الخميس، 16 ديسمبر 2010

أي دين يتبعون ...؟


استوقفتني جملة في قصة "أريد أن أبني كنيسة" ضمن المجموعة القصصية للكاتب الشاب "طارق عميرة "
تدور القصة باختصار عن شاب مسيحي "مايكل" يريد ان يبني كنيسة ...
ويتم القبض عليه لهذا السبب ويعذب كثيرا...
 ويخرج من المعتقل عندما يرغموه علي  انه لن يقول مرة اخري انه يريد ان يبني كنيسة في منطقته التي لا يوجد بها كنيسة يؤدون فيها شعائرهم ....
الجملة التي استوقفتني هي " و تسائل مايكل في أعماقه هؤلاء يقتلون الشيوخ والملتحين ويعتقلونهم بتهمة يعرفها الجميع وهي اسلاميتهم , ويعترضون علي بناء كنيسة ! أي دين يتبعون اذن ...؟؟!! "
لو نظرنا لهذة الكلمات سنجد انها ترثي حالنا جميعا ....مسلمين ومسيحيين ....
ففي الوقت الذي يطالب فيه المسيحين بحقوقهم في بناء الكنائس  سنجد بالمقابل مساجد تهدم لانها للملتحين أو الاخوان المسلمين ...أي اننا في الهم سواء ...
أي دين يتبعون...؟ اذا كانوا يضطهدون المسيحين .....ويعتقلون الاسلاميين
ويسحلون ويضربون كلاهما لآنهم يطالبون بأبسط حقوقهم ...
أية حقوق ....وليس فقط بناء مسجد أو كنيسة
حقهم في تعليم معيشة أفضل وفي توفير عمل وفي شارع نظيف ومياه نظيفة وطعام غير مسرطن...
لا نقول انتخابات نزيهه أو حكومة تعرف ما يعاني منه شعبها
حتي تلك ابسط الحقوق لا ينالها الجميع ......
المسلمون يقولون أن المسيحين أخذوا حقوقهم وزيادة
والمسيحيون  يقولون أنهم مضطهدون وأن المسلمين يستحوزون علي كل شيء
وهم " الذين  لا نعرف اي دين يتبعون "  يتشدقون ويتغنون بالوحدة الوطنية و...يحيا الهلال مع الصليب
وانه لا توجد فتنة طائفية ...
ماذا حدث ...؟ وماذا جني كلا الفريقان .....مسيحين ومسلمين
فقط ما نالهم غضب واحتقان تجاه بعضهم البعض ...وهذا بفعلهم هم ....الــــ ...الذين لا نعرف أي دين يتبعون...؟

ملحوظة
بعتذر لكم جميعا لآن النت كان فاصل عندي من يوم السبت بسبب موجة البرد والشتا , وبلطيم لمن لا يعرفها هي شبه جزيرة يحيطها البحر المتوسط وبحيرة البرلس يعني شتائها غزير جدا, يعني كان النت مفصول والكهربا كمان تخيلوا ...
بتعتذر مرة أخري وان شاء الله اتابع ما فاتني برغم انني لن اتابع الا قليلا لانني بدأت مذاكرة


رحاب صالح

هناك 41 تعليقًا:

  1. كلامك قلب المواجع للأسف الدين اللي بيتبعوه هو مصلحتهم و نفوذهم و بس
    لكن لو بصينا للناس العاديين احنا مبنفرقش بين مسلم و مسيحي و مبنزعلش لو كنيسه اتبنت اللي بيعمل الضغائن دي هو اللي عايز يخربها و يقعد على تلها
    تحياتي ليكي و ذاكري كويس

    ردحذف
  2. رحاب :
    كيفك ؟
    حمد لله على السلامة ..
    بخصوص أي دين يتبعون ، حاليا الإجابة هي الله اعلم ...
    //
    أصدق إجابة تتناسب مع الوضع الحالي فكلما تنظرين لشئ وتحاولي أن تعرفي ما الذي يجري بداخله أو إلى أين يذهب بنا سأقول الله اعلم ..
    //
    تحياتي لكِ وتقبلي مروري ..

    ردحذف
  3. هي الحجه اللي بيقولها هى الدين

    لكن مفيش دين بيتبعوه ولا حاجه


    مشكوره يا رحاب على البوست

    ردحذف
  4. اهلا
    الموضوع قيم ويتناول ظاهرة انتشرت وتعمقت في مجتمعاتنا
    شكرا لك على هذا الطرح القيم
    تحياتي

    ردحذف
  5. حمدلله ع السلامة يا رحوبة

    معلش اهى حالة جوية غريبة
    وعدت
    ولو ن محدش حد متوقعها
    بس الشتا حب ييجى شادد حيله
    ويقول أنا هنا اهو



    موضوعك كالعادة يمس الوضع الحالى
    وخصوصا ان الحكاية صاحية المدة اللى فاتت وبتتعاظم مهما انتهت بسلام الايدين وموائد الأفطار وبرقيات التهانى ...

    الكل ف هذا الوطن يعانى
    والمفروض نتعامل على اساس انسانى
    ولا شىء غيره
    المواطنة اللى بيقولوا عليها
    ويحرصوا على تخريب روحها بلا كلل
    ولا ملل عشان فرق تسد

    خلى بالك من نفسك بقى
    وكونى بخير

    بوسات وحضونات
    يا زهرة البنفسج
    اللى بتبهج

    ردحذف
  6. السلام عليكم
    وربنا يجيركم ان شاء الله من شر البرد وشدة المطر ويعينكم على احوالكم
    الشريعة الاسلامية ابدا ما نهت عن التعامل مع غير المسلمين ولا قيدت حريتهم ولا منعت التواصل معهم قال الله ( لا ينهاكم الله عن الذين لم يقاتلوكم فى الدين ولم يخرجوكم من دياركم أن تبروهم وتقسطوا اليهم ان الله يحب المقسطين ) سورة الممتحنه
    لكن عندما نتعامل كبشر معدمى كل شئ فتخيلى اى شئ وتكون غابه وليست حياة بشر
    لك منى التحيه

    ردحذف
  7. بصى هى بالنسبه لحكايه الكنائس ممكن نتسائل لماذا هذا المنع او العرقله التى تحدث عند محاوله بناء كنيسه كما نسمع
    ولكن بالنسبه للمعتقلين فحكايه الاعتقال ليس لانهم مسلمين فهم يعتقلون من يفعل مشاكل ويتستر وراء الدين او اى احد بيكلم فى السياسه بطريقه تضايقهم سواء كان مسلما او مسيحييا ففى الاعتقال كلهم سواسيه لا فرق بين مسلم ونصرانى الا بقدر ما يفعله ليصدعهم ولهذا دائما يتغنون يحييا الهلال مع الصليب قصدهم يعنى فى وحده وطنيه بس طبعا فى المعتقالات والسجون وبس

    ردحذف
  8. حبيبة قلبي وحشتيني جدا جدا فينك ياقمر والله سلامة النت واللى بيقعدوا على النت
    الحلوين بس
    البنتوتات الجميله

    براحه كلامك المرادى وجعنى اوى اوى
    بالذات سؤال مايكل لنفسة فعلا ياترى هما على دين مين
    اللهم اعز الاسلام والمسلمين
    كوني بالف خير حبيبتي وبكل التميز والرقي
    على فكرة
    امنحيني عذرا تفتقدك كثيرا وانا ايضا
    اسعد الله ايامك ياقمرى

    ردحذف
  9. شيرين سامي

    هم فعلا يتبعون دين مصلحتهم ونفوذهم
    وتحياتي لك ايضا عزيزتي
    وان شاء الله احاول اذاكر كويس ادعيلي بس

    ردحذف
  10. IMSA
    اسلام
    الله يسلمك
    واخبارك اية ...؟
    والله اعلم يا اسلام.....

    ردحذف
  11. Dr/ walaa salah
    زيك يا دكتورة اخبارك اية...؟
    كتير من الناس بيتمسحوا بالدين فقط لاشياء اخري
    دمت بخير

    ردحذف
  12. شهر زاد
    يا اهلا وسهلا
    نورتيني
    معاك حق فعلا
    انها ظاهرة انتشرت
    الله المستعان

    ردحذف
  13. فاتيما
    وانا بقول الدنا منره لية عشان اميوسف الغالية عندنا هنا يا مرحبن يا مرحبن يا مرحباااااااااااا
    والله يا فاتيما الجو ده متعودين علية في بلطيم لكن الي مش متعودين علية انهم قطعوا الكهربة ثلاث ايام يعني كنا في تلاجة بعيد عنك المية متلجة والجو متلج والضلمة ايييية مقولكيش...
    بالنسبة للبوست
    هو معاك حق فعلا انه ميتعداش سلام الايدين ومؤئد الافطار والصور والتقارير الاخبارية فقط
    والكل هاهنا في الوطن يعاني

    بوسات وحضونات كتيرة بس حاسبي عشان عندي برد
    ربنا يحميك ويفرح قلبك دايما ويخليليك يوسف وكل اللي تحبيهم ويحبوك
    وخلي بالك من روحك اوووي

    ردحذف
  14. مدونة رحلة حياه
    جزاك الله خيرا
    ومعاك حق فعلا يا استاذ محمد
    ومنورني ويسعدني تشريفك دوما

    ردحذف
  15. عمرو يسرى
    انا فاهمة اني في ناس بتتستر وراء الدين
    لكن انا بنقل هنا فكرةمعينة يا عمرو
    اننا في الهم سواء والمفروض ننسي اللي بيعملوه فينا احنا الاتنين ونشوف بيعملوا اية ونواجههم

    ردحذف
  16. اسماء عبدالعزيز
    انت كمان وحشتينني جدا
    معلش انت عرفتي الاسباب

    ردحذف
  17. أختي رحاب.. تساؤلاتك كلها مشروعة..
    وأعتقد أن إجابتها ببساطة أنهم يدينون يمصالحهم وأهوائهم ويدورون حيث دارت حتى لو كانت مع الصهاينة... وهؤلاء من ذكرهم الله عز وجل في قوله:

    {أَرَأَيْتَ مَنِ اتَّخَذَ إِلَهَهُ هَوَاهُ أَفَأَنتَ تَكُونُ عَلَيْهِ وَكِيلاً} [الفرقان:43].

    تحياتي أختي الكريمة.
    وحمد لله على السلامة.

    ردحذف
  18. الاول شدي حيلك في المذاكره وبلطيم صعبه في الشتا بس في الصيف زي العسل واما عن دينهم فهو المصلحه الشخصيه مش اكتر يعني مفيش وجود لكلمات كتير عندهم زي حرام وحلال وبعدين هما مصلحتهم كده المسلمين يتخانقوا مع المسيحين يقبضوا على الملتحين بتهمة الارهب ولما يرد المسيحين يقبضوا عليهم بتهمة الشغب يبقى خلصوا من الاتنين
    تقبلي تحياتي

    ردحذف
  19. اكيد بيتبعوا دين الفساد والظلم والقه


    بوست جميل وواقعى يا رحاب

    كونى بخير

    ردحذف
  20. والله انا شايفة انا مفيش فرق بين مسلم
    ومسيحى بس سياسة البلد هى اللى بتخلق الاحساس بهذا الفرق وربنا يكفينا
    شر الحروب الاهلية ويحفظ بلدنا سالمة

    ردحذف
  21. بجد نفس إللي إستوقفني يارحاب
    إحنا كل إللي لينا علامة التعجب
    !!!!!!!!!

    ربنا يهدينا جميعا

    ............
    وحشااااااااااااني أوي
    وأنا أسفه أووووي عشان مقصره في مدونتي والمدونات كلها

    وبنا يوفقنا في المذاكره
    ويااااارب ماتقطع الكهرباء تاني بقى
    :))

    ردحذف
  22. الشعب كله مضطهد يار حاب مش قضية مسلمين و مسيحيين و بهائيين..ما ايمن نور اضطهد و هو ليبرالى و المدون كريم عامر اضطهد و هو لادينى

    احنا فى نظام احتلال معتقلنا جميعا

    ردحذف
  23. رحاب ازيك يا قمر وحشانى جدا ووحشانى كتاباتك يارب تكونى بخير اسفه للغياب والتقصير بس والله غصب عنى سامحينى..منه

    ردحذف
  24. لا حول و لا قوة الا بالله
    ربنا يسترها على الجميع

    ردحذف
  25. شدنى جدا البوست بتاعك
    عمره الدين ابدا ما يرضى بمنع حد من اقامة شعائره
    ولما مصر اتفتحت على ايد المسلمين
    امر المسلمين بعدم هدم الكنائس وان النصارى يأمنوا على انفسهم ودور عبادتهم
    اما الان فلا يأمن احد على نفسه
    والموضوع مش بقى له اى علاقة بالدين

    ردحذف
  26. انا اللى بعتذر لك اوى لانى مقصرة معاكى جدا
    بس والله غصب عنى
    وكويس انك طمنتينا عليكى ياقمر

    ردحذف
  27. هؤلاء دينهم هواهم

    ومصالحهم
    كما كان يفعل الكار قديماً
    يصصنعون اله من العجوة وحين يجوعون ياكلون ذلك الاله

    كلاماتك مؤلمه بحق

    تحياتى

    ردحذف
  28. ماجد القاضي

    اهلا وسهلا بيك
    اصبت في انهم مع مصالحهم واهوائهم
    ومعاك حق طبعا في كل كلامك
    شكرا لمرورك

    ردحذف
  29. eng_semsem
    لعلمك بلطيم برغم ان شتائها كتير جدا الا انها جميلة جدا في الشتاء وخوصا البحر
    اكيد انت اصبت في انهم هيخلصوا من الاتنين جملةو احدة مثيري شغب وارهاب
    دمت بخير

    ردحذف
  30. Ms Venus
    ازيك يا فينوس يا جميلة
    هو فعلا دين الظلم والفساد والقهر
    وفعلا هو ده الواقع
    دمت بخير

    ردحذف
  31. هبة فاروق
    والله يا هبة انا حاسة ان اللي احنا فيه ده اشر من الحرب الاهلية
    دي حرب باردة بينا وبين بعض ومش بينا وبين الحكومة للأسف

    ردحذف
  32. Tarkieb
    يا سلام عليك يا تركيب
    بجد بتختصر الكلام
    بس في جملة واحدة مثيرة للمعاني
    دمت مبدعا

    ردحذف
  33. ghada mOhsen
    طبعا لان انا وانت قرأنا القصة نفسها
    يارب يا غدة بجد
    شيدي حيلك في المذاكرة انت ورانيا
    وان شاء الله اشوفك قريب انتوا واحشيني جدااااااااااااا

    ردحذف
  34. Tears
    انت معاك حق ف اننا في نظام معتقلنا كلنا
    بس انا كنت بقول فكرة القصة مش بقول مجرد كلام وخلاص ومتنسيش ان ده الواقع للأسف

    ردحذف
  35. mena
    انا كمان مقصرة معاك ومع ناس كتير والله بس غصب عني
    انت كمان وحشاني كتيييير

    ردحذف
  36. يوميات شحات
    لا حول ولا قوة الا بالله
    وربنا يسترها علي الجميع فعلا
    بس لازم يكون لينا دور مش بس نقف ساكتين
    شكرا لمرورك

    ردحذف
  37. Wise
    اهلا وسهلا ونورت المدونة
    اكيد فعلا كل الكلام ده حقيقي
    بس لأسف في ناس كتير متفهمش الكلام ده
    وبتقلب معانيه زي ما هي عايزة

    ردحذف
  38. Noha Saleh
    انا كمان والله مقصرة معاكم جميعا بس غصب عني بجد
    عايزكم تعزوروني لاني بجد بذاكر ومشغولة جدا
    شكرا لسؤالك يا نهي

    ردحذف
  39. momken
    دينهم هواهم
    اصبت في هذا
    وفي تشبيهك ايضا ابدعت
    شكرا لوجودك هنا

    ردحذف
  40. معك كل الحق أنا فعلاًمحتارة أي دين يتبعون وقد ذكرني كلامك هذا بنكتة تسخر من أبناء سوق الثلاثاء:أراد اثنان ان يعرفا إذا كانت ديانة غراب مسلم أم مسيحي , فقدما له خمراً فشربه فقالاأنه مسيحي ولكنهما وجداه يحط علي صليب احدي الكنائس ويتبول ,فاحتارا في أمره :لو كان مسلماً لما شرب الخمر ولو كان مسيحياً لما أساء للصليب .قرر الرجلان أن يسألا الغراب من أين يكون فقال الغراب :أنا من سوق الثلاثاء(أي ان هذا البلد لا يعرف أحدإلي أي دين ينتمي)

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين