الجمعة، 6 مايو 2011

ميلاد جديد

كل الناس بتحب مشهد الغروب
بس انا بحب مشهد الشروق أكتر
يمكن لآن الشروق بيحسسني  بالأمل ....بيحسسني بلحظة الميلاد
كل شروق أشاهده كأنني أشهد لحظة ميلاد طفل .......
                ***********
لي زميل في الجامعة اعرفه  منذ وقت قليل بسبب جروب للجامعة انشأه
والدته كانت مريضة ,,,ثم توفيت ,,, اتصلت به  لأقول البقاء لله ....
انتهت حياة  انسان  اليوم......ثم
بعدها بساعات كانت هناك ولادة انسان أخر......
                       ***********
شروق الشمس مرتبط بالميلاد ....ميلاد يوم جديد
ويمكن ده اللي حصل امبارح....قصدي النهاردة
الفجر......لحظة شروق الشمس......
أخيراااااااااااا  نور الدنيا  وشرف فيها " محمود " ابن اختي "منة"
وده يبقي الحفيد رقم سبعة  في العائلة الكريمة بتاعتنا.....
               ***********
المشكلة ان دايما الحاجات دي مفاجأة
يعني انا قبلها كنت بلعب مع  " اوشة " بنت اختي اللي اخوها شرف الدنيا ده....
كنت بلعب معاها بالهدوم اللي اختي اشترتها للنونو  انا اخد الهدوم واقول بتاعتي  و" أوشة " تصرخ وتقول بتاعت النونو .....
                    **********
قبلها بساعات كنت بكلم " أحمد " اخويا وسألني  هي " منة " ولدت ...؟
قلت له لاء يظهر ان الولد ده مش عايز يجي الدنيا  وعايز يفضل جوه براحته بقي 
هو يعني وراه اية ...قاعد نايم شارب اكل اربعة وعشرين قيراط  جوه , يبقي يطلع بره يعمل اية...؟
                                  **************
قبلها بيوم كنت بكلم  زوج أختي 
بقوله ...." يا رب ما يكون ولد  وتبقي بنت ...مش عارفة لية دايما الرجالة عايزين ولاد مش بنات "
ضحك كتير اووي وقاللي " عشان ياخد باله من مامته واخته ....."
ضحكت وقلت " اها ....الحجج البايته  ههههههههههه "
قالي " مش حجة المهم انه  ولد ...وان شاء الله يبقي طويل مش قصير زي اخته اللي طالعة لخالتها قصيرة _ ده أنا يعني  _ "
                           ************
قبلها بأيام
كنت علي جروب المدونين ع الفيس بوك ...
وكان " د. محمود ..سٍبايدر مان .... وسمار توك...بيتكلموا عن ولادة الاطفال ...
بصراحة كنت  متغاظة منهم جدا ..لانهم مش بيخافوا وانا بخاف اوووي
قالولي وقتها اني بدلع ...بس والله ماهو دلع....
فعلا بخاف اووي  لحظة ولادة الاطفال وبخاف اني اشوفهم او اني اشيلهم كدة بين ايديا ...اخاف جداااااا
فعلا وقت ما اختي ولدت " محمود" كنت خايفة اوووي اوووي
بس حبيت اشوفه اول ما خرج للدنيا ...
طبعا كان مع جدته...وانا ملمستوش اصلا ...انا قلت لها اول شيء " هو انتم غسلتوه والا لاء ...؟"
خليت الناس اللي واقفين ميبطلوش ضحك......
لية ضحكوا هو انا قلت شيء غريب ..........؟؟؟!!!
بس الولد اية " الله بجد جميل اووي وعسول ...وعنيه سودا وانا بموت ف العيون السودا والله علي صوابعه الله بجد ....سبحان الله  وما شاء الله .....دايما الانسان يقف عاجز ومبهور علي قدرة الله ....سبحان الله"
               ***********
قبلها بشهور..............
عرفنا من اختي انها حامل  في ولد
طيب تمام حلو خالص ......
زوجها بقي  كان  عمال علي بطال يقولها " بلاش تبصي لـــ رحاب  عشان الولد ميطلعش قصير كفاية البنت طالعة قصيرة لها "
واختي بقي تتنرفز عشاني " طب يا رب يطلع قصير "

هو لية دايما يقولوا للستات الحوامل بصوا لشخص حلو عشان البيبي يطلع شبهه ...؟ حاجة غريبة بجد
دي حتي البنت " أوشة" طالعة احلي مني مليون مرة  برغم انهم بيقولوا انها طالعالي _ يا سلام هو انا قمر كدة _
                     ***********
منذ ساعات .......
كل اللي جاي لأختي يبارك لها  يقوللي عقبالك ....
وانا بقي زي الاطفال ....اخبط رجلي ف الارض واقول ...لاء لاء لاء  محدش يقوللي عقبالك  خااااااااالص
انا مش هتجوز مش هتجوز مش هتجووووووووووز
وبعدين بقي لو حصل واتجوزت مش هخلف
واذا هو عايز ...يبقي هو اللي يولد هه" فاكرين مشهد فيلم الحيدى بين مدبولي والبنت الصغيرة "
علي فكرة ده مش دلع والله.........
                        **********
اخيرااااااااااااا
كان نفسي بجد اني اصور محمود عشان تشوفوه بجد الله عليه
بس معرفتش بقي ...ماما بتقولي مش عارف اية كدة ومينفعش اني اصورة دلوقت
بس علي مييييييييييييين
والله ما تحصل ابدا .........
كلها يوم وبرضه اصوره واحط الصورة هنا

خارج الاطار: عقبال كل المتجوزين واللي حتي علي وشك الجواز ...ومحدش يقوللي عقبالك  ...ساعتها ممكن اموته


ملحوظة
بجد عارفة اني مقصرة كتيييييييييير في حقكم لاني مش بعرف ازور مدوناتكم
بس غصب عني بجد

هناك 44 تعليقًا:

  1. حمدالله على سلامة أختك
    وربنا يبارك فى النونو:)

    ردحذف
  2. موناليزا
    الله يبارك فيك
    وعقبالك ....بس من غير ما تقوليلي عقبالك

    ردحذف
  3. أولا حمد الله على سلامة الأخت

    و مبروووك على محمود و ربنا يخليهولكم يارب

    بالنسبة لبداية التدوينة فكرتنى
    بمسلسل حديث الصباح و المساء
    أنا بأعشق المسلسل ده

    و الأغنية بتاعته تمشى مع بداية البوست جداً

    و بعدين لا تتأسفى أكيد بيكون غصب عن الواحد انه ميتابعش

    اسألى مجرب (:

    و فى الأخير أغنية أهداء للبيبى

    http://www.youtube.com/watch?v=nMA8d6BD35k

    ردحذف
  4. Ramy
    ربنا يخليك يا رامي
    والاغنية بجد تحفة انا كنت عايزة اعمل الفيدو مع التدوينة بس قلت بلاش خليها يوم السبوع عشان تبقي بدل السبوع بقي
    هههه عقبالك ان شاء الله

    ردحذف
  5. ربنا يبارلك لكم فيه يا رحاب اسم محمود اسم جميل على اسم والدى :)

    وعقباااااااالك :)

    ردحذف
  6. مبروك عزيزتي يتربى في عز والديه ان شاء الله ورغم التهديد ساقول لك عقبالك الامومة نعمة ربي ما يحرم منها احد ابدا
    دمت بكل الود عزيزتي

    ردحذف
  7. خرج ابن ادم من العدم قلت ياه
    رجع ابن ادم للعدم قلت ياه
    تراب بيحيا .. وحى بيصير تراب
    الاصل هو الموت و الا الحياة
    عجبى ؟؟؟؟

    اولا مبروك تشريف الاستاذ محمود و للاسف ساليناز بنتى اكبر منه كنت حجزته لها
    عقبالك و ياريت تصلحى اسم الفيلم الحفيد و بعدين الجواز شر لابد منه اشمعنى احنا ههههههههه
    بس هقولك معلومة لو تذكرت الام متاعب الحمل و الم الولادة لن تحمل مرة اخرى لكن سبحان الله بمجرد نظرتها للطفل تنسى جميع الالام و اسالى اختك
    انا بحب الغروب و بحب الشروق لكن بحب الشروق اكتر لكن حتى بعد الغروب الليل فيه قمر و نجوم و امل فى فجر جديد

    ردحذف
  8. مبرووووووووووووووووووووك
    واسمعي كلام ماما متصورهوش
    وبعدين هو فيه احلى من القصيرين:d

    لولا

    ردحذف
  9. بداية الف مبروك لاختك الكريمة وحمدا لله على سلامتها وبارك الله عز وجل فى طفلكم الجميل .اما بخصوص البداية العميقة جدا فانا لااملك تعليقا سوى التامل فى طبيعة الكون سبحان الله واليك مقطع اعشقه لمنير:منرداش جلبى جواى يغنى ,الاجراس تدج لصرخة ميلاد ........... تموت حتة منى ,الاجراس بتعلن نهاية بشر من العباد

    ردحذف
  10. بداية الف مبروك لاختك الكريمة وحمدا لله على سلامتها وبارك الله عز وجل فى طفلكم الجميل .اما بخصوص البداية العميقة جدا فانا لااملك تعليقا سوى التامل فى طبيعة الكون سبحان الله واليك مقطع اعشقه لمنير:منرداش جلبى جواى يغنى ,الاجراس تدج لصرخة ميلاد ........... تموت حتة منى ,الاجراس بتعلن نهاية بشر من العباد

    ردحذف
  11. مبرووووك يا رحاب ليكي و لأختك و مامتك و كلكم عايزه أقولك رغم التعب لكن لحظة ولادة طفل بتبقى أجمل لحظه في الدنيا و الفتره دي بتبقى من أسعد الفترات اللي مبتتنسيش أبداً.
    على فكره اللي بيقولك عقبالك أكيد بيحبك فمتزعليش منه لأنه عايزلك الخير.
    أرق و أجمل تحيه ليكي و خلي بالكم على النونو

    ردحذف
  12. السلام عليكم

    طبعا أنا معرفشي أختك ولا جوز أختك.. لكن أعرفك إنتي (إلكترونيا على الأقل.. وبينا عيش وملح إليكتروني تدويني).. علشان كده شعرت بسعادة والله من السعادة الغامرة البادية على كلماتك.. ربنا يسعدك كمان وكمان... ده أولا..
    ثانيا.. جميلة طريقة عرض البوست.. عجبتني..
    ثالثا.. أنا حاسس بمشاعرك تجاه المولود الجديد.. أنا أصلا لا أستطيع لمسه قبل شهر..!!! :(
    رابعا.. إنتي أكيد بتبالغي في وصف جمال محمود أفندي.. لأني بصراحة بشوف كل الأطفال ساعة الولادة شبه السلاحف (بما فيهم بنتاي ندى وربى) ويبدأ جمال الأطفال يظهر خلال الشهر الأول...! بس إنتي خالة.. والخالة والدة.. والقرد في عين أمه إييييييييه؟!! (إياكي أم محمود تشوف الجملة دي).
    خامسا.. عقبالك غصبن عنك.. روحي إلهي تكوني السنة الجاية معاكي عيل تفرحي وتطيري بيه زي مانتي فرحانه وطايرة بمحمود كده...!

    تحياتي.

    ردحذف
  13. الاول كده الف مبروك و الف سلامه و خلى بالك من اختك اليومين دول عشان يعدوا بسلام ان شاء الله , اصلى احيانا بتغاظ من الاسر اللى بتهتم بالطفل اكتر من امه فى الايام الاولى دى اهم حاجه عنايه جسديه و نفسيه لان تغير الهرمونات فى الفتره دى بيعمل حاجات غريبه فى نفسيه الام...ايه اللى بقوله ده؟؟ عموما

    انا كمان -على الرغم من مهنه الطب المنتظرنى- بتضايق من الاطفال فى اول اسبوع كده بحسهم غريب و هش قوى بفضلهم فى الشهر الاولانى كده بيكونوا بانوا شويه...

    الف مبروك و عقبالك بين قوسين ايموشن بيطلع لسانه...هههههه

    ردحذف
  14. مبروك عليكم واسال الله أن يبارك فيه ويجعله من الذرية الصالحة.

    بالنسبة لحمل الأطفال بعد الولادة، أنا كذلك لم أكن أستطيع ذلك، ولما ولد لي حسام الدين أرغمتني الممرضة أن أحمله..هههه
    وأنا كنت أحب أن تولد لي بنت للعلم، يعني مخالف للقاعدة..

    تحياتي.

    ردحذف
  15. السلام عليكم
    الف مليون مبروك يا افندم
    ويارب تقوم بالسلامة
    وعقبال ما افرح فيك وكام شهر والاقيك شايلة البنت فى ايديك وبتطلع معنا عينيك
    عقبالك بجد
    بوست لذيذ لذيذ

    ردحذف
  16. السلام عليكم اختى الحبيبة

    ماشاء الله لاقوة الا بالله

    الف الف الف مبروك حبيبتى الضيف الجديد بالعيلة :)
    يارب يجعله ربى من الصالحين الطيبين

    ويبارك فيه وفيك ياغالية

    http://www.youtube.com/watch?v=1-UNbm9pd90&feature=related

    يارب يديم الافراح والسعادة حبيبتى
    وعقبالك لما تبقى ماما امورة وسكر

    ردحذف
  17. رحب
    اولا الف مبروك على الضيف الجديد ويتربى فى عز ابوه وامه
    ثانيا زى مانتى يتفرحى بميلاد يوم جيد ولا تخافى منه فعاملى الولادة الجديدة بنفس الاحساس ولا تخافى و ينتابنا جميعا هذا الاحساس و يزول هذا الخوف بمجرد ان يشرف ننوس عينا
    وكيف لا تسنقبلين الزواج بقلب رحب اما ل منين هيشرف ننوس تانى فى لطفك وظرفك مع تمنياتى

    ردحذف
  18. السلام عليكم

    اولا عجبنى او استقبال الزوار ب عمر خيرت

    ثاانيا حمدالله على سلامة ام المولود وربنا يبارك فيه ويكون سبب لدخولهم الجنة

    اا بالنسبة للموضوع نفسه فعلا الشروق اطلالة امل مولد حياة لكنها احيانا بتكون نهاية لحاجات كتير دليلى على دة ان الشروق حيكون ليه شرف الاشراق على نهاية العالم

    تحياتى

    ردحذف
  19. الف مبروووووك للنونو يا خالتو رحاب :)

    يلا اتجدعني عاوزين نشوف البيبي

    وعوووووووووقبااااااالك :) ( نيتي شريرة )

    ردحذف
  20. رورو
    :)
    اممم مش عارفة بيدلعوكي رورو ولا لا المهم الف الف مبروك لاختك ويارب تشوف محمود عريس وكمان غقبالك مانتي في الاخر حتجوزي وتخلفي بإذن الله والله انا معاكي في الخوف من الولادة <<< لانها خوافة انما احلى حاجة فيها هيا صوت البيبي الصغنن وبجد لما تشيلي محمود حتسي اد ايه ناعم ولزيز بس بلاش تاكليه بوس ههههههههه
    الف الحمدالله على سلامة اختك
    والف مبروك
    لروحك عبق الغاردينيا
    reemaas

    ردحذف
  21. مساء الورد رحاب

    وألف مبروك للعائلة بمحمود ويتربى في عزكم

    وكماااااااااااان عقبالك يارب

    تحياتي

    ردحذف
  22. اختي رحاب ..

    الف مبارك المولود الجديد ، يتربى في عزكم ان شاء الله ، ربنا يحفظه ويجعله من الذرية الصالحة ان شاء الله ..

    على فكرة منظر الغروب بيعجبني كثير ، بس منظر الشروق بيجعلني ابكي .. لا اعرف السبب حتى الآن ..

    دمت بخير انت والحياة المتجددة دوما.

    ردحذف
  23. حمدا لله على سلامة اختك

    والف مبروك للمولود

    اسأل الله ان يجعله باراً بوالديه

    ويكون من الصالحين بلا حدود

    وبين الناس محمود

    ..


    مودتى

    ردحذف
  24. رحاب
    الف الف مبروك للمولود اللي شرف
    وربنا يطرح فيه البركة
    ويارب يكون خير زخر لوالديه
    وعقبال يارب كل اللي لسه
    ومش عقبالك ياستي خالص

    ردحذف
  25. حمدالله على سلامه اختك
    وربنا يبارك فى الضيف الجديد
    و احب اغلس عليكى واقولك عقبالك هههههههههههه

    ردحذف
  26. حمدى جعوان
    ربنا يكرمك
    ويارب تتجوز وتشوف ليلة ...من الي انا شفتها...عاااااا انا بعيط بجد

    ردحذف
  27. خواطر شابة
    يااااة نوجا وحشاني كتيييييييييير
    انت فينك يا بنتي
    اله يخليك
    وانت بالخصوص قوللي اللي انت عايزة حبيبتي
    يا رب عقبالك انت كمان

    ردحذف
  28. ابراهيم رزق
    اسم بنتك غريب اووي
    معناه اية طيب...؟
    ومالوا يا سيدي احجزها مافي مشكلة فيها اية يعني لو اكبر منه ...علي الاقل تطلع عينه....نية شريرة انثوية
    ههههههه
    عارفة والله ربنا ده رحيم بينا اووي ومفيش احن ولا اكرم منه علينا
    ولو بس حسينابالالم ومحسناش بالسعادة والفرح مش هتبقي حياة
    وهي اية الحياة غير شوية سعادة بعد الالم

    ردحذف
  29. لـــولا وزهـــراء
    مفيش احلي من القصيرين عشان بس انا قصيرة هههههههه
    لاء ازاي انا لازم اصورة وانشر صورته هنا واقول مطلوب عروسة

    ردحذف
  30. علاء ترك
    بلدياتي
    ربنا يكرمك ويوفقك
    وميرسي خالص علي الاغنية انا كتيييييييير بحبها

    ردحذف
  31. شيرين سامي
    شوشو ...والله عارفة
    ربنا يخليك يا رب
    وفاهمة انهم بيقولولي كدة عشان بيحبوني
    بس دلع بنات بقي
    وخصوصا اني مدلعة اوووي بعيد عنك

    ردحذف
  32. ماجد القاضي
    هههههههههههه عجبني العيش والملح الالكتروني دي اوووووي
    ولعلمك في ناس تاكل معاهم عيش وملح سنين ...وبرضه ما يطمر فيهم..مش برضه بيقولوا يطمر فيهم...؟
    ربنا يكرمك ويخليلك بناتك ويخليك ليهم
    اما بالنسبة لميدو حبيبي ...مش هقولك ان اختي عبير بتقول عليه ده عامل زي البرص الجعان....يع يع يع...بخاف انا من البرص
    هههههههه
    بس بجد بحب انا الاطفال وهما كدة صغنتوتين كدة وساكتين
    مش مجانين زي البنت اوشة وخالتها " الي هو انا " لما يلعبوا كورة ف الشقة ويصحوا الجيران اللي تحت .....ههههههه

    ردحذف
  33. د/دودى
    دينااااااااااااااا
    احنا كدة هنخسر بعض
    يا بنتي انا عايزة حد ياخد باله مني ومش انا اللي اخد بالي من طفل
    ههههههههههه
    ربنا يخليك يا دودي وعقبال ما تخلصي السجن بتاع الكلية وتتجوزي وتكون احي جوازة يااااارب اللهم آمين

    ردحذف
  34. أبو حسام الدين
    الله يبارك ليك وفيك ويبارك لك في حسام
    انا بخاف فعلا اني اشيلهم يعني بخاف يقعوا مني
    بالنسبة للبنات انا كمان بجد بتمني اني لما اتجوز تكون لي بنوتة صغيرة ....بتمني

    ردحذف
  35. مدونة رحلة حياه
    الله يخليك يا ابو معاذ
    وربنا يكرمك ويارب ان شاء الله قريب يكون لــ معاذ اخت عسولة وقمراية كدة
    بس تسميها رحاب
    ههههههههه

    ردحذف
  36. أم هريرة (lolocat
    الله يكرمك يا رب ويبارك فيك
    وميرسي علي الاغنية

    ردحذف
  37. faroukfahmy58
    ههههههههه ده مديح ولا تريقة فيا
    ههههههههه بجد
    متشكرة جدا ليك

    ردحذف
  38. elsha3er
    عمر خيرت عشق واحساس
    ميرسي علي ذوقك

    ردحذف
  39. تخاريف مترجــِــمة
    ســــــــــحر
    يا عسل
    ربنا يخليكي ا قمراية وعقبالك انت الاول
    نويتي شوريرة اكتر
    ههههههههههههه

    ردحذف
  40. ريــــمــــاس
    رورو ...روبي...رو...ريري...حوبة
    زي ما تحبي
    لعلمك بقي
    مش المهم اسم الدلع اية المهم الشخص اللي بيقوله
    ربنا يخليكي ارب
    وفعلا انا جننت محمود من البوس وهو يطول يعني ...
    غيره يتمنوا كتييييييييير
    هههههههه
    عقبالك لو لسة

    ردحذف
  41. ريبال بيهس
    الله يبارك فيك
    وعقبالك

    ردحذف
  42. وجع البنفسج
    ياااة انا كمان زييك سبحان الله
    الله يبارك فيك وليك

    ردحذف
  43. الجوكر
    الله يبارك فيك
    وميرسي علي كل الكلام الجميل ده

    ردحذف
  44. beautiful mind
    هههههههههههه
    مش عقبالي
    اخيرااااااااااا حد قالهالي
    ميرسي خالص خالص خالص
    وعقبالك
    ههههههههههه

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين