انا أعرف القطر المكيف والباص المكيف ...السوبر جيت
لكن ميكروباص مكيف دي جديدة عليا
ميكروباص مكيف ومش اي تكييييييييييييف ده تكيف انما اية....تكييييييييييييف
الموصلات الاسرع عندنا عشان السفر هي الميكروباص وانا مسافرتش غير مرتين بالباص مرة منهم مع احمد اخويا وعجبني اووي الاتوبيس المكيف وعجبني الفيلم اللي كانوا بيعرضوه مع اني مشوفتش ولا لقطة منه لاني ببساطة بحب اقعد جنب الشباك واتفرج علي الشجر وهو بيجري ...." زمان كنت بعتقد كدة زي حالتنا كلنا ان الشجر هو اللي بيجري مش الاتوبيس اللي بيجري "
المهم ان الاتوبيس المكيف ده بياخد وقت كتير ف الطريق عشان كدة هو ممل ومش بحب اسافر فيه ولا القطر لان القطر صوته مزعج
اما بقي الميكروباص فيا سلام سلم
اجمل حاجة فيه انه سريع " ومكن يعمل حادثة في اي وقت ....في واحدة صاحبتي عملت حادثة وهي جاية م القاهرة في ميكروباص ومن يومها استحالة تركب ميكروباص ابدااااااااااااااااااا" ومعاها حق طبعا
بس هو سريع والاجمل بقي انك مش بتلاقي فيه الناس اللي تغيظ ام اعصابك " عسلية ومهلبية ومناديل ورقية وساعديني ده انا بربي ايتام ومش لاقية اكل ده انا حتي مأكلتش لحمة بقالي اسبوعين ....."
شايفة ان الناس اللي بتقرا الكلام ده بتقوللي اني لسة مدخلتش ف الموضوع ....!!!!
اوك خلاص فات القليل مبقاش الا الكتير
اول ما تركب انت الاتوبيس تلاقي السواق يقولك " الفاتحة للنبي يا جماعة خلينا نوصل علي خير ...الفاااااااااااتحة "
ويا سلام لو في واحدة منتقبة او شيخ يقولولك " دعاء السفر يا اخواني افادكم الله ...عسانا نوصل بخير"
انا والله بقول دعاء الركوب والسفر دايما حتي لو مواصلة خفيفة لان اتعودت علي كدة
المهم بعد الفاتحة ودعاء السفر تشوف التكييف علي اصوله.....
انا عموما بحب وانا مسافرة اخد اي كتاب اتسلي فيه طول الطريق لما ازهق من اني ابص علي الطريق اللي حفظته تقريبا وعارفة كل مطب فيه وكل ذرة رمل سواء " كايرو " او " ألكيس "
واذا فجأتن علي رأي " صالح سعيد صديقي العزيز " تلاقي التكييف اشتغل ....
" اركب الحنطور درجن درجن ......
اية ده هو احنا راكبين حنطور ...؟ والله انا كنت بحسبها عربية ....!!!! غريبة امال فين الجرس اللي في رقبة الحصان....؟
" بشويش عليا ده اوحدانية متحبنيش....ترررررررااام .....طب واحدة واحدة......ألخ
طيب لو مش عايزاة يحبك بتكلمية لية..؟
ولو واحدة واحدة نوصل احنا امتي بقي ان شاء الله....؟!!!
اوووف ...
انا مش عارفني انا تهت مني انا......مش انا .....
يا لهوي تهت ......يبقي مش هنوصل النهاردة وهتاخر علي صحباتي وممكن كدة يتغدوا في بسماتيو ويقلشوني ....؟!!!
انا شارب سجارة بني .....حاسس ان ...........والغسيل عمال ينقط ....ترررررم .....إلخ
هو في سجايو بني واسود والا اية...؟طيب مفيش ابيض ...؟ اصل انا بحب اللون الابيض اوووي....
اجرح......ترارارارارم ولا حاجة....اجرح.....
مممممممممم لا بجد صعبت عليا.....
انا شارب تلاتة ستيلا ......تيممممممممممممممرررررررررررررررررراااااااااااممممممممممممم.......
والله انا لما الاغنية دي انتشرت مكنتش اعرف يعني اية ستيلا ...والله العظيم بجد
يا نهار اسود ده معلوماتي الثقافية تحت الصفر ....اندر زيرو....!!!!!! لا لا لا لازم حد يعلمني بقي كدة مينفعش....
وف وسط المكيفات دي كلها ببص لقيت ودني بتسمع...." اه من عيناه ده والله ما حب القلب سواه...."
إية ده....؟؟؟ اصالة ف وسط المستنقع ده.....؟
هي كانت بتعملهم دماغ طرب والا اية....؟ " مع الاعتذار الشديد لأصالة وتاريخها "
بس ملحقتش اتهني طبعا لان السواق رجع تاني للمكيف.......
وفجأة شميت ريحة سجايز اووووووووووووفر خالص وبدأت اكح...كح كح كح في اية يا جماعة ...؟؟؟!!
الشاب اللي قادمي قال السجاير ممنوعة اللي مولع السجاير يطفيها يا جماعة احنا في ميكروباص مش في الشارع والا ف البيت
ردت الست اللي ورايا" معلش بقي ده واحد مريض استحملوه يولع سيجارة
" يا ماما مينفعش احنا اتخنقنا " ده الشاب اللي قدامي
" بقولك مريض ...مريض نفسي وبعدين خد الروشتات اهي شوف لو مش مصدق" وراحت رامية الورق فوق راسي
وكملت " وبعدين اسكت بقي لا يقوم علينا يكسر فينا واحنا مش ناقصين احنا جاين من عند الدكتور بيقولنا سايروه واعملوله اللي هو عايزه"
" خلاص يا ماما ربنا يشفيهولك " الشاب اللي قدامي والناس اللي في العربية ....فضلوا كل واحد بكلمة الله يشفيهولك ...اما انا فروحت بصيت ورايا علي الشاب ده فلقيت شكله مش ولابد ....كأنه ضارب سيجارة بني علي تلاتة ستيلا .....يظهر ان ده تأثير الاغاني .. المكيف ده سره باتع اووووي
الغريبة اني لما نزلت من الميكروباص كنت دااااااااااااااايخة وحاسة اني مش شايفة ادامي .....
يظهر ان تأثير الاغاني دي جامد جدا....
تفتكروا ان السواق كان حاطط مكيفات ف الميكروباص....؟
ملحوظة
حاولت اجيب الاغاني علي اد ما اقدر لاني اصلا معرفش الاغاني دي ومش بسمعها غير لما اكون مسافرة وبما اني كنت مسافرة امبارح فهو ده اللي حصل بالملللي والسنتي والفيمتوثانية
:))
ردحذفبنبسط جدااااااااا
لما علي الصبح اقرا بوست لطيف مضحك كده
الاهم حمد الله علي السلامة
ازيك يا رحاب عاملة ايه
ردحذفالمهم لحقتى الميعاد و لا ايه
بس عجبتنى الوصلة
عايزة تثقفى
غالى و الطلب رخيص
اتفضلى
http://salyziad.blogspot.com/2011/06/blog-post_17.html
ههههههههههههههه
تحياتى
وصف اللي بيحصل في الميكروباص يمكن كلنا شفناه و عشناه لكن الجميل و اللي انتي أضفتيه هو النعليقات الساخرة على موقف حصل أو هيحصل بسبب ده,يعني أما يقول المطرب انا تهت مني يبقى ردها يالهوي كدة تهت يبقى مش هاوصل النهاردة و هأتأخر!!و المريض النفسي-ربنا يشفيه!- واضح انه ضرب سيجارة بني وراح على المطرب التاني شرب تلاتة ستيلا !!!
ردحذف..بجد حلوة
هههههههههههههههههههههههههه فكرتيني بالاغاني اللي بسمعها بطريق الروحة والرجعة من والى الجامعة يا لهوووووووووووووووي ... ومن كتر مبتتكرر حفظتها :(
ردحذفبجد الناس اذوااقهم غريييبة ... والا احنا اللي معندناش ذوق باين ؟
و صحيح ... ايه معنى ستيلا انا اول مرة بسمع بالكلمة دي ؟
مكيف مش مكيف اكره الميكورباص وشكله سخيف وممل... :)
ردحذفبس والله يارحاب اتمنى من قلبى انى اشوف كل وسائل المواصلات ببلادنا راقية وممتعة وتسر العين وياسلام لو يعدموا كل مغنيين الميكروباصات رميا بالجزم يبقى خير من ربنا ههههههه
اسعد الله قلبك حبيبتى
ودمت بكل خير
تحياتى لك
لالالالالالالالالالالالالالالا
ردحذفأنا ولا باخد بالى من كل ده
انا بالع العربية من هنا واركن دماغى على الشباك
ونووووووووووووووووم
لحد ما أوصل المكان اللى أنا عايزة
بس المشكلة بقىفى المواصلات الداخلية دماغى بتنفجر فيها مش بتصدع وبس
وفيها خناقات للصبح
ههههههههههههههههه
ردحذفبوست جميل ودمه خفيف بصراحة ربنا يكرمك يا رب :))
خالص تحياتي