الأحد، 26 ديسمبر 2010

واجـــــــــب تدوينــــــي...اتنيــــــــــــن ف واحــــــــــد

  الواجب الاولاني من العزيزة خواطر شابة
حياتك الدراسية في جملة
أولا درست ما لا أحـــــب لظروف معينة....ثم درست ما أحب ....قهرا لتلك الظروف
حياتك اليومية في جملة
أحيانا مملة ...وأحيانا سريعة ...وأخري مرتبكة ...مرات مغامرة
يعني احيانا بالبيت شغل ومذاكرة وكمبيوتر وتليفزيون ...والباقي ده عايزحكايات
حياتك العاطفية في جملة
حــــب قلت بنهايته فقدت كل شيء ...ولكني اكتشفت أنه بداية كل حياتي .....وأدين لهذه التجربة بتغيير كل حياتي للأفضل
لخص ما عشت في جملة
عشت حياتي كما يقولون كما احب وبحرية بدون أن اسمح لنفسي بالخطأ وحافظت علي كل اخلاقي ومباديء الي الان والي ان اموت
ارسل الواجب لاربع مدونين
اعرف ان الكثيرين حلوا هذا الواجب لهذا انا محتارة لمن ارسله ..ولكن مهلا ...فهناك اسلام ومحمد ...مدونة كلام مجانين 
و...ممكن وداد ....صاحبة مدونة شوق وحنين ...ومييييين ممكن اي حد عادي حل الواجب انا مش عارفة بجد...
الواجب التاني من عند الدكتورة ولاء صلاح ...صاحبة مدونة دمعة حنين
 ولاء عايزة مني اجاوب علي الاسئلة دي
  • تعريف مختصر بالمدونة
اقول اية عن مدونتي والا عني انا....انا انسانة للأسف حساسة لابعد الحدود , متناقضة جدا بس مش وحش يعني ممكن تلاقيني خجولة جدا احيانا واحيانا جريئة جداهادية جدا واحيانا نرفوزة جدا كدة يعني  .....انا عندي 29 سنة وآنسة ولا اخجل من ذكر سني ابدا " محدش ليه دعوة بيا وبعدين احنا بنتولد عشان نكبر مش عشان نصغر " اية تاني ...بدرس في جامعة القاهرة للتعليم المفتوح كلية الاعلام الفرقة الثالثة وكانت حلمي الذي لم احققه في بداية تعليمي لظروف معينة لا اريد حكيها ...ولكني حققته الان والحمد لله بشتغل صحفية ....
 انت لية بتدون...؟
عشان افضفض , عشان احكي عن اللي حوالياو عشان اقول اللي مش عارفة اقوله, عشان اكتبت قصص واعرف اراء الناس في ككاتبة , عشان حاجات كتيرة .....
  • , مكانتك العلمية التي وصلت اليها والتي تستطيع من خلالها ان تفيد الناس
  • انا اعمل صحفية وفي مجالي هذا احاول بقدر ما استطيع ان افيد الناس ولو بقدر ضئيل ....فلعينني الله فقط
  • متي كانت البداية ف التدوين بالتاريخ...؟
الاول عملت المدونة يوم 1/6/2008 ولكني لم ادون ولم اكتب شيء غير اهلا وسهلا فقط, ثم بدأت اكتب موضوعات يوم 27/7/2009 ولكني لم اهتم في بداية الامر لاني كنت مدمنة فيس بوك...
وفي بداية 2010 بدأت اهتم واكتب وازور مدونات اكثر .....


  • كيف كانت البداية في التدوين
في البداية كنت عايزة اعمل مدونة وخلاص زي اصحابي , بس لقيتني اني معرفش اعمل حاجة زي حد , وكمان لاني بحب الاختلاف ولا احب التقليد, قلت اكتب قصصي فيها , بس برضه مكتبتش لاني دخلت عالم الفيس بوك وسيبت المدونة من غير ما اكتب فيها ...ونسيتها وبعدين فكرت تاني ارجع للمدونة وادون ...وفعلا بدأت وكنت ببعتها لناس اعرفهم لكن مكنتش اعرف ازاي المدونين يلاقوا مدونتي ويدخلوها ...لغاية ما عرفت اعلق ف مدونات وازور مدونات وخلاص الناس بقت تزورني وبدأت اعرف المدونين واحب العالم ده بل واعشقه جدا.....
  • لية انا مدون...؟
بعترف اني مش مدونة زي باقي المدونين لان المدونة عايزة تفرغ وانا دائمة الانشغال وبحاول بقدر الامكان المتابعة .....ولكني احاول ان اعرض بعض القضايا المهمة من وقت لاخر  حتي اعرف ردود الافعال ولأكون مؤثر في مجتمعي ولو حتي عن طريق المدونة
  • وما هي طموحاتك في هذا المجال...؟
مش عارفة ...؟ بس يمكن بتمني اني استمر في مدونتي لغاية مماتي , وكمان بتمني اني انشر روايتي واعمل حفل توقيع وادعو فيه كل المدونين اللي عرفتهم معرفه شخصية او عن طريق المدونة فقط...
  • الي اي مدي ارغب في التدوين...؟
مش عارفة ....بس حابة استمر الي النهاية
  • الكتابة عن شيء  تحبه...؟
مش عارفة اكتب عن اية بحبه ...يمكن لاني بحب كل حاجة وكل شخص وكل الناس وكل اهلي واصحابي ....بس يمكن اكتر حاجة بحبها ولاد اخواتي كلهم بدون تمييز خصوصا الثلاثة الصغار سارة ونسمة وزياد...بحب كل شيء ف الحياة يمكن لاني بحب الحرية ومش بحب القيود....
  • المواقع المفضلة لدي وازورها باستمرار....
اكيد طبعا مواقع الجرائد المختلفة وكمان مواقع تحميل الكتب وانا بدور علي الموقع واخللي اخويا يحمله لاني بمل بسرعة من حكاية التحميل دي كمان لاني مش بحب قراية الكتب علي النت الا مضطرة...كمان بحب مجلة اطفال اووي لكن لما بيفوتني عدد منها بتابعها ع النت ....لسة بحب ميكي و ميمي وماجد وبندق ....
  • ومدي ما استفيده منها...؟
مفيش حاجة انت بتشوفها الا وبتستفيد منها ....مهما كانت, حتي لو كانت مجرد جريدة بتقرا من علي موقعها مجرد خبر .....
اعتقد اني كدة كملت الواجب وبرضه بحول الواجب ده ...لاسلام ومحمد ووداد ...
بس كفاية كدة ده كتير جدا ....

هناك 31 تعليقًا:

  1. ايه دا اول تعليق والتانى احتتتتتتتتتتلالالالالالالال

    ردحذف
  2. رحاب (:

    مش عارف حاسس ان احنا كُنا عارفينك

    بجد صدقينى انتى كتبتى اللى احنا كُنا شيفينة

    و أكد لنا أحترمنا ليكى و زودة


    ربنا يحقق لك أمانيكى

    معلش لعدم المتابعة من فترة

    أحاول العودة

    ردحذف
  3. حبيبة قلبي رحاب
    انا كتبت التعليق لكن يظهر في عطل عندى لو ظهر مرتين يبقى مش مشكله
    اعترافاتك جميله جدا
    انتِ انسانه رائعه بكل المقاييس
    كونى بخير

    ردحذف
  4. ازيك يارحاب عامله ايه

    عجبنى النوت دى اوى وبتمنالك التوفيق دايما يارب
    انتى كاتبه رائعة

    ردحذف
  5. عجبني أوي انك قهرتي ظروفك و درستي اللب بتحبيه دي اراده مبتبقاش عند أي حد
    ربنا يوفقك و يسعدك سعيده جداً اني اتعرفت عليكي أكتر
    تحياتي الشديده لكي

    ردحذف
  6. هو الواجب التدوينى جالك؟؟..وصلنى من اسبوع على فكره جميل قوى اننا كلنا نكتشف بعض بالطريقه الجميله دى ...

    مدونه لطيفه جدا

    ردحذف
  7. السلام عليكم
    حلوة صراحتك ما هو احلى حاجة اللى يفضل على طبيعته وكمان حلوة عزيمتك واصرارك ياريت تكون عند كل الناس مشكلتنا الملل بسرعة معندناش قوة عزيمة
    كملى طريقك واتمنى لك التوفيق دائما

    ردحذف
  8. السلام عليكم

    سعدت جدا أختي رحاب بكلماتك التي تنطق بالعفوية والأمل والحب للجميع..

    أعتقد أن كثيرين منا بدأوا التدوين لمجرد أن يكون لديه مدونة، ثم أهملوها، ثم عندما دخلوا الموضوع أدمنوه!!

    أعجبني جدا إصرارك على أن تدرسي ما تحبين... Gooo On وبالتوفيق دائما...

    تعرفي؟ فعلا اسمك اسم صحفي!! :)
    أصل فيه ناس ليها اسم فني.. وناس ليها اسم صحفي.. وناس ليها اسم رجل مخابرات (مثل أدهم صبري).. وناس ليها اسم ينفع فقط في صفحة الجرائم الحوادث!!! هههه
    طبعا ده رأيي فقط..

    تحياتي بجد على هذه السطور الممتعة.. ربنا يوفقك دائما لما يحب ويرضى..
    دمتِ سالمة.

    ردحذف
  9. تحية ليكى يا رحاب وكل سنة وانتى بكل خير يارب

    ردحذف
  10. عجبنى فيكى طموحك واصرارك على تحقيق احلامك والالتحاق بالكلية اللى كان نفسك تدخليها
    عجبتنى قوة شخصيتك وصمودك
    بجد انسانة جميلة وانا سعيدة انى اتعرفت بيكى اكثر يا جميلة
    تحياتى وسلامى لكى

    ردحذف
  11. جميل يارحاب
    انا معجبة جدا بإنك بتحاولى تدرسى اللى بتحبيه
    انا كمان على فكرة بدأت اعمل كده بس ربنا يعينى وماكسلش

    ردحذف
  12. عجبتنى تلقائيتك اوى يا رحاب


    كل سنة و انتى بخير و جميلة

    ردحذف
  13. قريت دلوقتى ردك على تعليقات البوست اللى فات

    بس مع كامل احترامى لخالك و لكل اللى بيقولك بلاش تنشرى عشان اختك ياريت تقوليلهم لو كل واحد خاف على نفسه بس يبقى انانى و يبقى ح يجى الدور عليه هو كمان

    و قوليلهم ان الاسلام بيقول من راى منكم منكرا فليغيره و بيقول الساكت عن الحق شيطان أخرس و همه بيدعوكى للخرس كأن مش كفاية همه سكتوا!

    صراحة كل نصائحهم متعارضة مش بس مع المبادىء و الاخلاق عموما لكن مع الدين و لا طاعه لمخلوق فى معصية الخالق و مهما يزعل منك حد هو حر بل ح يشيل ذنب انه بيحرضك على كتم الشهادة و مساعدة محتاج بحكم مهنتك

    قوليلهم م يحيى حسين اللى كشف الفساد فى عمر افندى ما قلش ليه اسكت عشان ولادى؟ و موظفة وزارة الصحة الست الكبيرة اللى فضحت هانى السرور و الدم الملوث و ماخافتش من فصلها من عملهاو تهديدات بقتلها ليه ؟ و ليه المهندس الفخرانى رفع قضية و وقف لطلعت مصطفى ابن اخت سوزان مبارك اللى خد الارض بتراب الفلوس برغم ان ضباط كانوا بيهددوا الرجل مش شوية فسده و مهملين فى مدرسة

    انا ضربتلك امثلة اكبر كتير و اصعب و وصلت لتهديدات بالقتل و مواجهة مع عصابة فاسدة حاكمة و فيه غيرهم كتير لان لو موتنا كل ضمير يبقى على البلد السلامة و على الانسانية الف ندامة

    ياريت توصلى نسخة من كلامى ده و لو تطبعيه لكل اللى بيجرأ و يقولك بلاش عشان شغل و لا علاقات اغضبى ربنا و نيمي ضميرك عشان تدهسى انسانيتك و كأن موروث هدر الادمية و السلبية و الجبن و الذل اللى عاستسلمموا له لازم يورثوه للاجيال الجاية عشان يعيشوا فى مأساه زيهم و قوليلهم لو بتقدروا بعد ما تقولوا كده تصلوا و تواجهوا ربنا فانا مقدرش

    ردحذف
  14. richardCatheart
    اهلا وسهلا بيك يا جميل انت وكل الاسكندرانية
    والله منورة
    واحتلي زي ما انت عايزة المدونة مدونتك ولا تحت امرك

    ردحذف
  15. Ramy
    ولا يهمك يا رامي انا عارفة والله وحاسة بيك وفاهمة
    المهم نطمن عليك بس من وقت لتاني

    ردحذف
  16. اسماء عبدالعزيز
    ولا يهمك انا عارفة لما النت بيعملها كدة ....
    الله يخليك يا اسماء ده من ذوقك والله

    ردحذف
  17. م. حجاز
    شكرا يا محمد
    ده من زوقك والله
    وانت الاحسن

    ردحذف
  18. شيرين سامي
    انا كمان سعيدة اني اتعرفت عليك
    وبالنسبة لقهر الظروف صحيح مش اي حد يقدر يعمل كدة بس اللي عنده ارادة ومش بس تشجيع من اللي حواليكي...كفاية تعرفي ان اللي حواليا احبطوني...جدا ومازالوا ولكن كان عندي ارادة لان اكمل ما قد قررت وبدأت...تحياتي لك ايضا

    ردحذف
  19. د/دودى
    اهلا وسهلا بيك
    وشرفتيني ف اول زيارة ويارب ما تكون الاخيرة
    بالنسبة للواجب او التاج هو اساسا للتعرف علي المدونين بشكل لطيف
    وانا حبيته فعلا
    سعدت بمرورك

    ردحذف
  20. مدونة رحلة حياه
    الصراحة والصدق بحبهم ف اي شيء
    ولملل ده شيء فينا كلنا لكن ملل عن ملل يفرق كتيييييير
    بحاول اني مملش من الحاجات المهمة...
    شكرا لكلامك

    ردحذف
  21. ماجد القاضي
    طيب ارد عليك واقول اية بقي...؟
    انت مسبتش لي كلام اقوله....
    شكرا ماجد كتير علي كل كلامك...
    عايزة بس اقولك علي حكاية الاسم الصحفي دي ...كنت كل مااروح لدكتور واقول رحاب صالح يقلي الله اسم فنانة ...انت بتغني ...؟

    ردحذف
  22. Ms Venus
    ربنا يكرمك يا جميل
    ويارب سنة سعيدة عليك وعلي الجميع

    ردحذف
  23. هبة فاروق
    والله انا كمان مبسوطة جدا اني بتعرف عليكم كتير
    وكمان بجد سعيدة اني اتعرفت علي ناس بجد حبيتهم من غير ما اشوفهم .....بس من خلال كتابتهم عرفتهم ناس بجد يستاهلوا الحب....

    ردحذف
  24. Noha Saleh
    لاء يا نهي لازم متكسليش وحاولي وابدأي وانوي بس وان شاء الله ربنا يقدرك وتكملي اللي انت عايزاه
    هدعيلك

    ردحذف
  25. كلمات من نور
    عارفة اني مقصرة معاك كنتييييييير فعلا

    ردحذف
  26. Tears
    شكرا لكلامك تيرز ده بجد بيسعدني كتير

    ردحذف
  27. Tears
    فعلا انت معاك حق وجدا كمان
    بس انا بجد مش هقولك انا عملت اية واتصرفت ازاي ....
    كفاية انك تعرفي ان بقي في خلاف بيني وبين خالي ...
    وبيني وبين اختي ....
    وبيني وبين ادارةو المدرسة ...
    عشان الموضوع ده ...
    وصل لحد اني اتنرفزت جدا عليهم ...
    وانا مازلت علي رأي ومش هغيره اني مهما حصل هكون مع المظلوم وميهمنيش اختي ولا خالي ولا اي حد ....
    لان دي كلمة حق ...وده اللي هشهد بيه لو طلب مني اخوات المدرسة المصابة بالشهادة....
    تعرفي انا اصبت بارتيكاريا عصبية بسبب الموضوع ده ....والله بجد مش مجرد كلام ....

    ردحذف
  28. عشره على عشره يا رحاب

    اجابات جميله

    مشكوره يا حبيبتي

    ردحذف
  29. معلشي يا رحوبة والله أتاخرت عليكي

    انا كنت تعبانة جدا وكان عندي برد

    واول ما بقيت كويسة كتبت الواجب إللي عليا

    يلا روحي شوفي الواجب صح ولا غلط

    وعلى فكرة انتي شخصيتك تقريبا زي شخصيتي

    انتي جميلة اوي يا رحاب

    وبشكرك انك بعتيلي واجب حلو زيك

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين