1
مهما كنت مشغولة....
كنت بسيب اي حاجة عشان اكلمك لاني بحبك
لكن انت ....
مكنتش بتكلمني غير لما تكون فاضي .....وعايز تكلمني ....
حتي ف الاجازة ...كنت انا ف اخر القايمة دايما بعد العائلة
2
فاكرة اني كنت تعبانة اووي ونمت وانا بكلمك....
وقتها انت زعلت اووي وعملت مشكلة....
مع انك عملتها كتير ونمت وانا بكلمك ...ومعملتش اي مشكلة انا....
لاني بحس بتعبك...ولآني بحبك
3
اقل تغير ف صوتك كنت بحسه وبعرف ان في مشكلة....
بس مش عارفة لية لما كان صوتي يتغير ....
مكنتش بتحس بالتغير فيه....
4
كنت بلاحظ اي تغير فيك مهما كان صغير....
مش عارفة لية كل الناس أجمعت اني خسيييت " وزني نزل بشكل غريب " وانت اللي شوفتني العكس ....!!!
5
بحب النضارة بتاعتك.....
بس يا ريتك كنت بتشوف بيها صح
* * * * *
هو لية دايما الرجالة مبيشوفوش التفاصيل دي ومش بيهتموا بيها...؟
؟
؟
؟
من وحي تعليق للعزيزة شمس النهار عن ابراهيم الغرباوي
شمس النهار يقول...- علي فكرة ده مش حب الحب كنت هتبقا متلهف عليها حتي لو تعبان كنت هتكلما وتطمن عليها وهتقولها انك تعبان وكانت هتقولك طيب نام ونتكلم الصبح :) وعلي راي المثل الصباح رباح
الانثي دايما تعشق التفاصيل الصغيرة البسيطة دي تحب تاخد بالها منها واللي بتحبه ياخد باله منها
ردحذفالتفاصيل دي بتبقي زي اللمسة الاخيرة لاي حاجة جميلة وبيبقي ليها معني كبير عند الطرفين لكن من يعي ومن يفهم
لقد استمتع بالقرأة
تحياتي
السلام عليكم يارحبا
ردحذفاشكرك ايتها الطفلة البريئة على تعليقك الجميل عندى بالمدينة الفاضلة :)
ابتسمت من كلماتك الرقيقة وشعرت انك طفلة بسيطة ببتكلم بعفوية وبساطة زى كلامك فى تدوينتك هنا
تحبى البساطة والسلاسة دايما وبتقولى اى احساسك يجى فى بالك بدون تعقيد
ربى يسعدك حبيبتى ويرزقك راحة الحال والبال
تحياتى لك بحجم السماء
كل سنة وانت طيبة وبخير
احبك الله الذى احببتنى فيه ياغالية :)
امجد بصراحه قال فى تعليقه اللى كنت لسه هاقوله
ردحذفاحنا بنهتم بالتفاصيل اكتر بكتييير من الرجل
فى كل حاجه
حتى فى حياتنا الشخصيه بنهتم بتفاصيلها و ترتيبها
انما "آدم" نادرا لما بياخد باله من الحاجات دى
بس ده مايمنعش انه مطالب منه يكون فى الحب مختلف وافضل
والمفروض التفاصيل الصغيره دى بتطلع منه من غير ما تطلب اصلا
وطالما احنا كتبنا نفس الموضوع
ردحذففعلا والله لو ما أخدناش بالنا من التفاصيل الصغيره جدا واللي ممكن تكون تافهه كمان هتفضل تتراكم لغاية ما تبقي جبل ويتهد فوق دماغنا
عجبني جدا الوحي والالهام من كلام ماما شموسه
ادام الله الوصال
تحياتي لقلمك الجميل والمميز
ربنا خلقهم كده مابيشوفوش التفاصيل دي خاااااااالص
ردحذف:))
والرجل الشرقي بطبعه اذا امتلك الانثي خلاص
اصبحت شئ مسلم بيه
اهمل حتي التفاصيل الكبيرة معاها
جميل البوست والاجمل روحك الجميلة اللي ادت روح لتعليقي
شكرا ليكي وشكرا لأبراهيم
هي دي روح بلوجر اللي بحبها:))
هو لية دايما الرجالة مبيشوفوش التفاصيل دي ومش بيهتموا بيها...؟
ردحذفلإنهم بيفكروا بعقلهم ف الكليات فقط
فتضيع التفاصيل والجزئيات
والتى غالبا ما تكون اهم
هو الرجالة هيشوفوا ايه و لا ايه حرام عليكم :)
ردحذفجميلة و انثوية اوي التدوينة دي
بصي يا رورو
ردحذفكنت لسه بقول لواحدة صحبتي امبارح ان مشكلة الرجالة انهم فعلا مش بيتهموا بالتفاصيل او بمعني اصح هما مش بيقعدوا يحسبوها زينا كدة هما بيتصرفوا وخلاص فاهمة قصدي
لكن احنا كل حاجة ليها حساب والخطوة بتتحسب عشان لو حتزعله مش نعملها
ده قدرنا يا بنتي
هههههههههههههه
ردحذفأنا إتكلمت في المواضيع دي كتي
و الكتاب في قصة إسمها "أجازة عارضة"
و عندي خاطرة إسمها "لماذا لا تصفني؟"
و برضو مفيش فايده :)
بوست جميل كالعاده يا رحاب
تحياتي ليكِ
المشكلة مش في الاهتمام بالتفاصيل أو لاء
ردحذفالمشكة فيه حب وللا لاء
البنت ممكن (وغالبا) بتغفر للراجل الحتة دي لو عارفة إنه بيحبها بتصرفاته ومواقفة.. لكن مش ممكن هتنسى ده لو حست غنه إهمال ناتج عن عدم حب
حلوة اوى يا رحاب كلماتك و المواقف اللى كتبتيها
ردحذفحاجات بتأثر فينا كلنا بس هتفضل دايما من غير سبب..من غير حل !
تحياتي يا قمر
عجبتنى جدا على فكره استمرى :)
ردحذف