السبت، 22 يناير 2011

اليوم السابع | رحاب صالح تكتب: لو سمحت.. ممكن تتبرع بدمك؟......تحديث


اليوم السابع رحاب صالح تكتب: لو سمحت.. ممكن تتبرع بدمك؟



السلام عليكم جميعا
حبيت بس اترك لكم توضيح بسيط
في الموضوع
اولا ....التبرع بالدم مهم جدا.....لكن طريقة الطلب نفسها .....شايفيناها ....!!!!
ثانيا.....لو انا كتبت الموضوع وكالعادة اتحذف منه.....
عشان كدة في توضيح الناس مفهمتوش....الا وهو ....ان المتبرع مش بياخد فلوس  الدم اللي اتبرع بيه لكن اللي بياخد الدم نفسه هو اللي بيدفع الفلوس دي للمستشفي  مع انها مستشفي حكومي ومجانا .....ولازم انه يجيب حد يتبرع له وبنفس فصيلة الدم اللي عايزها ....ولازم  المستشفي تاخد اكياس دم بديلة يعني يتبرع للمريض ةويسيب رصيد كمان للمستشفي.....!!!!
وللأستاذ ماجد القاضي اقول............
قبل كدة عملت تحقيق صحفي شامل وكبير جدا عن الموضوع ده بعد مااكتر من شخص جاء للبيت عندي يشكو لي هذا الوضع  السيء  و عملت التحقيق في اكتر من مكان وذهبت لبنك الدم الرئيسي في كفر الشيخ عندنا وقابلت الدكتور المسؤلة وفهمت منها كل شيء وعرفت حكاية المشروع السويسري لفصل مكونات الدم ليستفيد منها اكتر من مريض .....
لكن البيروقراطية والروتين يا جماعة ......ما اعذبها.......عذابها يعني ....
شوفوا هضرب لكم مثال والله ده حقيقي وما هو من خيالي ....
شخص عنده سرطان  من بلطيم ....وكالعادة محتاج دم ...مفيش في بلطيم اخد اربعه اشخاص  يتبرعوا له في كفر الشيخ طبعا عربية لحسابة وعصاير واكل علي حسابة وكل شيء علي حسابة وفي بنك الدم بكفر الشيخ  اتبرعوا  بأكتر من ما هو محتاجة  عشان يسيب رصيد للبنك  وف كل كيس دم اخده دفع 130 جنية ...مع انه هو اللي جاب المتبرعين .....وطبعا لما يسأل يقولولك ده تمن كيس الدم نفسه والتحاليل ومش عارف اية واية.................................الخ
يعني  مش حرام واحد عنده سرطان فلوسة رايحة علي علاجة ....ومش معاه اصلا يدفع ده كله وبيقول اروح مستشفي حكومي عشان  المصاريف ....يلاقي نفسه بيصرف اد كدة......
وده كله بسبب نظام غبي .....اللي يخليني ادفع فلوس لدم متبرع بيه لي اخويا مثلا......!!!
وتقوللي تمن اكياس الدم والتحاليل ........!!!!
طيب وهي الدولة بتعمل اية....؟
والضرايب بتروح فين....؟؟؟
ورجال الاعمال والتبرعات واللي مش عارف اية............
يا جماعة احنا عايشين في غابة......
بجد مش مجرد  دنيا..........
حاسة اننا بقينا ندخل عالم يوتوبيا الدكتور احمد خالد توفيق..........لاء دخلناها من زماااااااااااان

بتأسف لكم تاني وتالت وعاشر
علي عدم الرد علي تعليقاتكم حاليا
رحاب

هناك 25 تعليقًا:

  1. دلوقت بقى شعار المسئولين عن التبرع بالدم اتبرع بنظرة او بابتسامة وبلاش الدم اصله اتلغى من السوق ومحدش بقي بيحتاجه
    مش عارف الصراحة اقولك ايه
    كل اللي قلتيه صح جدا
    اي مريض لما بيروح المستشفى ويحتاج دم لازم يروح بالناس اللي هتتبرعله
    بس يمكن عندنا احسن شوية من عندك
    عندنا مش لازم تكون الناس اللي جايبها نفس الفصيلة (الا اذا كانت فصيلة نادرة زي O نيجاتيف) بياخدوا مقابل كل كيس يطلعوه كيس زيه من الناس بتاعتك مش لازم تكون نفس الفصيلة
    تحياتي

    ردحذف
  2. لالا مبلغ 130 كتير على كيس الدم من ناس اساساً متبرعة لوجه الله

    غالى علشان اساساً دة المفروض مداد المتبرع مخدش فلوس

    غالى علشان المفروض يبقى ببلاش

    انا يمكن الحمد لله متعرضش لحاجه زى كده بس الحالات اللى بيسمع عليها
    حرام يحصل كده

    بس اكيد لما تجيلى الفرصة طبعاً اكيد بتبرع

    تحياتى

    ردحذف
  3. ما هي بداية قصة البنوك الرئيسيه اكياس الدم الملوثه وهي ده حكومتنا تقابل المشكله بصنع مشكله اكبر وصدقيني انا اتبرعت في حياتي مره واحده وبعدها قابلت موقف مع واحد صاحبي قررت اني مش هتبرع تاني الا لواحد في ايده فعلا محتاج مش ياخدوا دمي وبعدين كمان يبيعوه
    تقبلي تحياتي

    ردحذف
  4. يا رحاب هو فيه ايه فى البلد او فى النظام ده ماشى صح

    بقينا شاكين فى كل حاجة و قرأت قصة واحد راح اتبرع بالدم و نتيجة التلوث جاله فيروس سى مع انه كان رايح يعمل خير و سليم تماما

    فاكرة اعلان ليسيكو بتاع انسف حمامك القديم...خلاص مافيش حل غير ده....كله عايز يتمحى و نبدا بداية جديدة من الصفر

    ردحذف
  5. ا. رحاب
    موضوع مهم وقصة بنوك الدم المركزية قالوا انها نظام سويسري علشان عدد الايادي المتعاملة مع التحاليل تكون اقل فتقل نسبة العدوى عن طريق نقل الدم وبيتبعت اسبوعيا كمية ثابته للمستشفيات المختلفة لكن المشكلة ي الاحتياج الطارىء وكتير ن المرضى بنشوفهم بيموتوا على ترابيزة العمليات لتاخر وصول الدم يمكن فكرة تبني الموضوع ده كحملة اعلامية تكون خدمة مجتمعية ايجابية
    ويمكن ايضا التركيز على مرضى الغسيل الكلوي يبين حجم المعاناة نظرا لاحتياجهم الدائم وكثرة اعداده
    وبالتوفيق

    ردحذف
  6. اخيرا تم تعريب اللوحة وهريحك من قراءة الكلام بالانجلش

    الناس اصبحت تبيع الاعضاء مقابل اموال تافهة

    من كام يوم سمعت عن شخص باع كليتة مقابل 50000 تقريبا وبقيت مستغرب وشعرت بالغثيان

    هل فى حد يبيع عضو حباة الله اياة ولو بمقابل كنوز الدنيا مش 50000 جنية

    كمان موضوع الدم اعتقد ان الدم دة بيباع وبصراحة انا مستعد اتبرع بدمى لوجة الرحمن اللى خلقة ليا لكن معنديش استعداد افتح تجارة والبضاعة تكون دمى

    ردحذف
  7. سورى الاخ اللى باع كليتة واللى اتكلمت علية تقريبا باعها ب 15000 مو 50000

    ردحذف
  8. جميل ان ليكي مقال مهم جدا زي ده في اليوم السابع

    مشكورة عليه يارحاب

    موضوع الدم ده في غاية الخطورة رغم عدد المصريين الكبير
    بس فعلا في نقص جااامد في الدم

    والبسطاء وخصوصا اللي بيكون عندهم غسيل كلوي وبيحتاجوا اكياس دم

    ردحذف
  9. كل حاجة ماشية بالمقلوب وماعتقدش الصورة هتتعدل قريب
    مقال رائع رحاب تسلم ايدك

    ردحذف
  10. الغلاء..هذا الشبح الفتاك
    وصل بجشعه إلى ( الدم ) والذى هو مصدر الحياة..
    أين يذهب الفقراء..؟؟؟؟

    ردحذف
  11. استغفر الله
    حتى المتبرع يأخذ فلوس عشان دمه
    مش عايزة اجر ولا حسنات
    طيب لو مش عايز
    يبيعه بارخص سعر
    كانه بضاعة
    لو عجبك السعر خذ
    لو ماعجبك حطة وروح دور على مكان تاني تلاقي فيه طلبك
    ان لله وان اليه راجعون
    ربنا يلطف بعباده الضعفاء
    تقبلي مروري
    سلامي للقمر.

    ردحذف
  12. للفت انتباهي طريقت النداء
    فليس من كلمات غير البسبسة
    تعود الناس عليها ولا ايه؟
    وفعلا اسمعها كثيرا.
    اختي دعنا نضن خير فى هذا الاشخاص
    ولا تنسي عدد المستشفيات الخيريه كثيره وهناك محتاجين اكثر .

    نشكر على طرح الموضيع الشيقة
    دمت فى حفظ الرحمن

    ردحذف
  13. التبرع بالدم
    لابد ان يكون لنا ثقافة التبرع
    فلا احد مننا ليس في بيته مريض
    ويحتاج دم في وقت ما

    ردحذف
  14. التبرع بالدم كانوا ابعوه اولاد الحرام
    تبرعت به برشا وحتى على بطاقتي الشخصية مكتوب عليها *متبرع*

    ردحذف
  15. كل حاجة بايظة


    بجد ربنا يسترها على البلد

    ردحذف
  16. السلام عليكم

    موضوع مهم أختي رحاب.. أشكرك على إثارته.. لكن بجد يحتاج تحقيق صحفي موسع.. يوضح المأساة التي تقابل من يريد تبرعا بالدم، سيما لو كانت الفصيلة نادرة، أو الاحتياج مستمر لفترة..

    بالتوفيق دائما..

    --------------
    ممكن أقترح فكرة؟
    إيه رأيك لو في مقال زي ده كان يبقى العنوان: "ممكن تتبرع بدمك يا جميل؟!"
    أعتقد كان هيكون جذاب أكثر وما زال يدل على المضمون.. خاصة إن القارئ بيجري بعينيه على العناوين، ومطلوب العنوان اللي يجبره على الوقوف والتساؤل عن محتوى الموضوع!

    طبعا الاقتراح من باب المناقشة الصحفية.. :)

    ردحذف
  17. اقولك حاجة غريبة ماصدقتهاش غير لما سمعتها من شخصين صادقين ؟

    طفل عنده السرطان ربنا يشفيه و يعافينا .. راح مستشفى الأطفال 57357 مع أمه .. و طبعا أمه فاهمه إن كل شىء زى اللى بتشوفه فى الإعلانات

    المهم المستشفى رفضت تقبل الولد .. و لما أمه لفت و دارت و داخت السبع دوخات .. إتعطف واحد من مسئولى المستشفى اللى صدوعنا بيه ليل و نهار و قالها ... تفتكرى قالها إيه ؟

    قال لها إحنا مش بنقبل غير الأطفال اللى ليهم وسايط أو اللى أهلهم سبق و أن تبرعواللمستشفى .. أما عدا ذلك نأسف جدا

    الحقيقة .. ما عندى تعليق

    حاجة تقرف

    ردحذف
  18. انا فهمت غلط
    اعذريني
    يعني موت يامواطن
    عشان تخفف على البلاد اشياء حتى لو كانت بسيطة
    لاحولة ولاقوة الابالله
    واسفة مرة اخرى على فهمي غلط للموضوع
    سلامي لاجمل رحوبة.

    ردحذف
  19. لكى ان تتخيلى احساس الدكتور او الممرضه - اللى عايزين يعملوا خير- و هما بيلجأوا للمريض لحل مشاكل اداره المستشفى...كرهت الجو ده كله لكن هنروح فين ده قدرنا او على الاقل قدرى

    ردحذف
  20. رحاب الجميله دائما
    للاسف يا رحاب بقت فيه
    حاجات كتيره غلط
    وده قابلته عندما كان ابي
    محتاج للدم وذهبنا معه
    للتبرع لان المستشفي كانت خاليه
    من اكياس الدم
    تحياتي

    ردحذف
  21. من المفروض ان التبرع يكون لوجهة الله بدون مقابل المرض شىء ممكن يصيب اى انسان فى اى لحظة
    لا حول ولا قوة الا بالله شىء محزن ان لا توفر المستشفيات القدر الكافى من اكياس الدم للفقراء
    رحم الله الناس
    تحياتى موضوع فى الصميم

    ردحذف
  22. موضوع التبرع بالدم ده موضوع خطير فعلا
    انا مش فاهم ازاي واحد محتاج دم يروك البنك يقولوا جيب واحد يتبرعلك ...كيس بدل كيس يعني ولا ايه
    طيب امال البنوك دي لازمتها ايه ؟؟؟

    ردحذف
  23. السلام عليكم
    شكرا استاذة رحاب على دقك لاجراس الخطر
    دم الناس اللى بيتبرعوا بيه وندفع تمنه وفى الاخر يقولك مش مناسب دا فصيلتك مش متوافرة لا دا فى ايه وايه ......... وياما ناس بتروح ارواحها بسبب اهمال بسبب انعدام ضمير بسبب نقطة دم
    وكله كوم والفساد اللى فى المعامل والاجهزة كوم تانى
    المثل قريب هيكون الدم الاحمر بينفع فى اليوم الاحمر بردوا

    ردحذف
  24. السلام عليكم ورحمة الله
    فعلا دوامةلا يحسها الا من يعانيها وهي معظلة تتكرر في بلدان كثيرة جدا وانا ايضا عانيتمنها في مستشفياتنا في بلداننا الفقير لا يملك حق المرض ولا حتى الموت
    بارك الله فيك غاليتي
    فعلاموضوع مهم جدا

    ردحذف
  25. لما النت يجي طمنيني عليكي

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين