السبت، 13 أبريل 2013

ابتسامة ...وضحكة ...وفرحــــــة



شوية تحديثات مهمة 


فكرة الاحتفال   باليوم ده
 كانت لــــــ محمد حسن مدير راديو النهارده
 مع  مشاركة الشباب  احمد هشام واحمد ناصف وماجد متولي والبحقيري
وطبعا خالد ومونتي 
وكان لابد ل من شكرهم علي الاحتنفال الجميل جدا 
وهنا يجب ان تعرفوا ان الي استضاف الاحتفال ده كان نادي النيل  
والي اتكفل بالوجبات مطعم أهل الشام  بوجبات مميزة جداااا جدااا
والي صور الحفلة مصور الفيدو الرائع محمود  شوقي 
وطبعا اللي احيت الحفلة الجميلة سندريلا
بطلتها المميزة  واندماجها مع الاطفال ولعبها معاهم 
محمد حسن  صاحب فكرة الاحتفال هو الي ف النص ده جنب سندريلا 
 
وأجمل صدفة اني قابلت  صديقة بالصدفة هناك وفرحت جدا اني شوفتها وهي ريم حبيب 
بجد فرحت جدا يا ريم اني شوفتك ومعلش تعبتك معايا
دي شوية صور من الحفلة وطبعا مفيش ولا صورة ليا عشان صوري سر حربي 
وبفكركم تاني بيوم السبت الجاي زيارة معهد الاورام اللي حابب يشارك معانا  بأي شيء والايفينت هنا ....

هي دي سندريلا

 شوفتو العصفورة ... هناك اهى

ده ماجد اخو مونتي مع القطر  اللي كان الاطفال عاملينو
ابتسامة 



برغم اني لست من هواه الزحام والصخب والصوت العالي الا انني واجهت الامر بابتسامة  من قلبي وأنا أري ابتسامتهم تملء الوجوه التي لا تعرف الابتسامة الا  ما بين بين ...ابتسامة ليست مكتملة
لكن  ذلك اليوم خلق لهم ابتسامة تضيء  وجوههم  المعتمة 
كنت أجلس أراقبهم ما بين جلوسهم  ووقوفهم أو تحليقهم حول كرسي منار ومحمد لــ يرسموا لهم علي وجوههم  بالالوان 
منار بجد رسمت أحلي ابتسامات علي وجوه الاطفال برسوماتها الجميلة من فراشات خضراء وزرقا لقلوب حمراء لعلم مصر بالوانه المميز  ولا أنسي سبايدر مان وبات مان  بألوانهم علي وجوه الاولاد وخصوصا أشرف اللي افتتحت علبة الالوان التانية برسم وجهه سبايدر مان  وكانت الالوان تقيلة جداااا  زعلت وقتها ان مكانش في حد يصورني معاك يا اشرف  :( ايموشن زعلان 


 
بس مبسوطة اني شوفت ابتسامتك انت وكل الاطفال ....
ابتسامة كانت تملء وجهي وأنا أري البنات يطلبن رسم قلوب علي يدهم او  خدودهم والولاد عايزين  رسومات شوريرة ههه 
بس كان بيكفيني اني اطلع المراية واخليهم يشوفوا نفسهم بالرسوم دي  واشوف الابتاسامة الي ف عنيهم  والفرحة اللي ظاهرة وواضحة فيها 


 منار وهي بترسم
ضحكة 
كانت عالية  ومن قلوبهم لما كانوا يجاوبوا علي سؤال وياخدوا جايزة ولما منظمي الحفل وزعوا عليهم بلونات ولعب ومسبوش اي طفل من غير ما ياخد  لعبة وبلونة زي زميله 
ضحكة كبيرة كانت بتنور وجوههم وبتفتح شبابيك الامل  لحياة  حلوة جاية لهم  عشان في حد بيفكر فيهم وبيعمل لهم يوم جميل زي ده  ولو حتي مرة واحدة ف السنة 
ضحكة ف شفايف  ضحكة ف قلوب ضحكة ف عيون  ضحكة بكل لون 
يومها شوفت أحلي ضحك بكل لون 




فرحة
سندريلا ....
كانت هناك غنت  ورقصت وهيصت وفرحت كل الولاد والبنات 
عملت مسبقات وعملت قطر كبير كله كتاكيت وكتكوتات صغيرين وصغيرات 
عملت احلي عرض للأطفال  واحلي أغاني واحلي لعب 
فرحة تانية  عملها منظمي الحفلة عشان الموهوبين  يا اله علي العساسيل الي غنوا  بس بجد  حاجة تفرح القلب
بنوتة كدة عسولة  غنت لولا الملامة   البنت صوتها بجد راااااائع هي ممكن يكون عندها  13 سنة بس  صوتها كان راقي جدا 
كتكوتة تانية  تيجي خمس سنين او اقل غنت حلوة يا بلدي  بس اية  مش ممكن  تقولوا داليدا  الي بتغني 
 بجد كان يوم خارج الزمن 
يوم مع الاطفال الايتام
والجميل انها مش دار اياتام واحدة لاء كانوا اكتر من دار والولاد اخطلتوا مع بعض عادي ومن غير مشكلات خالص  وكان كل شيء منظم بشكل جميل  وكل شيء موجود من مية وعصر  وغدا وكل شيء بجد انا انبهرت بيهم 
بجد أنا كنت هناك صدفة والصدفة دي أجمل صدفة  لأنها عرفتني بأحسن ناس شباب وبنات  بجد  ناس حبيتهم اووي  منهم  الي فاكرة اسمائهم بس عشان محدش يزعل  خالد محمد وماجد اخو مونتي  وطبعا هاجر ومنار واخو منار ومحمد  واحمد ناصف ونوران  

 سندريلا
 سندريلا
سندريلا 

سندريلا  واشرف

يوم كان بالصدفة عرفت عنه من احد منظمي الحفل واللي هو اصلا احد المدونين   " مونتي " " محمد متولي مونتانا بوكية ورد "
ودي كلمة " احمد ناصف " احد منظمي الحفل والي هو اصلا ابن عم مونتي
الحمدلله ربنا سترها معانا النهارده كان يوم جميل بجد احلي مافيه اننا زرعنا الابتسام للاطفال الايتام يارب يوفقنا ديما ونكون سند ليهم
طبعا بشكر كل واحد ساهم في تنظيم وشرفنا بحضوره وبشكر بالاخص اخويا كبير احمد هشام ومحمد حسن واحمد البحقيري و ماجد ومونتانا ومحمد صبحي وميخا ووفا ونوران ودليا ورحمه وجاسمين وزوزا وهاجر و ونوران وحماده قابل ومحمود الكويتي ويوسف و علي وطارق وليد وسراري وشاهر وعادل اخويا وابوعوف والسقا وهيكيل ومهند وهادي وكل واحد شركنا وجاه اكيد انا نسيت حد بسي محدش يزعل مني
كل الناس دي حبتهم اوووي وفرحت بمعرفتهم جداااااااااااوبتمني لهم كل الخير الي هما اصلا بيعملوه















مش كل الصور موجودة عشان كدة اول ما تكون موجودة هنزلهم علي طول 
بس علي فكرة في حاجة كمان .....
في دعوة تانية للمشاركة بــ فعل الخير هنا....https://www.facebook.com/events/151315238370843/
بتمني ان الاقي ناس كتير تدخل وتيجي وتحاول انها  تشارك بأي شيء صدقوني الفرحة الي بشوفها ف عيونهم بتخليني احس بحاجات مش ممكن تتكتب ولا تتوصف

هناك 9 تعليقات:

  1. روح الجميله دي تستحق انها تلاقي الخير دايما مع كل شباب الخير وصفتي الجو بطريقه خليتني اعيشها و اعيش معاكم الجو الجميل اللي نفسي يتكرر دايما و منقطعوش مع كل طفل يتيم و كل طفل مريض وكل محتاج ويارب يجازيكم كل خير :))

    ردحذف
  2. الله عليكم
    ماشاء الله على جهودكم الطيبة تقبل الله منكم الخير والعطاء والحب للانسانية

    عمل عظيم ...مجرد الابتسامة ممكن اوى انها تحيى قلب ميت وترسل امل لنفس بريئة

    بارك الله فيكم وفى كل من شارك وساهم فى هذا العمل النبيل
    وتحياتى للجميع بحجم السماء

    ردحذف
  3. جزاكى الله خيرا على بوستاتك التى تحرك فينا الذات الجميلة التى تحب كل من حولها وتقدسه

    ردحذف
  4. و انا كمان ابتسمت

    ربنا يجازيكوا كل خير

    زرع الابتسامه على وجه طفل فى حد ذاته انجاز كبير
    فما بالك بطفل كرم رسول الله صلى اللع عليه و سلم كافله بان وضع كافله فى مرتبه قريبة منه فى الجنة
    و الله العظيم انا لو ظروفى اليومين دول تسمح لى بالسفر كنت سافرت

    تحياتى

    ردحذف
  5. تهانينا بك يا رحاب وتهانينا لمحمد متولى هذا الشاب ذو المروءة والود والحنان
    كل ما اتمناه ان لايكون الاحتفال والاحتفاء به يوما واحدا بل على طول العام وعلى الدوام
    نادرا ما نرى هذه الرقه التى نعجز اعيننا ان تلمحها فى غيرك يا رحاب
    صدق من سماكى رحاب

    ردحذف
  6. جميل بجد
    ربنا يجازيكم كل خير ان شاء الله
    ويجعله في ميزان حسناتكم يارحاب
    نفسي المصريين كلهم يبقوا كده
    اكيد ساعتها مصر هتبقى احسن كتيررررررر


    تحيـــــــــــــاتي
    كانت هنـــا ورحلـت
    Asmaa Fathy

    ردحذف
  7. ربنا يملى ايام الجميع سعاده ويقويكم على فعل الخير
    تحياتي

    ردحذف
  8. بارك الله فيك واكثر من امثالك

    تحياتى

    ردحذف
  9. هذا العمل والذي شارك فيه أدخل بهجة وسورا على الأطفال، وهذا من أحسن ما يحتاجه هذا الجيل الصغير..
    أحسنت أختي رحاب، وبارك الله فيك
    صور جميلة وتعليقات أجمل ومرحة وتدل على حيويتك وحسن أخلاقك، وتدل كذلك على اندماجك الجميل معهم.
    تحيتي

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين