكم حق فيه جداجدا جدا
    وانا مزعلتش خالص بالعكس انا بكره النفاق والمجاملة
    ثانيا انا فعلا مصورتش لاسباب كثيرة واهمها اني متهمش اني غاوية شهرة علي حساب صديقتي, ثانيها ان يوم الحادثة جات اتصالات عندنا البيت من ادارة المدرسة بالتدخل لبابا وخالي عشان مكتبش اي شيء عن الحادثة ولا اي صور ولا اي شيء ....وانا استغربت فعلا ليهم هما خايفين مني كدة
    وثالثا اختي بتشتغل ف المدرسة دي والجميع قالي اني هضرها وانا قلت لهم اختي مالهاش دعوة بشيء لانها مش في ادارة المدرسة اختي مجرد مدرسة بالعقد ومش اساسية كمان
    رابعا خالي كان مدرس اول بالمدرسة دي وتركها بسبب الاهمال ولكن تبقي علاقته قوية بمن فيها جميعا...لهذا كان هو المتدخل الرسممي والجميع اتصل بيه بعد م بابا قالهم بنتي تعمل اللي هي عايزاه وده شغلها ....
    خالي جه واتكلم معايا بالحسني اولا وانا قلت له وجهه نظري وقلت له كمان ان غيري نشر وبالصور كمان ....لكن هو مقتنعش لانه عارفني ....وفضل يكلمني ان ده ضرر لاختي ومش عارف اية ...
    بس انا كنت علي رأي اخر ونشرت الموضوع فعلا علي مواقع مش هقول فين وخالي عرف واتحانق معايا جدا وانا من النوع اللي بياخد الامور بحساسية زيادة تعبت جدا وروحت للدكتور ...بس عملت اللي يمليه علي ضميري ....حتي لو كانت العلاقة بيني وبين خالي اتوترت
    سادسا ....انا عرفت لية ادارة المدرسة كانت بتزن علي بابا وخالو اني منشرش ولا اكتب شيء ...؟ لية انا تحديدا ...؟ لية رحاب صالح ...؟
    اتضح ان مقالاتي اللي كتبتها عن الاهمال في المدرسة كانت السبب ف لفت نظر ليهم اكتر من مرة ومرسل مقالاتي بلفت النظر ده من الادارة التعليمية ...؟ يعني لو كنت نشرت وبإسمي كانت هتبقي مصيبة للمدرسة ...
    سابعا ...انا اتصلت بصديقتي في المنصورة هي بنمستشفي الطواريء وطبع اختها اللي ردت عليا وطمنتني عليها وقالت انها هتعمل عملية زرع شرائح في فقرة من فقرات الضهر وده غير عمليات اخري وده كله للأسف مازال علي حسابهم ...برغم انهم قدموا بلاغ ضد المدرسة ....وكمان انا زورتهم في البيت ولكني متكلمتش معاهم في شيء ولكن قلت لصديقة لي تفهمهم اني قدر اساعدهم بأي شيء لو موصلوش مع المدرسة لحل واخدوا تعويض مناسب ...
    كل يوم بأنب نفسي اووي وكل صلاة بدعي لصديقتي ربنا يتم شفاءها وتقوم بالسلامة ان شاء الله
    كل وقت اقول انا غلطانة ومش عشان اختي ولا عشان خالي لاني فعلا قصرت في قول كلمة حق ...
    ولكني احاول اصلاح هذا الخطأ ....
    ثامنا ...اتمني ان تدعوا لي في تحقيق ما عزمت عليه وان يوفقني الله فيه وان تدعوا لصديقتي ولكل مرضنا بالشفاء
    تاسعا ...
    اشكركم جميعا واعذروني ان لم اتابعكم جميعا فانا فعلا مشغولة جدا بسبب المذاكرة وكمان لاني تعبانة فعلا نفسيا وجسديا ...
    مودتي وحبي لكم جميعا

    ردحذف
  23. السلام عليكم

    ربنا يجزيكي خير أختي رحاب.. أنا شايف بعد التوضيح ده إنك فعلا عملتي كتير.. خاصة إنك اصطدمت بخالك.. وإن إدارة المدرسة أدركت أن العين بقت عليهم..!

    ربنا يزيح عنك المرض، ويشفي صديقتك.. آمين..

    بالتوفيق..
    تحياتي وتقديري أختي الكريمة.

    ردحذف
  24. سلبياتنا تفوق ايجابيتنا سلبيتنا فى التعليم والمواصلات والمستشفيات سلبيتنا فى الشارع والبيت فى العمل سلبياتنا فى القريه والمدينه والمحافظه المختصر ان سلبياتنا بداخلنا لابد من اصلاح الداخل كى يتم اصلاح الخارج سلبياتنا كلها داء وليس له دواء ـــ تاثرت جدا من كلامك لاكن لم يكن بيدى الا ان ادعوا بالشفاء لكل مريض شرفنى مرورى لمدونتك وارجوا ان تتقبليه يهمنى مرورك يشرفنى مرورك ويسعدنى رايك الاحـــــــــــــلام

    ردحذف
  25. سلبياتنا تفوق ايجابيتنا سلبيتنا فى التعليم والمواصلات والمستشفيات سلبيتنا فى الشارع والبيت فى العمل سلبياتنا فى القريه والمدينه والمحافظه المختصر ان سلبياتنا بداخلنا لابد من اصلاح الداخل كى يتم اصلاح الخارج سلبياتنا كلها داء وليس له دواء ـــ تاثرت جدا من كلامك لاكن لم يكن بيدى الا ان ادعوا بالشفاء لكل مريض شرفنى مرورى لمدونتك وارجوا ان تتقبليه يهمنى مرورك يشرفنى مرورك ويسعدنى رايك الاحـــــــــــــلام

    ردحذف
  26. الاحـــــــــــــــــــــــــلام26 ديسمبر 2010 في 9:52 ص

    سلبياتنا تفوق ايجابيتنا سلبيتنا فى التعليم والمواصلات والمستشفيات سلبيتنا فى الشارع والبيت فى العمل سلبياتنا فى القريه والمدينه والمحافظه المختصر ان سلبياتنا بداخلنا لابد من اصلاح الداخل كى يتم اصلاح الخارج سلبياتنا كلها داء وليس له دواء ـــ تاثرت جدا من كلامك لاكن لم يكن بيدى الا ان ادعوا بالشفاء لكل مريض شرفنى مرورى لمدونتك وارجوا ان تتقبليه يهمنى مرورك يشرفنى مرورك ويسعدنى رايك الاحـــــــــــــلام

    26 ديسمبر, 2010 09:48 ص

    ردحذف
  27. الصحفي الأمين لا يأخذ معلوماته من أفواه بعض الناس الذين قد لايكونون يعرفون أي شىءعما يتكلمون عنه ولكنهم يرددون كلام سمعوه من اخرين قد يكونون أكثر جهلاً منهم . أولاً البوابة لم تكن ملحومة كما أنها تفتح كأي بوابة بسهولة جداً,واسألي أي تلميذ ممن يدخلون ويخرجون منها يومياً
    أما المعلمة -شفاها الله- ليست بهذه الحالة السيئة التي تصفينها بهافأنتي لم تزورينهاولم ترينها تماما مثل البوابة التي لم تدخلي منها حتي تقولي انها تفتح بصعوبة!!!الى جانب بعض الادعاءات مثل ادعاء أن المدرسة الأخرى مصابة رغم انها سليمة-والحق يقال إلا من بعض الكدمات الخفيفة-واتت الى المدرسة في اليوم التالي لكنك أيضا لم تريها مثل المدرسة الأخرى والبوابة!!
    جميع الهيئات الحكومية بها عيوب واخطاء وتقصير ولكنهم يحسنون إخفاء عيوبهم..وصدق المثل القائل (اذا وقع العجل تكتر سكاكينه!!)ولكنهم المصريون كدأبهم دائما يدسون انفوهم في أشياء لا يعلمون عنها شئ ويسبون حتى اذا ما ظهر العكس مدحوا كأنهم ما سبوا و ما عارضوا!!

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين