السبت، 20 يوليو 2013

عن ...ذلك اليوم


مساء البنفسجات
النهاردة يوم مش عادي ....
ده يومي ....:)
مش عشان هو ثورة 23 يوليو " اللي هو بعد بكرة يعني "
لا 
ده عشان عيد ميلادي 
:)
اول ما عملت المدونة دي قلت اني هكتب فيها عن حياتي....
بس مكتبتش الا قليل عن حياتي
والنهاردة قررت أكتب عن حياتي اللي حرة فيها ....مش اللي انا مش حرة فيها ...
وادي شوية حاجات كدة يعني ...ما هو النهاردة بيريك ....اجازة وكدة يعني 
0
من فترة طالع ف دماغي اني اشتري  " مفتاح الحياة " سلسلة  مفتاح الحياة الفرعوني دي بس للأسف مش لاقيه خالص
كنت في القاهرة قبل رمضان بحوالي شهر  وسألت صديق ان يأخذني لمكان ما لأنهي عمل هناك لاني لم اعرف كيف اذهب هناك ...وعند انتهاء العمل مررنا بالحسين  فوقفت وقلت له " عايزة اشتري مفتاح الحياة "
لكم ان تتخيلوا هذا الصديق الذي اعتبرني مخلوقة من خارج الكون لاشتري من مكان سياحي  مفتاح الحياة ...." امشي يا بنتي وانا هشتريلك واحدة بس مش من الحسين " ...طبعا هذا الصديق قالي بكل بساطة بعدها ....انت حد قالك صدقيني ....وراحت عليا السلسلة ...بس انا مش مستسلمة لازم هشتري مفتاح الحياة ....

1
قلت لبابا ....انت هتجيب لي هدية اية ف عيد ميلادي ...؟
قال" اشتري الي انت عايزاه وانا هحاسب علية بس يعجبني الاول "
قبلها كنت بتخانق مع بابا عشان هو مش بيحب اي الوان انا بلبسها ....ودايما يقول اني الشريك المخالف  ...عشان دايما اقول " انا أكل الي يعجبني والبس بردو الي يعجبني مش الي يعجب الناس "
متمردة ....جداااا
2
قافلة الوول ع الفيس بوك  وعاملة خصوصية كبييييييييييرة جداااا
مش بكتب  ع الفيس الا قليييييييييل جداااا
بعيدة عن التعليقات عند الاصدقاء .....فجزء كبير من اصدقائي  ثوار معارضون والجزء الاخر اخوان ....وانا لا أريد أن اخسر اي منهم 
فأثرت   أن أكون " نو كومنت "
لكني قرررت أن ...أفتح الووول فقط يوم عيد ميلادي   عشان  اللي حابب يبعت لي تورتاية  *_@
3
كالعادة ف  كل سنة بعيد ميلادي  قررت يكون في شيء  مختلف ....
صحيح اختي  فضلت تزن علي دماغي اجيب تورتاية من عند "....." محل جاتو شهير عندنا وغاااالي جداااا   بس انا كنت قررت اصلا اني مش هجيب تورتة ....
قررت تكون تورتة عيد ميلادي عبارة عن .....بيتزا تشيز لافور 
وبردوا هحط فيها شمعة :) 
وقررت اني اخد صورة معاها بس موعدكوش اني احطها عشان احمد اكيد هيقول لاء 
بس لو وافق هحطها ....
4
قررت اني اوزن نفسي قبل الفطار وبعد الفطار ....
والحمد لله  اتضح اني بزيد نص كيلو بعد الفطار ...كويس  جدااا
بس والله النحافة حلوة علي فكرة ....*_@
5
علي فكرة الهدية الي بستناها دايما مش بتيجي ...
مرة ف عيد ميلادي جات الهدية دي ....بس بردو هستني انها ف يوم تيجي ...
لكن كل مرة بلاقي في  شخصية مش متوقعاها بتبعت لي هدية .....
ودي بتكون مفاجأة .....لذيذة  يمكن
بس  احيانا بيكون احباط انك متلاقيش الي انت مستنيه ...فاكرك 
6
قررت أشتري موبايل جديد ....الصراحة انا عشرية اووي  موبايلي صعبان عليا اني اسيبه عشان كدة مش عايزة اشتري واحد جديد  بس بعد ما حالتة وصلت لسرطان الرئة ده الي مش ممكن ..." موبايلي اصبح بيهيس وبيفصل ف اوقات باييييخة جدااا المفروض ميفصلش فيها  وكدة يعني "
قررت اشتري لاب توب ....لو احمد اخويا مسمعش كلامي وزني واشتري واحد خلال الايام الجاية   هشتري واحد بعد ما احمد يسافر " غيظ فيه " ايموشن شورير كدة " 
ده لو سلم يعني من زني عليه ف انه يشتري اللاب   ...عشان انا استغله يا استغل الكمبيوتر ....هاهاهاها " استغلالية انا "
بس عموما الموبايل واللاب مرهونين عندي بنتيجة الدبلومة .....اللي عملتها السنة دي ...لو نتيجة الدبلومة دي كانت ممتاز اوك هشتري لو  اقل من ممتاز ....فـــ انسي يا حوبة 

7

هناك 7 تعليقات:

  1. كل سنة و إنت طيبة و قمر يا بنفسج :)
    و لا يهمك تعالي فنتي بس مصر و نتفق نتقابل
    و أحلى مُفتاح حياة هيكون عندك :)

    يا رب كل أحلامك تتحقق و تكوني أسعد و أسعد
    :)

    ردحذف
    الردود
    1. وانت طيبة يا قلبي
      بجد انت وحشاني جدااااا جدااا جداا وان شاء الله اشوفك علي خير
      نتفق ونتقابل بس مش عشان مفتاح الحياة عشان بس نشوف بعض :)

      حذف
  2. .....

    كل عام وانت بخير
    ربنا يحقق كل ما ترغبيه ان شاء الله


    تحياتى

    .....

    ردحذف
    الردود
    1. وانت بكل خير
      ويارب نحقق كل احلامنا كلنا مش انا وبس :)

      حذف
  3. كل سنه وانتي طيبه ياروبي وعقبال مليوووون سنه
    وطبعا طبعا شهر 7 شهر العظماء لانك مولوده فيه
    تحياتي ليكي

    ردحذف
  4. :) ربنا يسعد أيامك ويصلح حالك يارب خليها تورتة انا بحب الحاجات الحلوة بقول يمكن تحلي مرار الايام

    ردحذف
  5. يارب يسعد ايامك يا رورو يا جميلة وتتحققي اللي بتحلمي بيه وتكوني قريبة اكتر من ربنا
    بس عندي سؤال صغنن انا زيك صعب اني اثق في حد بس بتكون في حاجات جوايا تعباني تفتكري اعمل فيها ايه دي
    وان شاء الله تلاقي في حياتك اللي يستاهل انك تثقي فيه
    واياك تغلطي فيا المرة دي كمان
    i love you يا جمييل

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين