الثلاثاء، 3 يوليو 2012

اليوم أتكلم عـــــــني.....؟

اليس بتشبهني
 
الـيوم الـ 15 فى حملة التدوين ان شاء الله هيكون يوم تدوينى موحد
مجموعة من الاسئلة كلنا هنجاوب عليها
وياريت كل واحد فى مدونته ينوه على اليوم ده علشان كلنا نلتزم بيه
ويارب الاسئلة تعجبكم :)

1/ عرف نفسك ؟
 مش عارفة ....احيانا بحس اني مش عارفاني ....
بس اللي مكتوب في البطاقة اني رحاب احمد  احمد صالح  و بكالريوس اعلام وكمان اقل من عشرين يوم هكون اتممت الـــ31 عام ....ومش متجوزة ولا مخطوبة ولا مرتبطة...ومش عايزة عريس ... وبشتغل في مدرسة اعدادي ...." صحيح انا كنت صحفية قبل سنتين لكن تركت الصحافة من بعد قيام الثورة ولأجل غير مسمي ....لكن من الممكن أن أعود قريبا ...دعواتكم بقي  "
حساسة جدااااااااااااااااااا  بس كدة والا عايزين تعرفوا لون شعري وعيني وطويلة والا قصيرة كمان ما كفاية كدة 
2/ ما أكثر ما يميز شخصيتك ؟

 معرفش بس جايز يكون ....التناقض
التناقض.....انا شخصية متناقضة  ...بيقولوا ان ده صفة من صفات برج الاسد اللي هما مغرورين ...مع اني مش مغرورة والله...بس في ناس مصممة اني برج السرطان زي فاتيما لانها حاسة اني برج السرطان ده بيحب اووي او بمعني كلمات فاتيما بيحب علي روحه زي حالاتي كدة بالظبط بحب الناس لدرجة الهبل  ....المهم اني متناقضة وبس انا برج من دماغي راح...انا نهاية السرطان وبداية الاسد ....يعني برج ملخبط ...عموما مش بؤمن بالأبراج ...بس ممكن اقولكم بجد ان رحاب دي رقيقة اووي وعصبية أووي  ومتسامحة اووي ومش بتسيب حقها ابدا.... صبورة اووي بس اتق شر الحليم اذا غضب ....حد فاهم حاجة
مش بسيب حقي .....وعنيدة جدااااااا...ومش بحب حد يفرض قراراته عليا ولا يمشيني علي مزاجه...ولا حد يديني اوامر...انا محبش حد يتحكم فيا.....يمكن بابا بيتخنق مني كتير عشان  عنيدة  ومش بقتنع بحاجة بسهولة 
هادية وعصبية ازاي معرفش .... ممكن اتعصب بسهولة وممكن اروق بسرعة اووي
فاكرة مواقف كتير كنت فيها عصبية ورورقت بسرعة ومواقف العكس تماما يعني احيانا الشخص اللي بيزعلني مستحيل يعرف يصالحني ابدا... بس مقدرش اقول ولا موقف ...يعني خللي الناس تاخد فكرة حلوة عني بقي
3/ ما هى اهم نقطة تحول فى حياتك ؟
عندما أحبطوني ...فصممت أن أكون أنا....
بيتهيئلي  دي واضحة مش عايزة كلام 

4/ كيف دخلت الى عالم التدوين ؟
الصراحة في الاول كنت عايزة اعمل زي اصحابي  مروة وصالح وعمرو ودعاء ...ومكنتش اعرف اعمل مدونة بس كنت بدخل اعلق عندهم ده كان عام 2007 تقريبااو 2006  ...بس بعدها لقيت ان العالم ده هو اللي كان المفروض انتمي له من زماااااان وده كان تقريبا ان لم تخني الذاكرة  2008 بمساعدة صديقتي غادة محسن صاحبة مدونة بستان افكاري

5/ ما اسم مدونتك ولماذا اخترته ؟
مدونتي ...حياتي لكن مش حرة فيها....انا كنت هخليها حرة فيها .....بس لقيت ان فعلا احنا مش احرار  لو كنت حرة صحيح كنت عملت حاجات كتير  بحرية هتضر ناس بحبهم عشان كدة انا مش حرة حتي في كلامي ....وقصصي وحتي اللي احيانا بكون عايزة اقوله....
6/ صف مدونتك ؟
هي حياتي ....برسم فيها احلامي وعالمي ....من يريد أن يعرف رحاب صالح ....يدخل مدونتها ويفتش فيها يشوف كل حرف  مش كل كلمة....وعلي اد ما هتلاقي تناقض واختلاف ...هتعرف رحاب
7/ من هم أكثر ثلاث شخصيات أثروا بك من داخل عالم التدوين ؟ ومن خارجه ؟
من داخل عالم التدوين مقدرش اقول تلاتة لانهم كتير ....بس ممكن مثال لا حصر ...ماجد القاضي.. فاتيما .. ابراهيم رزق ..مصطفي سيف ومارو قلب القطة وشيرين سامي وكارولين وهبة فاروق والفاروق و نهي صالح وكارمن ومحمد متولي وعمرو يسري .... واخويا احمد طبعا ....لالالالالا كتير الصراحة يعني
من خارج عالم التدوين ....معرفش بس انا بتأثر بكتير من الاشخاص ...يعني مثلا في الكتابة الساخرة  بتأثر جدا بصديقي السينارست صالح سعيد ....وصديقي السينارست وكاتب الكوميكس عمرو الطاروطي ....لكن  كتأثر في الكتابة بشكل خاص  مفيش كتاب قرأته الا وتأثرت بيه لكن يمكن الاكثر تأثيرا في هو المرحوم عبد الوهاب مطاوع ....مقدرش اشوف كتاب له الا واشتريه  برغم اني تقريبا قرأت 99% من كتاباته 
8/ ما هى طقوسك الخاصة عند الكتابة ؟
طقوس اية ؟ ولية بس الاحراج ده ...؟....والله انا كتير مش بحب حد يقعد معايا وانا بكتب ...بس احيانا بلاقيني بكتب واي حد معايا  " لما الوحي يطب عليا فجأة "بس عموما بحب اكتب وانا بشرب مج الشاي بالنعناع  او النسكافية وأكون لوحدي وبسمع اغاني تبع حالاتي المزاجية.....
احيانا كتير بحب اكتب وانا قاعدة فوق التربيزة  " مع ان عندنا كراسي كتير والله " لو بكتب ف كراسة او اسكتش مثلا عشان الكهربة قاطعة او الكمبيوتر عطلان او مشغول  اقعد فوق الترابيزة واكتب ودي بصراحة حاجة بتجنن احمد اخويا ...مش عارفة لية  ,,, حتي ف الشغل برضه احب اقعد فوق المكتب مش ع الكرسي ....مجنونة انا 
لما اكون مخنوقة بقعد ف البلكونة  واكتب الي يجي ع بالي ...بس غالبا محدش بيشوف اللي بكتبه
 
9/ ما هو الاسلوب المفضل لديك فى التدوين ؟

غالبا أنا أتأثر بكل موقف يمر بي او يمر بأحد ممن أعرفهم وحتي ولو بالصدفة ....وكم ينبت قصص وخواطر من مواقف شاهدتها من بعيد لبعيد او من قريب ...
فأنا خيالية جدا....خيالية الي حد مرعب احيانا
10/ فى رأيك ما أهم ما يميز تدويناتك ؟

مش عارفة....بس جايز هي طفولية الي حد كبير
11/ ما هو تقيمك لعالم التدوين فى الفترة الاخيرة ؟

" لية الهجر يا حبيبي "
تمت رحلات هجرة جماعية  لأهل بلوجر الي الفيس بوك وتويتر   وبقي فقط القليل للأسف ...ده هو الواقع...مع اني لما دخلت بلوجر حبيته اكتر من الفيس 
 المدونون انتقلوا الي الفيس بوك....وده خللي التدوين في خانة اقل من اهميتها الفعلية ...بلوجر له خصوصيتة المقدسة ...وده غير اني ممكن اكتب التدوينة واحط اللينك ع الفيس بس المدونة اكيد افضل ...بس كتير للأسف مش فاهمين ده
12/ اختر اقرب تدويناتك الى نفسك وضع رابطها وحدثنا عنها ؟

مش عارفة ...كدة انتم بتخيروني بين بناتي ....وتدويناتي هي بنات افكاري معرفش افضل حاجة عن حاجة....أول ماي سنس علي رأي ارثر ميلر....
13/ استعرض اهم المواقف الغريبة او الطريفة التى صادفتك مع التدوين ؟

كنت كتبت تدوينات تحت مسمي يوميات هو وهي ...وكانت رومانسية اووي وكان فيها بوست اسمه بحبك تتجوزيني ....ساعتها لقيت ناس كتير كتبت لي تتجوزيني يا رحاب ...فيها ناس اعرفهم  كانوا واخدين الامر مجرد مزحة وفيها غير معروف كتييييييييير ... يعني كاتب التعليق بدون اسم...والحمد لله اني عاملة اشراف علي التعليقات
واحيانا كان بيوصلني تعلقات لما انشر قصة رومانسية علي المدونة اني انا صاحبة القصة وكدة يعني ...كنت بضحك اوقات واوقات بتضايق 
14/ هل أحدث التدوين تأثيرا عليك ؟ وكيف ؟

طبعا ...وتأثير جميل اووي مقدرش اقوله ف كلمة او سطر ...بس اللي ممكن اقوله انه عرفني علي اصدقاء بجد ....وخلاني اطور من نفسي ومن اسلوبي وخلاني بجد احس اني بدأت اكتب بشكل جيد  احسن م الاول
 15/ اختر اى مدون ووجه له سؤال ؟
معرفش ....بس ممكن اقول لـــ صاحب المدونة دي وجع الفلسفة أنا بحبك أوووي
وعايزة اسأله سؤال واحد بس " يا تري انا دلوقت بعرف اكتب احسن م الاول  والا لسة عند رأيك  اني مبعرفش اكتب  قصص خالص ...؟" بس مهما كانت اجابتك فأنا بحبك اوووي اوووي اوووي

هناك 37 تعليقًا:

  1. وصف وشرح ببساطة وتلقائية وتدوينة دمها خفيف
    تحياتي لاسلوبك وسعداء بمعرفتك
    تقبلي مروري

    ردحذف
    الردود
    1. وانا كمان سعيدة بمعرفتك
      ميرسي لمتابعتك الدائمة

      حذف
  2. السلام عليكم
    والله كنت احسبك صغيرة اوى اوى عن كده ههههه
    اجمل مافيك يارحاب طفولتك وبراءتك اوعى انك تفرطى فيهم ابدا ابدا دى اجمل حاجة فيك

    وسعيدة بمتابعتى لك
    وسعيدة اكتر لان التدوينة المنتشرة حاليا لتتعريف على الاصدقاء قربتنا من بعض اكتر

    اسأل الله لك راحة الحال والبال
    دمت بود وحب وطفولة
    تحياتى وتقديرى

    ردحذف
    الردود
    1. اه يا اخت ليلي كل الناس بتحسني اصغر من كدة
      بس انا مش باخد موضوع السن زي كل البنات بحساسية زيادة عن اللازم لاني بعيش زي ما ربنا خلقني بكبر مش بصغر
      انت من الناس اللي بجد بتمني معرفتهم اكتر وبتمني اشوفك اوووي اووي انت وشمس النهار

      حذف
  3. يا رب الأول

    وتعليقى ببساطة لا تعليق

    هى شخصيتك
    وإحنا حبيناها لإنها فى أفكارك بدون رتوش
    واقبلناها بدون زيادةولا نقصان

    على فكرة أنا بأحب اقعد على الكنبة مش الكرسى وانا باكتب أوأقرأ

    تحياتى دوما

    ردحذف
    الردود
    1. اسامة
      انت من الناس الي بجد حسيت لما شوفتها اني بعرفك من زمان
      حساك طيب اووي وراجل بجد
      مش عشان الموقف الي عملته معايا
      بس انا حسيتك كدة
      وبالنسبة للكنبة الي بتكتب عليها وتقرا فأنا اشك في هذا
      انا حساك مفتري يا اسامة ههههههه

      حذف
  4. ليس معنى ان لا أسجل في المتابعين أنهم لا يستحقون ..
    ولكن أنا الذي لم يبق لي وقت للعمل ... ههههه
    دمت بألف خير أختي رحاب ..

    ردحذف
    الردود
    1. للأسف كلنا مشغولين
      وانا اقتنص الوقت لاني فعلا مشغولة جدا
      اتذكر ان كان هناك عدة تدوينات تمنيت قراءتها وللأسف لم استطع بسبب الوقت والعمل
      لهذا اعذر جدا كل من لا يترك لي تعليق ولكني اشعر بأنفاس اشخاص معينين يقرأون بصمت لي واحبهم جدا
      دمت بخير ومساءك بنفسج

      حذف
  5. جميييله يا رحاب كنت مستنيه البوست بتاعك عشان بحب شخصيتك جداً :)

    و بحب حبك لأخوكي و هو فعلاً كاتب مميز و أسلوبه رائع
    بس إنتِ بقى الأحلام كما أحبها منك :)

    تحياتي و كل الحب لكِ

    ردحذف
    الردود
    1. يا حبيبتي يا شيرين
      انت اللي بجد جميلة
      لسة فاكراكي وفاكرة ابتسامتك
      يارب يديمها عليكي ودمت مبدعة
      احمد اخويا اول ما بدا التدوين عرفته بيكم كلكم وكمان عطيته كتاب بنكهة مصر عشان يعرفك

      حذف
  6. انا بحبك جدا
    علشان انتى بسيطة وجميلة :)

    ردحذف
    الردود
    1. وانا كمان يا نهي
      وبتمني اشوفك قريب

      حذف
  7. الردود
    1. انت الاجمل يا اية
      شرفتيني بوجودك

      حذف
  8. طيب راضي ذمتك عمرك شفتي اخوات يحبوا بعض؟ ههههههههه
    على فكرة انا زيك آخر السرطان و اول اسد يعني برضه برجي آيل للسقوط مش لاقي برج يلمني بس انا عارف نفسي سرطان :)
    خليكي سرطان معايا و خلاص هاشوفلك شقة في دور قريب في نفس البرج علشان نبقى جيران

    اجاباتك جميلة اوي و تلقائية يا رحاب تسلمي

    ردحذف
    الردود
    1. اها انت جاي تهدي النفوس والا اية يا دكتور
      طبعا بحبه
      هو عندي اغلي منه يعني والا اية ...؟
      وبعدين ده اخويا الوحيد ....
      يعني ماليش اخولات اولاد غيره يعني م الاخر احمد ده اخو البنات شوف بقي
      ولعلمك محدش مطلع عينه ادي
      اصلا انا مفترية جدا معاه
      معرفش بيستحملني ازاي والله ههههه
      ماشي انا موافقة اننا نبقي جيران بس خللي الدور ف رقم فردي عشان انت عارف بحب الارقام الفردية
      واذا كان دور عالي اهو انت دكتور صيدلي يعني ممكن تبق تجيب لي علاج للدوار ههههه

      حذف
  9. رحاب

    عجبنى قوى حديثك عن نفسك و بعفوية

    انتى فاكرة فى لقاء اسكندرية

    لما قلت ليكى ان شخصياتنا بتبان على الورق بالذات اللى بنكتبه

    تحياتى

    ردحذف
    الردود
    1. طبعا يا ابو ساليناز
      يعني حتي برغم اننا مختلفين مع بعض في بعض الاشياء الا انك شخص عزيز جدا عندي
      ميرسي لكل كلامك وتشجيعك لي دايما
      وسلملي علي ساليناز كتييييييييير

      حذف
  10. صباح الغاردينيا رورو
    انتي بجد طفولية ورومامنسية كمان وفي حاجة بحبها في كتاباتك مش بلاقيها عند كتاب كتير انك بتخليني أصدق بجد انه الي مكتوب حاجة بتعيشيها عارفة ليه لأن حروفك بتدخل القلب والله مش بجامل ربنا يوفقك يارب ويديكي طولت العمر على فكرة كنت فكراكي صغننه أكتر بيني وبينك تسع سنين تقريباً ومع كدا والله بحسك اصغر مني بطفولتك وبرائتك يارب يارحاب تفضلي كدا دايما ..انتي بتحبي صاحب مدونة وجع الفلسفة وانا بقيت بعزه عشان اخوكي :) وبحبك انتي موت :)"
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
    الردود
    1. صباحك بنفسج معطر ريماس
      كل الناس بتفتكرني اصغر من كدة لاني كلامي احيانا بيكون عيالي شويتين
      عموما لو شوفتيني هتصدمي فعلا لاني شكلي اصغر من كدة خالص يمكن عشان قصيرة ورفيعة
      بس عموما انا مش بخاف من موضوع السن ده خاااااااالص
      وشكرا لكي كلامك عن احمد اخويا

      حذف
  11. انتى هو انتى هههههههههههههههه جميلة الروح ورقية القلب والجمال حقيقى اتمنى انى اكون اثرت فيكى بالايجاب لانى حد دائما مؤثر بالسلب هههههههههههههههه عجبتنى اووووووووووووووى انك بتكتبى وانتى على الترايزة هو دااااااااااااا الجنان الاصلى اللى بموت فيه ههههههههههههه بقا فاتيما قالتلك ان السرطان بيحب على روحه ههههههههههههههههههههههههههه طول عمرها بتفههههههههههههههههههههههههههم على فكرة انتى اسد اه بس الطبيعى ان كل برج بياخد من اللى قبله ياعنى انا سرطان بخد جزء من الجوزاء وكدا حالتك طبيعيه ماتقلقيش هتخفى وتبقى زى الفل انتى قمررررررررررررايه وقلبك جمييييييييل ودا كان باين فى عنيكى يوم التجمع والله يارحاب ربنا يسعد قلبك ويفرحنى بيكى وانتى فى احسن حال يا سكرتنا وديما فى تقدم :)

    ردحذف
    الردود
    1. انجلينا جولي البلوجر
      هههههههه والله برضه مصممة انك احلي منها
      والله يا مارو انت اللي بجد زي القمر وتدخلي القلب وتتربعي فيه بدون زهق ابدا
      يا بنتي ده انا بعشق اسكندرية عشانك انت وايمان
      مفيش عريس طيب عشان نبقي جيران ههههههههههه
      ويارب انت كمان ربنا يوفقك في كل شيء في حياتك وبحبك اوووووي

      حذف
  12. روحك جميلة أوي يا أستاذة رحاب وباينة على السطور
    مبسوط بجد إني عرفت مدونتك وإني اتعرفت عليكي أكتر في التدوينة دي

    يارب دايما ناجحة ومبسوطة

    ردحذف
    الردود
    1. ميرسي جدا
      انا اللي سعيدة بمعرفتك جدا

      حذف
  13. التاج بنفسجى يا رحوبة
    ومنور على جبينك
    :)


    تدويناتك طفولية
    لن روحك واحساسك لسه برىء يا بنتى
    مهما شوفتى قرف ف الدنيا دى
    انتى مصرة تبقى قوية

    وبالطباع اللى انتى كتبتيها عن نفسك
    تبقى أسد يا ماما
    بس انا أصر الحاحا تكونى سرطانية الهوى
    لأنك مش بجمودية قلب الأسد وعنفها
    :)


    نقطة التحول دى عارفها
    واعتقد انى مريت بيها كتير
    لما لقتنى بيتداس عليا
    وهروح وانمحى
    فقررت اعمل اللى عاوزاه
    احوال قدر الممكن اعمله من غير ما اذى حد
    بحبه يعنى

    الرجوع للصحافة ان شاء الله يحصل
    انتى شطورة
    وعندك حاجات لازم تكون عند كل صحفى
    الأمانة والمصداقية والثبات قصاد الصعب
    ودى حاجات بقت نادرة دلوقتى
    وخلت الاعلام نيلة ومنبطح وبايع الناس
    على عكس ما المفروض يكون


    الأسماء الحلوة اللى كتبتيها
    رضا وغادة ..كلهم كلهم
    انا من هنا بشكرهم جدا
    لأنهم سبب ف معرفتنا الحلوة دى بيكى
    وانا تحديدا بشكرهم جدااااا.. عليكى


    انا شكلى كدا هعلق على كل سطر ف التاج
    :)

    بس قبل ما انسى بقى
    حلوة المزيكا اللى شغالة دى قوى
    آه من فيروز
    آه يانى



    كل تاج وانتى طيبة
    وأطيب يا بنفسج بيبهج
    ويا رب أبدا ما يبقى حزين .. تانى

    ردحذف
    الردود
    1. يا فاتيما يا قمر
      انت الي عرفتك وشوفتك قبل ما ادخل مدونتك
      وحبيبتك لله ف الله
      وهحبك علي طول
      ابقي فكريني المرة الجاية اما اشوفك اغنيلك حبيتك وبحبك وهحبك علي طول
      معرفش اقولك حاجة كدة وخلاص زي اي حد
      بس انت بشهادة البلوجرية كلهم روح قلب الملايكة وماما البلوجرية كلهم مع انك مش كبيرة ولا حاجة
      بحب اشوف تعليقك من وقت لتاني مع اني بحسك علي طول هنا حتي لو مكتبتيش تعليق
      مامة يوسف الغالية وحشتيني اووووي

      حذف
  14. بذمتك ده كلام ؟!
    مش اما تيجي تتأثري بحد تتأثري بحد عِدِل زي الناس اللي انتي كاتباهم كدة و انا بأحترمهم جدا..بتتأثري بيا ..غلطانة و النبي !!
    ...
    مش عارف أنا من الناس اللي أحبطتك ولا من اللي ساعدوك !!
    ...بلاش تقولي عشان الفضايح !!
    ..
    أما سؤالك ليا..دي شهادة و الشهادة لازم تكون صادقة،يعني هأتكلم بصراحة،أكيد اسلوبك تتطور و تحسنت كتاباتك جدا جدا،و انا هنا ما بقولش انها بيرفكت يعني !! لأني عارف انك عندك أجمل من كدة..لكن ده بأمانة جميل جدا..
    ..
    و بصراحة أنا بأستعجب على قدرتك في الكتابة حتى لو في وسط سوق !! و يمكن ده احتراف لأنك بتقدري تنفصلي عن اللي حواليكي و تدخلي عالم الكتابة لوحدك..و يمكن شفنا كتاب كتير كانوا بيكتبوا و هما على القهاوي في وسط الناس..
    ..
    طبعا بأتمنالك كل التوفيق و التألق..و طبعا السعادة الدايمة و النجاح..و ما ينفعش أقول بحبك عشان الكلمة دي غلط و عيب !!

    ردحذف
    الردود
    1. هههههههه ماشي يا احمد
      عموما انت من الناس اللي ساعدوني كتير
      صحيح انت كنت بترفض طلبات لي كتير عشان السفر والصحافة والشغل وده كله بس عشان خايف عليا
      بس بعدها حسيت انك بدات تستجيب لطلباتي شوية شوية
      ويلا بقي روح علي مدونتك

      حذف
  15. بجد التدوينه ده غيرت فيا كتير خلتني احب برج السرطان اللي انا منه وحسيت انه حاجه حلوه
    جميله يا رحاب وطيبه وعشان كده كتير مننا بيحبك وبيحب كتاباتك
    تحياتي

    ردحذف
  16. اولا المفاجاة بالنسبالي انك اخت احمد
    تصدقي والله ما كنت اعرف
    مع انكم من اكتر الناس اللي بتابعني وانا كمان بحب مدونتكم انتم الاتنين؟
    ربنا يخليكم لبعض
    انا عاوزة اقولك انا كنت معجبة جدا بكتاباتك
    بس مش بعرف اعلق كتير للاسف
    بس النهاردة بعد ما اتكلمتي عن نفسك اكتر انا حبيتك اووي الصراحة
    يا رب ديما يديم المعرفة الجميلة دي
    و انا عندي استعداد اجيبلك بنفسج كتير و فراولة كتير و نبقى اصحاب
    موافقة ؟ :)

    ردحذف
  17. تدوينة جميله جدا يا رحاب
    وعرفتني حاجات كتير اوي عنك
    ولقيت حاجات كتير اوي بتشبهيني فيها
    علي الاقل احنا مدرسين زي بعض
    ان شاء الله هابقي اخد الاسئلة دي واجاوب عليها عندي كمان
    تحياتي ليكي

    ردحذف
  18. تسلملى روحك الحلوة دى
    أشعر كأنك من عصر الابتسامة فيه عنوان
    سعيدة بيكِ بجد ♥

    ردحذف
  19. انا فعلا هنا والله علطول
    ومش بفوت بوست
    بس مش دايما بعلق
    لما احس ان كلامى هيكون حزين
    او بايخ
    او تجيلى حالة الخرس كدا

    انما انا هنا علطول
    ومقدرش مطلش عليكى
    يا بنفسج بيبهج

    ال :-* دى على جبينك

    ردحذف
  20. عجبني اوي كلامك عن نفسك
    انتي اول حد اقراله التدوينه دي علي فكرة
    حلوة اوي طريقة كتابتك فوق الترابيزة دي هههههه ضحكتيني
    انتي شبههي في كام حاجة كدة

    كفاية انك بتحبي اللون الموف وزهرة البنفسج
    :DD

    ردحذف
  21. تعرفي إنك من أحب المدونين على قلبي ؟
    و بحب اسلوبك أوووي أوووي
    يمكن مش بحط لك كومنت على طول عشان ببقى مستعجلة ساعات خصوصا اليومين دول كنت مشغولة أوي بس إنتي من المدونين اللي ناوية أتابعهم حتى بعد ما تخلص الحملة
    مرة قريت لك حدوتة و لقيت نفسي هنام منها ..

    و عايزة أقولك حاجة مهمة .. يا ريت ترجعي للصحافة
    لأن أنا مثلا نفسي أوي أبقى صحفية و مش عارفة
    فلو قادرة ترجعي إرجعي لإن ناس كتير عايزة و مش قادرة

    أخر حاجة بقى .. كنت فكراكي أصغر من كدة
    مش بيبان سنك .. و دة معناه إن عقلك لسة بريئ و البراءة دي أحلى حاجة بحبها في الإنسان و بلمسها من تدويناتك ـ اللي قريتها ـ

    أه و المرة اللي فاتت ضحكتيني فعلا فعلا و متشكرة ليكي أوي على الضحكة دي ، إنتي عارفة بتكلم عن إيه طبعا
    :))

    تحياتي

    ردحذف
  22. رحاب الطفله الجميله الشقيه
    معرفش بحس انك صغنتوته كده
    حتي في الصور اللي في بوستاتك سكره قوي
    سعيده بتعرفي عليكي اكتر حبيبتي:)
    ربنا يسعدك وانتي ريا رحاب من احب الناس الي
    دومتي بخير وبعافيه
    تحياتي

    ردحذف
  23. مساء البنفسج كما تحبين
    رحاب
    بجد انا سعيده جدا بالبوست دا لاني عرفت عنك حاجات كتير بالتأكيد مكنتش اعرفها

    وسعيده جدا لان موضوع كتابتك مخرجش كتير عن كتبتك عن نفسك
    يعني بنفس الروح والعفويه اللي بحبها فيكي ومن غير تصنع

    رحاب بجد انتي انسانه جميله وعفويه وانا بحبك جدا
    اتمنالك تحقيق كل ما تتمنين بحياتك

    ودي ومحبتي واحترامي

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين