أنا عايزة أخطب حبيبي ...؟
مش عارفة لية يعني دايما الراجل هو اللي روح يخطب البنت مش العكس مع ان المثل بيقول اخطب لبنتك ومتخطبش لابنك بس مش عارفة لية الناس بتعمل العكس والولد اللي بيروح هو يخطب
عشان كدة انا قررت اني أكسر القاعدة دي وأكون أول واحدة تروح تخطب اللي تحبه أو الشاب اللي عجبها
" تفتكروا لو في اي بنت عملت كدة وراحت تخطب هي حبيبها أو الشاب اللي عجبها إية اللي هيحصل ...؟ طيب ولو حتي تجرأت وعملت كدة يا تري هيكون إية رد فعل الأهالي ....؟ والاهم رد فعل الشباب الذكور الرجالة يعني .....؟!! وخصوصا مع كل تحكماتهم اللي بيفرضوها علينا وإذا احنا قلبنا الموازين وفرضنا عليهم برضه قيود من اللي بيفرضوها علينا ..؟ إنتم متخيلين بجد هيكون شييء ممتع جدا وعلي الاقل ساعتها هنقول كل اللي نفسنا فيه ...
حكاية اني أنا أروح أخطب شاب عجبني او حبيته من أهلي مجتليش م الباب للطاق ولا من سنة ولا أتنين ده من صغري ويمكن من وقت ما كان عندي اربع سنين أو خمس سنين يعني لما بقيت ابص حوليا وأعرف حاجات ف الدنيا منها ان لازم الراجل هو اللي يروح يخطب والموضوع ده كان بيضايقني جدا عشان كدة كنت دايما أقول لبابا إني لو حبيت واحد هروح أخطبه من أهله وبابا كان يضحك ويقولي ماشي ابقي اعملي اللي انت عايزاه _ عيلة بقي ومحدش بياخد علي كلام العيال _ بس لما كبرت الموضوع شغلني أكتر خصوصا مع كل التناقضات اللي بشوفها في المجتمع في موضوع الجواز وقررت اني اعمل اللي كنت بفكر فيه وانا صغيرة ....
وعلي هذا الاساس روحت لبابا وقلت له ما عزمت عليه و............
" ههههههههههه هاهاها هي هي هي " ده بابا لما قلت له علي فكرتي المجنونة من وجهة نظره بس لما بابا لقاني مصممة ولاني بنته وهو بابا وهو عارفني وعارف ان دماغي ناشفة ومش بقتنع غير اللي انا مقتنعة بيه قالي " خلاصي يا بنتي اعملي اللي انت عايزاه بس يا ريتك متروحيش تخطبي من ورايا ولازم تختاري شاب كويس ومتروحيش تخطبيه لوحدك الا يضحكوا عليكي ويدفعوكي فلوس كتير مهر وشبكة وشقة ونظام ... "
رسمت الــ 111 بين حواجبي " تقطيبة يعني "
برغم اني حسيت ان بابا واخد الموضوع هزار أو بيسكتني وخلاص زي زمان وكأني طفلة بس انا سكت وقتها وأنا بفكر هقول الكلام ده لــ " محمد " وهيوافق عليه والا لاء
محمد مين ...؟ محمد حبييبي طبعا
هيكون عسل اووي وانا بلبسه الدبلة...
؟؟؟؟؟؟؟؟؟؟؟؟
" والله انت مجنونة وتعمليها " ده كان رد محمد ............
مجنونة لية هو حرام يعني والا حرام, مفيش نص قرأني قال انه حرام والا حديث شريف عن " الرسول عليه الصلاه والسلام قال انه حرام ده حتي ابو بكر الصديق وعمر بن الخطاب خطبوا لبناتهم " ده كان ردي اللي صدمه يمكن لانه حس اني مصممه وواخده الموضوع جد
المهم بدأت في التنفيذ
تنفيذ خطتي اللي هقلب بيها الموازين
أولا....
قلت لمحمد شوف يا ريتك تغير رقم موبايلك عشان مفيش بنات تعاكسك وكمان ميكونش في ارقام موبايلات غير اخواتك والشغل وبس يعني بلاش مسخرة مع البنات وتقوللي صحباتي وزميلاتي ف الشغل والكلام ده ...لالالا مينفعش يا يا حبيبي " اها عشان ميبقاش الرجالة بس اللي بيعملوا كدة معانا ....طبعا لازم يدوقوا من المر اللي بيدوقوه لينا "
ثانيا..........
شيل البنات دي من ع الفيس بوك....
لالالالالالالا انا مبغنيش لــــ أبو الليف شوف يا محمد ما هو لو هتصمم علي انك تفضل تضايقني بكلامك مع البنات دي علي الفيس بوك يبقي كل واحد فينا يروح لحاله يا ابن الحلال لا احبك ولا تحبني ولا اروح اخطبك من أهلك.... " هاهاها العين بالعين يا رجالة هاهاها "
ثالثا ...........
يا ريت حضرتك تاخد بالك من لبسك ده وشياكتك دي ,,, وبلاش كمان تهتم بنفسك شوية وانت رايح الشغل مش عايزين البنات تعاكسك وتبص لك أنا بغير عليك " اها زي ما انت بالظبط بتعمل انت وهو محدش يكدب ويعمل نفسه رجل عصري جدا ...لانك شرقي وهتفضل شرقي دمك حامي بيغير علي حبيبته "
رابعا ............
ممكن تخفف من خروجاتك شوية ومتقوليش أصحابي ونخرج نتفسح مع بعض وشباب مع بعض والكلام ده ,,, مفيش خروج ولو قفلت يعني يبقي تخرج مع بابا او ماما أو معايا والا يعني لازم تخرج من أصحابك...؟!! " اه طبعا مش هو ده اللي بيتعمل فينا يا بنات ..؟"
خامسا............
يا تري موافق والا لاء ...؟ علي الشروط دي
أوك موافق.......عشان بحبك علي فكرة ..... " ده كان رد محمد .....طبعا هو ميقدرش يقول بم ....رجالة متجيش غير بالعين الحمرا ....
يبقي تماما دلوقتي أقدر أروح لباباك أخطبك منه
( 1 )
الخطــــــــــــــــــــــوبة
روحت لعمي – ابو محمد – بعد طبعا ما أخدت ميعاد منه ....
طبعا محمد هو اللي قال لباباه وأخد الميعاد بس يا تري عمل زي البنات ما بيعملوا كدة وتدخل البنت مكسوفة لباباها تقوله "بابا في واحد اسمه فلان الفلاني قالي انه عايز يقابلك "
يرد باباها ويقول " عايز اية ده ...؟ "
تروح البنت حاطة وشها ف الارض ويروح احمر ف اخضر ف الوان الطيف السبعة وتقوله " الله يا بابا بقي.... متكسفنيش "
وتروح جري علي اوضتها
ههههههههههه يا تري في واحد شاب واحد راجل هيعمل كدة ...؟
يا تري محمد عمل اية ...؟
لو عايزين تعرفوا ...؟
لو الحكاية عجبتكم اكمل ....بس
اتحايلوا عليا شوية.....ههههه
ملحوظة
مش تقليد لأنا عايزة أتجوز لأن انا كتبت الكلام ده من زمااااااان
بعتذر تاني وتالت وعاشر اني مش قادرة ارد علي تعليقاتكم لاني بجد مشغولة بس سعيدة بوجودكم معايا وبتعليقاتكم وتدويناتكم الجميلة
ههههههههههههههههههههههههه
ردحذفعسل يارحاب
هههههههه حكاية عجيبة اوي بس ظريفة
ردحذفبصي يارحاب
انا هختصرلك الحكاية
ربنا خلق المرأة كالجوهرة
تطلب بضم التاء ولا تطلب بفتح التاء
وبالنسبة للراجل
البنت بتكون غالية عليه اوي لما يلح في طلبها
وحين توافق
بيحس انه قد ظفر بجائزته
تحيتي لكي
هههههههههههههه
ردحذفهتحصل قريب جدا
خلاص دلوقت في مساواة و حرية راي
و كله بقى عادي يعني
المهم بس انتي تجهزي المهر و الشقة و العفش :)
ههههههههههههههههههههههههههههه اسلوبك موتني من الضحك بجد تسلم ايدك وتسلم بنات افكارك
ردحذفاستمرى :)
ردحذفهههههههه
ردحذفتعرفي والله عندك حق وليه لأ
ولا هو حرام ولا حاجه
اتمني ان تكملي الحكايه
تحياتي
اعتقد ان فى فيلم اتعمل بالفكره ديه بس مش فاكر اسمه المهم هتدفعى لمحمد كام مهر وكام شبكه وياترى جبتى الشقه ههههه
ردحذفتحياتى
امممممممم
ردحذفمش عارف
بس نجرب
ولو نفعت معممها
وماله
يجوز شرعا
هههههههههههههههههههههههههه
ردحذفتحفه البوست ده
ده تخيلى ساعتها هيحصل انقلاب بسبب الحكايه دى
وهتكونى انتى المسئوله
ههههههههه أنا فكرت أعمل كده بس في الأخر خليتها ع الضيق بيني وبينه وبس :D
ردحذفأسلوبك لذيذ :)
هههههههههههههههههه
ردحذفطب والله فكرة
ومفيهاش ايتها حاجة .. انا معاااااااااااكي D:
أهو نرتاح شوية وتجربو انتو بقى
_ قرارتك الثورية اللي ناوية تطبقيها على محمد الخاصة بالموبايل والفيس والكلام ده من حقك كلها ومش لازم انتي اللي تروحي تخطبيه علشان يلتزم بيها .. ده الطبيعي على فكرة مفروض يحصل :)
_ أبو بكر الصديق والفاروق رضي الله عنهما خطبو أيون لبناتهم .. مش بناتهم اللي راحو خطبو لنفسهم (فيه فرق)
بوست دمه خفيف ومكتوب بأسلوب جميل
بالتوفيق دايما
مساء الغاردينيا رحاب
ردحذفهههههههههه
والله يابنتي انتي مجنونة بجد بجد انا عاوزة تكمليها
عاوزة اشوف محمد داخل بكباية العصير ههههه"
؛؛
؛
لروحك عبق الغاردينيا
كانت هنا
Reemaas
:))
ردحذفبنبسط لما اقرا تدوينة تضحك علي الصبح وفي وسط النكد اللي احنا فيه
انا شخصيا هتحايل عليكي
ونبي ونبي كملي
:))
بس شكلك هتطفشي محمد بتحكماتك دي
:))
وليه لأ .. بس الفكرة جريئة ومجنونة ..
ردحذفعموما خليك كده ع طووووووووول
استمتعت بالقراءة والمرور من هنا اليوم .
كوني بخير عزيزتي ..
لذيذة بطعم الشقاوة
ردحذفاستمتعت بزيارتى للمدونة
ممكن دا يبقا حال البنات بعد الثوره
ردحذفاممممممم
مجنونه انتي بجد يا رحاب
وجنونك دا زي العسل
ودي واحترامي
والله عسل ياحوبة هى دى الإفتكاسات والا فلا ..
ردحذفعجبتنى جدااا وعوزااكى تكملى طبعاً
بس ملحوظتى هو ان البنت اغلى كتير ولازم الراجل هو اللى يتعب وتطلع عينة علشان يتوافق عليه مش العكس ..ولا اية يابنوتة؟؟
وحشاااااااااااانى موووت