شوية شخابيط في كراريس
* * * * *
لو مسكت موبايلك هتلاقي أسماء كتيرة مالهاش لازمة موجودة في القايمة.....واهي في القايمة وخلاص....
ولو بصيت في حياتك......هتلاقي ناس كتير مالهاش لازمة في حياتك....لاء ....ميستحقوش يكونوا اصلا فيها
&&&&&
هو: تعالي نشوف مين فينا هيقول بحبك بصوت أعلي
والأعلي صوت يبقي بيحب التاني أكتر
بحببببببببببببببك
لكن مش الاعلي صوت دايما هو اللي بيكون أصدق حبا....
& & & & &
الاطفال ملايكة....
مين اللي قال كدة
اذا كان زياد ابن اختي المفعوص كل ما يعمل غلطة يقولولوا مين عمل كدة
يرد بكل جدية وصدق " حاب " اللي هو انا يعني ....
حتي لو كنت انا في الشغل .....ملايكة صحيح
* * * * *
فاااكر يا حبيبي في يوم ماسبتني امشي
و دموعي في عيني
يومها انا بذات جتلك عشان انت اللي بتقويني
و بدل ما اهدي و ارتاح وانا جواا حضنك
او تطمن عيني كده و تدفيني
القاااك انت بتبكيني
....اليسا فاكر
* * * * *
غمضت عيني وفتحت الكتاب بشكل عشوائي ....
وفتحت عيني علي الجملة دي " سارت بتثاقل قبالة البحر ...تري العشاق هنا وهناك ...تبتسم وتتسائل ....هل سيكون مصيرهم كمصيرها يوما بعد الزواج...؟؟!!"
الكلام ده مش غريب عليا .....
واكتشفت ان دي قصتي اللي ف الكتاب ......!!!!
" كتاب بطاقة هوية "
* * * * *
فارد جناحاتي للسما ....
باصص للدنيا من فوق....
شايف الحاجات صغيرة....
بس خلاص...معدتش عندي خوف......
* * * * *
فرق كبر بين انك تحس انك صغير في عيون الناس .....
وانك تحس انك صغير أووي .....في عيونك انت وبس
* * * * *
لم أكن أحب أن أتوقف ...
ليس لأجلها فقط......
لكن بالأكثر...لأجل روحي ....." محمد المخزنجي "
* * * * *
إنت تستحقي شخص أفضل مني كتير.....
إنت ملاك...وتستحقي ملاك.....
اها....وأكيد إنت كنت شيطان
* * * * *
شبابيك...شبابيك....
الدنيا كلها شبابيك.....
كل ما بيتقفل شباك....
بتلاقي ميت مليون شباك بيتفتحوا....
* * * * *
أجمل شيء فيكي ....
إنك مبتيأسيش ...
وبتعرفي إزاي تخرجي من الضلمة للنور....
* * * * *
أحيانا بنخرج من باب....
ونفضل مستنين إن حد يجري ورانا يقولنا ...." ارجع "
لــــكن " أحيانا ننتظر من لا يستحق "
* * * * *
اضحك .....عشان الصورة تطلع حلوة
بس الصورة مبتطلعش حلوة غير لما تكون بتضحك من قلبك بجد
* * * * *
عارفة احلي حاجة فيكي إية....؟
قلبك الصغير ده
قلبك الطيب ده
متخليش اي شيء مهما حصل يغير قلبك
^-^
حاضر
رائعة بجد شخابيط جامدة وبرده بتحصل معانا كتير يا ريرى
ردحذفمنورة يا روني
حذفوحشاني اووي يا بنتي
صباح الغاردينيا رحاب
ردحذفبجد احلى شخابيط دا في نظرك لكن بجد كانت مشاعر في مواقف كتير بتبين جزء من رحاب مشاعرها وعفويتها وبرائتها ههههههه حبيت ابن اختك الملاك الصغير والله جميلة جدا وبجد كنت بقرأ بإبتسامة "
؛؛
؛
لروحك عبق الغاردينيا
كانت هنا
Reemaas♥
ريماس
حذفزياد ابن اختي ده شيطانا صغيرا ....وبيعض جامد اووي انا طول اليوم ابعد ايدي عنه بالعافية بيحب يعضني اوووي
كل سنة وانت طيبة
كل سنة وانتِ طيبة يا رحاب
ردحذفأشوفك على خير يارب بعد رمضان
البوست عجبنى كله على فكرة :)
والله يا مني انا اللي نفسي اشوفك اوووي
حذفوبجد انت من الناس اللي سعيدة بمعرفتهم ولو حتي من غير ما اشوفهم
كل سنة وانت بخير وسعادة
فى حاجات حصل معايا بالظبط
ردحذفانتى عرفتى الحاجات دى منين اعترفى هههههههه
بجد شخابيطك حلوة اوى وعفوية وتدخل القلب على طول
هههههههههههه
حذفغشيتها من ورقة اجابتك
هههههه
ميرسي يا قمرة
كلنا بنتشابه ف حاجات
فى ناس فى حياتنا بيكونوا زى البرواز اللى شكله جميل
ردحذفمن غيره بردو الصوره هتفضل حلوه اوى
بس هو للمنظر العام مش اكتر !
الاكثر صدقا هو الاصدق حبا
الف الف مبروووك على الكتاب يا رحاب
هو الواحد ممكن يلاقيه فين بقى ؟
الاسوء على فكره ان الواحد يحس انه صغير فى عيون نفسه
لان وقتها مش بسهوله النظره دى تروح انما نظره الناس بعض الاحيان مش بتبقى مهمه
دمتِ بخير :)
الله يبارك فيكي وعقبال الجميع
حذفالكتاب متوفر حاليا بـــ بمكتبة عمر بوك ستور (ش طلعت حرب من ميدان التحرير فوق مطعم فلفلة)
ويا رب يعجبكم
مفيش على موبايلي اسماء مالهاش لازمة لأني دايما بحذف الأرقام اللي مابستخدمهاش لفرتة أو اللي مابتستخدمنيش برضه :)
ردحذفمعاكي إن مش لأعلى صوت هو الأكتر حب.. فيه ناس بتحب أوي من غير ولا كلمة أصلا .. وبالرغم من كدة صوت حبهم عالي
استمتعت بالتدوينة
بالتوفيق دايما
احيانا بيكون في اسماء علي موبيلاتنا بس لمجرد اننا منردش علي اصحابها ولو بالصدفة
حذفوالحب الاصدق دايما مش بيكون مكرر
تحياتي
حبيت الكلام اوووووي يا رحاب ...
ردحذفحلوو اووي بجد و حسيتو جداً ...
كلنا بنخاف ... من الجواز خصوصاً حاجة ترعب بجد ... ربنا يسترها معانا ان شاء الله ...
مووفقة بجد :)
ميرسي يا قمر
حذفوكل سنة وانت طيبة
بصي انا لما قريتها ووصلت للاخر لاقيت نفسي مبتسمة كدهون ^_^
ردحذفيا رب الابتسامة دايما تكون معاكي ومتسيبكيش ابدااااااا
حذفالله يا رحاب
ردحذفكتاباتك بتخرجني من أي مود وحش
مش دائماً اللي صوته أعلى بيكون أصدق...صحيح جداً
ربنا يخليلنا قلبك الصغير الطيب ده :)
كل سنة و إنت جميله و بألف خير
وانت طيبة وبألف خير يا شيرين وحشاني جداااااااااا
حذف:))
ردحذفكل الاطفال كده علي فكرة زي مايكونوا متفقين
:))
البوست رائع يارحاب
كل سنة وانتي طيبة وبخير وصحة وسعادة
هههههههههه
حذفبس زياد ده نوع تاني ده بيجنني بس بموت فيه
كل سنة وانت بكل خير وسعادة يا شموستنا
اضحك .....عشان الصورة تطلع حلوة
ردحذفودايما اللى من اللى قلب بتبقى وسط اللى بنحبهم
تحياتى
وكل لحظة وإنت وكل أحبابك بخير وسلام
دايما لو قلبك صافي ومرتاح هتضحك والصورة تطلع حلوة
حذفميرسي يا اسامة لوجودك دايما
نسال الله ان يعيينا علي تقبل من لا نرغب وجودهم في حياتنا
ردحذفكل سنه وحضرتك طيبه
الله يعينا علي كل شيء
حذفكل سنة وكلنا بخير وسعادة
جميله شخابيطك يا رحاب شخبطي بقى كتير وبراحتك
ردحذفكل سنه وانت طيبه ورمضان كريم
ميرسي يا اسامة
حذفده مفيش احلي م الشخبطة
كل سنة وانت طيب والسنة الجاية ف عش الزوجية ان شاء الله