الأربعاء، 3 فبراير 2010

البحث عن السعادة






نبحث دائما عن السعادة, نبحث عنها في النجاح في الكلية, ونجاح صداقتنا, نجاحنا في ما نمتلك من موهبة, ونبحث عنها كثيرا في حياتنا العائلية ونسعى أن نحصل علي حياة زوجية سعيدة, ولكن كيف لنا أن نحصل علي تلك السعادة...؟


قد يجيب البعض بالحب فالزواج بدون حب زواج فاشل


وأنا أن كنت مؤمنة تماما أن الزواج السعيد أساسه الحب ولكن هذا ليس مقياسا فهناك زيجات كثيرة بدون حب وتقليدية جدا وناجحة أيضا جدا , وعلي عكسها تماما زيجات كثيرة انهارت بعد اقل من سنة برغم أنهم متزوجون عن حب ..ّ! فما هي المشكلة ...؟


يقولون أن الحب الناجح يكون فيه الطرفان متشابهان في كل شيء أو علي الأقل متشابهان في أشياء كثيرة وان الأزواج المختلفان في الصفات فكثيرا ما تفشل حياتهم...!


فكرت في تلك المقولة كثيرا واستغربتها وتشبهت في عقلي بدرس العلوم في المدرسة عندما علمونا أن الاقطاب المختلفة للمغناطيس تتجاذب والأقطاب المتشابهة تتنافر ولكننا بالطبع لسنا مغناطيس وان كانت تلك النظرية قد طبقت علينا بالفعل


لسنا مغناطيس ولسنا درس علوم ولا حتى معادلة كيميائية أو مسألة رياضيات فكل تلك الأشياء تحكمها قوانين ثابتة أما نحن فلا...ليس لنا قانون أو نظرية أو قاعدة ثابتة فلما لا نترك أنفسنا نخوض التجربة ولا ننظر ورائنا...لا ننظر لتجارب الفشل التي تحيط بنا , بل ننظر لمستقبل نرسمه كل لحظة كيفما نشاء نتفق حين ونختلف حينا ولكننا في النهاية لا نيأس ونحاول النجاح ونحاول أن نستمتع بطعم السعادة المختلف كل وقت






رحاب صالح




هناك 19 تعليقًا:

  1. الحب الحقيقى موجود لكن نادر جدا

    الحب هو انهم يخافوا على بعض و كل واحد يتمنى يسعد التانى اكتر من نفسه

    الحب مافيهوش انانية و لا قهر او تعالى او تسلط

    الحب حياه و أمل بيقوى و يسعد

    ربنا يديكى السعادة و الحب الحقيقي

    ردحذف
  2. Tears
    ميرسي علي مرورك يا جميل وبتمني لك السعادة انت الاخري والحب الحقيقي ولكل من احبهم

    ردحذف
  3. رحاب
    مش لازم اللى يمشى على غيرنا من قوانين يمشى علينا لكل اتنين صفات ووميرزات تخليهم يعرفوا ان كان هيكملوا مع بعض ولا لا وبرضو مش لازم يكونوا متشابهين ممكن يكونوا مختلفين ويمكن حابين اختلافهم ده وده مش فى الحب وبس فى الصداقه كمان لو تفتكرى مسرحيه مدرسه المشاغبين هتلاقى مقوله حلوه اوى بيقولها عادل امام بيقول انا المخ وانت العضلات والمخ والعضلات مفيهومش تشابه خالص بس فى نفس الوقت بيكملوا بعض

    ردحذف
  4. الحب اكيد موجود بس الظروف واسلوب الحياه اللى كل شويه بيتغير خلى الحب الحقيقى قليل لما تبان معالمه ونتاكد منه
    بس اكيد كل شىء نصيب والسعاده مش هتكون كامله استحاله انما نحن نتجمل لنكملها
    تحياتى

    ردحذف
  5. موضوع الجواز التقليدى احسن ولا الى عن حب احسن بيشغل جزئ كبير من تفكيرى وبرضة هل السعادة فى كون الطرفين متشابهين او مختلفين دى حاجة محيرانى لكن الى واثق منة ان السعادة بين الزوجين هتحقق اذا نفذنا قول ربنا ق ت(الطيبات للطيبين والطيبون للطيبات والخبيثات للخبيثين والخبيثون للخبيثات ) بشكرك على تطرقك لموضوع مهم ذى دة ودايماتسعيدينا بكل جميل
    تحياتى ليكى

    ردحذف
  6. عليوة ازيك انا فاهمة اكيد ان مش كل الناس زي بعض ولا تفكيرهم زي بعض , والحب فيه كتير من الصداقة بس مش عارفة لية اليومين دول بيخلوا كل حاجة بقانون وهو قانون المصلحة وبس , واكتير بتلاقي حد بيظهر حبه ليك عشان مصلحته مش اكتر ودول كتير يعني , يلا بقي ربنا يعينا علي الحياة وبتمني لك حياة سعيدة

    ردحذف
  7. ايمي
    ازيك , اكيد ان السعادة مش هتكون كاملة ابدا بس احنا بنحاول نخليها كاملة ولو عندنا الارادة اكيد هنخلي حياتنا كلها مثل ما نريد وافضل , اتمني لك التوفيق

    ردحذف
  8. رحاب

    أولا شكرا على زيارتك الجميلة لمدونتى و التى أدرجو أن تستمر دائما فهذا سيسعدنى كثيرا

    ثانيا السعاده فى الحقيقة هى رزق من الله سبحانه و تعالى .. نحن فقط نلتمس الأسباب و الطرق ... مع خالص الدعاء بالتوفيق
    و لكن يجب أن نفعل كل ما نستطيع لنصل إلى السعادة حتى لا نلوم أنفسنا على انه كانت هناك ربع فرصة أو ربع سبب و لم نلتمسه

    بوست رائع
    شكرا لك

    ردحذف
  9. حوبه حبيبتى ..

    فعلا زمان كنت بخاف كتير لما بلاقى علاقات فاشله ...

    مع ان المسأله دى بتبقى نسبيه ميه بالميه ...

    وكنت دايما حاطه فى بالى انى اكيد لما راح اتبط راح تحصل مشاكل وكلام فاضى ...

    بس الحمدلله تفكيرى اختلف تماما مع انى لسه مارتبطتش ...

    بس اعلم تماما بأن السعاده تنتظرنا طالما نحن نريدها ونبحث عنها
    فهى بالفعل بين ايدينا ...

    بجد تسلمى ياحوبه على مواضيعك اللى بتمي قلوبنا قبل عقولنا ...

    ... ;) ,,, ;) ...

    ردحذف
  10. الارموطي...نورتني وشرفت مدونتي المتواضعة صحيح التشابه او الاختلاف مش مقياس والاية الكريمة وضحت كل شيء طبعا , والجواز التقيلدي بمفهومنا دلوقت مش ممكن افكر فيه , ومش هرضي بغير اني احب او حتي علي الاقل بتفاهم وود واحترام وهو ده المهم ...شرفتني مرة تانية

    ردحذف
  11. الشاعر الفنان احمد فتحي فؤاد
    اهلا بيك عندي , والسعادة في كل حاجة هنفضل ندور عليها كول الوقت ومش بنرتاح ولا بنريح نفسنا لان مفهوم السعادة مش محدد يمكن تلاقيه في ضحكة بنتك الصغيرة او مرتبك من وظيفتك او كتابة قصة واو بيت شعر .....
    المهم اننا دايما ندور عليها ونلاقيها

    ردحذف
  12. غادة انا هرد عليكي في كلمتين بس دلوقت , انا سعادتي الحقيقة في الايام دي اني اجاوب في الامتحانات كويس واجيب تقدير حلو .......هو ده بحثي عن السعادة الان
    يارب يوفقنا جميعا يارب

    ردحذف
  13. غادة انا هرد عليكي في كلمتين بس دلوقت , انا سعادتي الحقيقة في الايام دي اني اجاوب في الامتحانات كويس واجيب تقدير حلو .......هو ده بحثي عن السعادة الان
    يارب يوفقنا جميعا يارب

    ردحذف
  14. الحب الحقيقى موجود بس مستخبى ورا مشاكل الحياه والضغوط الموجوده بقى الكل بياخد اقصر طريق لو الحب طريقه هايطول وهايصعب
    بس انا مختلفه معاكى فى حاجه وحده ان الزواج بدون حب فاشل لا ممكن يكون الزواج مبنى ف الاول على مجرد قبول بس مع الوقت بيتبنى الحب وبيبقى كبير وحقيقى كمان

    ردحذف
  15. انا حسب رايي المتواضع

    اي شخص دينو و اخلاقو كويسة بغض النظر عن بقية اموره...هذا الشخص سيسعدني و سيكون نعم الزوج و نعم الحب

    و ارى ايضا...ان المرأة هي المسؤولة عن جزء كبير من السعادة والحب بعد الزواج...فبشطارتها و دهائها المعهود تستطيع ان تكون اميرة الرجل و خليلته و حبيبته...وايضا ممكن ان تكون عدوة الرجل

    اسفة على الاطالة

    ردحذف
  16. غير معرف
    واللي من كتابتها عرفت انها فتاة
    اولا اهلا بيكي ثانيا معاكي حق اكيد ان الحب مستخبي ورا ضغوط ومشاكل الحياة الكتيرة وربنا بجد معانا اننا لاقين وقت نتنفس مش نحب , وانا مش بقول ان الحب ود وتفاهم وقبول لكن الزواج التقليدي دلوقتي اصبح مأساه بجد لانه بيضع كل من الرجل والمرأة في كفة الربح والخسارة للأسف , شكرا ليكي ونورتيني

    ردحذف
  17. قطرة وفا
    الله علي الاسم الجميل
    اولا اهلا بيك ونورتني
    هو طبعا المرأة عليها دور كبير لانها بتتعامل بعاطفتها اكثر من الرجل وطبعا في ايديها تخلق سعادتها وبناء بيت وفي يدها العكس ايضا , بس احيانابيكون مفيش رد فعل مساعد ليها عشان تستمر السعادة للاسف وتنقلب للعكس , وانا بجد بحاول اني اختار بالدين لانه النجاه الوحيدة لينا بس للاسف دلوقتي بتلاقي صعوبة في شخص يتق الله ويتعامل بالدين بل الكثيرون يطوعون الدين حسب اهوائهم , لكن اكيد لو بحثنا سنجد ايضا اشخاص حقيقين بعكس هؤلاء

    ردحذف
  18. اعتقد ان الزواج الناجح يقوم علي التفاهم والاحترام وبعض الاشياء المشتركه بين الطرفين وده المفروض يكون تعريف الحب لان الزواج شراكه ومسئوليه ويتطلب عمل من الطرفين علي العلاقه لتكون ناجحه لكن المفهوم الان هو انك يجب ان تعيش قصه حب عنيفه قبل الزواج ليكون ناجحا وهذا طبعا خطا لان معظم الزيجات بهذا الشكل لاتستمر بعد ان تهدأ جذوة الحب معظم الزيجات الناجحه تقوم علي الحب الهاديء المبني علي التفاهم والاحترام والاصفات المشتركه وبالطبع القدرة علي تحمل المسئوليه والاهم هو ادراك ان الزواج يتطلب مجهود يجب بذله من الطرفين لا ان تهجر السفينه مع اول عاصفه
    المشكله ان تصوراتنا عن الزواج تختلف تماما عن الحقيقه وهو مايصدم معظم الازواج في بدايه حياتهم

    ردحذف
  19. mo7md s3d
    كلامك كله صحيح
    بس مش كل الناس بتفكر بالشكل ده
    يعني كل له طريقة بس احنا بنحاول نكون صح , شكرا لمرورك

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين