الاثنين، 21 نوفمبر 2011

إشتيــــــــــــــــــــــــــــاق



أشتاق إليك فأغمض عيني
آراك من بين رموشي
بفضاء الغرفة تبتسم
أشتاق لسماع صوتك
لضحكتك
للمسة يديك
بحنين يفوق حنيني
أشتاق لكلمة...
أحبــــــــــــــــــك
فهل تشتاق.................؟؟؟
* * * * *
عارف ...نوع الشيكولاتة ده عمري ما حبيته
عارف...انا حبيت الشيكولاتة دي عشان انت بتحبها
عارف...أنا اكلتها مرة واحدة بس ومحبتهاش
بس لما انت جبتهالها  حبتها أوووي
عارف ....الشيكولاتة دي بتفكرني بيك
هي مزيج غريب  زيييك تماااااام
علي اد ما هي ناعمة اووي
علي اد ما هي خشنة اوووي
علي اد ما هي بتدوب  علي اد ما هي متماسكة
علي اد ما بتظهر قوية علي اد ما هي هشة
انت كدة ....رقيق وحبيب اوووي........ساعات
عصبي وبايخ ودمك تقيل........ساعات
حنون  أوووي وبتخاف اوووي ....وطفل صغير ......ساعات
رجل ......متدين ...متعصب ....متملك....متحكم........طمااااااااااااااع اووووي....ساعااااات
رقييييييييييييييق أوووي....وحبوب أوووي....وحنين أووووي  ساعاااااااااات
ده كله عرفته من حبك للنوع ده من الشيكولاتة
فاكر أول مرة جبتلي النوع ده من الشيكولاتة...؟
محبتش أقولك إني مش بحبه ....بس حاولت أحبه عشانك
بس عمري ما حسيت ان النوع ده من الشيكولاته لذيذ غير لما انت كنت بتجيبهولي
* * * * *
فاكر بقي نوع الشيكولاته اللي انا جبتهالك وانت مسافر...؟
يا تري اكلتها وانت ف المطار ...؟ والا وانت ف الطيارة...؟
والا احتفظت بيها .....؟
عارف ....أصحابي دايما يقولولي ان النوع ده من الشيكولاته معمول مخصوص علشاني
 الشيكولاته دي ....هشه أووي...ناعمة اوووي ...رقيقة أوووي....بتدوب بسرعة أوووووي
بس طعمها بيفضل سااااااعات وساعااااااااااات ......
تفتكر الشيكولاتة دي بتشبهني ف اي حاجة من دي....؟
* * * * *
متملك أوووي......بس
بتحبني اووووي
كنت شايفاك كدة ....
عارفة ان انت اشتريت اللبس ده بالألوان دي عشان هي ألواني المفضلة
عشاني حتي لو انت مش حابب الالوان دي ...
بجد يومها فرحت اوووي
وعلي فكرة الالوان كنت حلوة اووي ولايقة عليك
* * * * *
علي فكرة ....انت عارفة ان لون عينك بيتغير ف الاضاءة أو الشمس...؟
لونها بيبقي حلو اووووي
قالتهالي صديقتي ....بنفس كلماتك عندما التقيتني أول مرة .....
* * * * *
تعرفي ...انت رقيقة اوووي
جميلة أوووي
حنونة أوووي
ناعمة أوووي
هادية أوووي
بس عيبك....
إنك عصبية اوووووي......ساعات يعني
* * * * *
علي فكرة بقي أنا كنت بكدب عليك لما قلت لك علي الهدية اللي كنت عايزة اجيبهالك يوم عيد ميلادك
لاء...يعني مش بكدب أوووي ...هي بس كانت نص الحقيقة
أما النص التاني فكان مفاجأة.....
بس للأسف أنا ضيعتها......
تفتكر إن كلمة آسفة تنفع ف الوقت ده....؟
إتمنيت وقتها إني أقولهالك....بس الظروف كانت أقوي منك ومني
بس انا بقولهالك طول الوقت .....
كل سنة وكل وقت وطول العمر وانت بخير وسعادة وحب ........
كل وقت وأنا هفضل انت .....وانت هتفضل أنا......
كل وقت هتفضل هي .. وهتفضل انت  .....
وهتفضل هي دايما .. .... ....





هناك 5 تعليقات:

  1. الله بجد على الكلام الرقيق الحلو :)
    البوست ده لذيذ أوي ، حسستينا فيه بطعم الشيكولاتة يا أستاذة :)
    كل سنة وانتوا طيبين وبخير وبألف صحة وسلامة وسعادة وشيكولاتة
    :)

    ردحذف
  2. وانا من موقعي هذا بقوله يا بخته بالرقة والرومانسية دي كلها
    بوست رقيق وناعم قوي

    ردحذف
  3. مساء الغاردينيا رحاب
    والف الحمدلله على سلامتك
    وعودتكِ من جديد بينا أفتقدنا أحرفك
    كنتِ رائعة هنا وقلمك العفوي
    الصادق أستمتع بـ كلماتك "
    ؛؛
    ؛
    لروحك عبق الغاردينيا
    reemaas

    ردحذف
  4. صباح الورد رحاب

    أفتقدنا روعة حرفك منذ فترة الحمد

    لله على رجعتك لقلمك وزوارك ...

    عندما نحب أحد بدرجة كبيرة نحاول

    إرضائه ولو على حساب أنفسنا فأنتي

    مثلاً أحببتي الشوكولا فقط لأنه هو من

    أحضرها وفي المقابل هو لبس ألوان

    قد لا يكون يفضلها ولكنها تعجبك

    أنت وهذا هو الحب الصادق والحقيقي

    الذي نعطي فيه أكثر مما نأخذ ..

    تحياتي وإحترامي

    ردحذف
  5. انا عايز شيكولاته
    جميل احساسك يا رحاب وساعة بنربط حاجات بحاجات يمكن مش ليهم علاقه ببعض بس في الاخر حاسين انهم بيعبروا عن بعض
    جميله كلماتك وجميله روحك فيها
    تحياتي

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين