عن ...ذلك اليوم

مساء البنفسجات

النهاردة يوم مش عادي ....

ده يومي ....:)

مش عشان هو ثورة 23 يوليو " اللي هو بعد بكرة يعني "

لا 

ده عشان عيد ميلادي 
:)

اول ما عملت المدونة دي قلت اني هكتب فيها عن حياتي....

بس مكتبتش الا قليل عن حياتي

والنهاردة قررت أكتب عن حياتي اللي حرة فيها ....مش اللي انا مش حرة فيها ...

وادي شوية حاجات كدة يعني ...ما هو النهاردة بيريك ....اجازة وكدة يعني 

0

من فترة طالع ف دماغي اني اشتري  " مفتاح الحياة " سلسلة  مفتاح الحياة الفرعوني دي بس للأسف مش لاقيه خالص

كنت في القاهرة قبل رمضان بحوالي شهر  وسألت صديق ان يأخذني لمكان ما لأنهي عمل هناك لاني لم اعرف كيف اذهب هناك ...وعند انتهاء العمل مررنا بالحسين  فوقفت وقلت له " عايزة اشتري مفتاح الحياة "

لكم ان تتخيلوا هذا الصديق الذي اعتبرني مخلوقة من خارج الكون لاشتري من مكان سياحي  مفتاح الحياة ...." امشي يا بنتي وانا هشتريلك واحدة بس مش من الحسين " ...طبعا هذا الصديق قالي بكل بساطة بعدها ....انت حد قالك صدقيني ....وراحت عليا السلسلة ...بس انا مش مستسلمة لازم هشتري مفتاح الحياة ....

1

قلت لبابا ....انت هتجيب لي هدية اية ف عيد ميلادي ...؟

قال" اشتري الي انت عايزاه وانا هحاسب علية بس يعجبني الاول "

قبلها كنت بتخانق مع بابا عشان هو مش بيحب اي الوان انا بلبسها ....ودايما يقول اني الشريك المخالف  ...عشان دايما اقول " انا أكل الي يعجبني والبس بردو الي يعجبني مش الي يعجب الناس "

متمردة ....جداااا

2

قافلة الوول ع الفيس بوك  وعاملة خصوصية كبييييييييييرة جداااا

مش بكتب  ع الفيس الا قليييييييييل جداااا

بعيدة عن التعليقات عند الاصدقاء .....فجزء كبير من اصدقائي  ثوار معارضون والجزء الاخر اخوان ....وانا لا أريد أن اخسر اي منهم 

فأثرت   أن أكون " نو كومنت "

لكني قرررت أن ...أفتح الووول فقط يوم عيد ميلادي   عشان  اللي حابب يبعت لي تورتاية  *_@

3

كالعادة ف  كل سنة بعيد ميلادي  قررت يكون في شيء  مختلف ....

صحيح اختي  فضلت تزن علي دماغي اجيب تورتاية من عند "....." محل جاتو شهير عندنا وغاااالي جداااا   بس انا كنت قررت اصلا اني مش هجيب تورتة ....

قررت تكون تورتة عيد ميلادي عبارة عن .....بيتزا تشيز لافور 

وبردوا هحط فيها شمعة :) 

وقررت اني اخد صورة معاها بس موعدكوش اني احطها عشان احمد اكيد هيقول لاء 

بس لو وافق هحطها ....

4

قررت اني اوزن نفسي قبل الفطار وبعد الفطار ....

والحمد لله  اتضح اني بزيد نص كيلو بعد الفطار ...كويس  جدااا

بس والله النحافة حلوة علي فكرة ....*_@

5

علي فكرة الهدية الي بستناها دايما مش بتيجي ...

مرة ف عيد ميلادي جات الهدية دي ....بس بردو هستني انها ف يوم تيجي ...

لكن كل مرة بلاقي في  شخصية مش متوقعاها بتبعت لي هدية .....

ودي بتكون مفاجأة .....لذيذة  يمكن

بس  احيانا بيكون احباط انك متلاقيش الي انت مستنيه ...فاكرك 

6

قررت أشتري موبايل جديد ....الصراحة انا عشرية اووي  موبايلي صعبان عليا اني اسيبه عشان كدة مش عايزة اشتري واحد جديد  بس بعد ما حالتة وصلت لسرطان الرئة ده الي مش ممكن ..." موبايلي اصبح بيهيس وبيفصل ف اوقات باييييخة جدااا المفروض ميفصلش فيها  وكدة يعني "

قررت اشتري لاب توب ....لو احمد اخويا مسمعش كلامي وزني واشتري واحد خلال الايام الجاية   هشتري واحد بعد ما احمد يسافر " غيظ فيه " ايموشن شورير كدة " 

ده لو سلم يعني من زني عليه ف انه يشتري اللاب   ...عشان انا استغله يا استغل الكمبيوتر ....هاهاهاها " استغلالية انا "

بس عموما الموبايل واللاب مرهونين عندي بنتيجة الدبلومة .....اللي عملتها السنة دي ...لو نتيجة الدبلومة دي كانت ممتاز اوك هشتري لو  اقل من ممتاز ....فـــ انسي يا حوبة 

7

Rehab Saleh

شهر يوليو ده شهر العظماء
كفاية اني مولودة فيه
هو صحيح بول ماكرتني ويوليوس قيصر من مواليد يوليو بس دول مين وانا مين
صحيح بيل جيتس من مواليد هذا الشهر بس اية يعني بيل جيتس ...
المهم اني اتولدت ف الشهر ده وده الي خللي طبعا لــ يوليو مذاق تاني خالص
واللي يقول غير كدة يستاهل الــــ ....كدة يعني
وخصوصا ال أسامة الأزهرى اللي المفروض يجيب لي هدية عيد ميلادي الي فات والي جاي
انا مستينة ولعلمك الفطار عندنا مرهون علي الهدية وعموما انا لسة مقولتش لأحمد انك عايز تفطر عندنا

8

لسة زي ما هي .....

أنا ....مش ممكن اني اثق ف حد

مش ممكن اني أقول لــ حد كلمتين ويعتبرهم فضفضة ...لآن أصلا كلمة فضفضة عني دي مستحيلة أنها تحصل 

أنا .....هفضل أنا ...ومش هيكون في حد...ممكن يعتبر نفسه بئر اسراري او فضفضتي ...

أو صديقي المقرب ....

فأنا مازلت .....لا أثق ف احد 

ولن أثق...

9

يكفي مرة أن تشعر بشيء رائع

تستعذب روعته

" تستعذبه "

عذوبه

و.... عذابا

ثم ....تخاف من تكراره  

حتي لا تكرر

 عــــــذااااابه

0

وكل سنة وأنا طيبة 

^_^