الثلاثاء، 19 يونيو 2012

شوية أسئلة ......" 1 "

من خلال الدعوة للتدوين اليومي  اللي اطلقتها في سماء الفيس بوك الدكتورة " القمراية " شيرين سامي  "

نويت والنية لله والدعوة لله ان احمد اخويا ميأخرنيش  اني مشتركة بإذن الله  معاكم في الشهر التدويني ده بمجموعة قصص قصيرة ربنا يسهل بقي واقدر اني اعبر بيها عن حاجات كتيرة
ويارب تعجبكم
بس انا  ضغط علي تفكيري شوية أسئلة من خلال اللي بيحصل الايام دي في مصر  لقتني غصب عني بكتب البوست ده اللي  عامل زي القنبلة الموقوتة في راسي 
والي هو عبارة عن شوية أسئلة محتاجة لهم اجابة مع نفسي ومعاكم
شوية أسئلة في راسي وراسك وراسنا جميعا ....

1 - يا تري ممكن يكون عندنا رئيس بجد ...؟ والا هما بيسكتونا وخلاص زي العيال ...؟
2 - يا تري  لو مرسي  اصبح الرئيس  مش هيكون واجهه للمرشد والحزب وبس ...؟

* * * * * *

3 - هو في حد فاهم الاعلاني الدستوري المكمل ده والا انا بس اللي مش بفهم وغبية ...؟؟ وفاهمة ان الكلام اللي قاله الاخ ده عن الاعلان الدستوري ان الرئيس القادم مالوش لازمة خالص .....!

4 - هو صحيح شفيق اللي اكتسح ف الاعادة ....والا مرسي ....شفيق لاء مرسي لاء مرسي لاء شفيق لاء شفيق لاء مرسي ....

* * * * *

5 - بما ان مجلس الشعب غير صحيح وغير قانوني ....معني كدة اننا هنعيد انتخابات مجلس الشعب تاني ....وكدة ندي فرصة للمرشحين الرئاسيين اللي منجحوش في الرئاسة بيقوا نواب شعب ....هاهاها يا حلولي يا جدعان

6 -  الا صحيح هما مكنوش يعرفوا ان مجلس الشعب ده  غير قانوني وغير دستوري الا دلوقت هما يعني استنوا كام شهر  وبعدين قالوا الكلام ده ....لية ...؟!! هه لية ....؟ انا شاكة ف الموضوع ده ...حد شاكك معايا ....؟

 * * * * *

7 - ياااااه بيقولولك الرئيس السابق نقلوه مستشفي المعادي العسكري ....
يااااة ده بيقولوا مات اكلينيكيا......يا حرام ....والله صعبان عليا ...علي فكرة مش تريقة ...لان ده شخص مريض عيب التريقة عليه ....بس اللي عايزة افهمه لية الخبر ده دلوقت.....؟ انا كدة بضيف شكوك جديدة مع الشكوك بتاعت السؤال اللي فوق .....

* * * * **

8 - هو الرئيس السابق مبارك لو مات  هيتعمله  جنازة رسمية وييجي فيها  رؤساء الدول والامراء واصحاب الفخامة والسمو والمكانة الرفيعة والا.....؟ " كدة السؤال فيه اكتر من شؤال ....لالالا مش بغشكم علي فكرة ....انا خبيثة لالالالا مين جاب سيرة  خباثة دي ده انا حتي معرفهاش  .....بس الحدق يفهم...."

 ** * * *

8 - نفسي اعرف   لو احنا مش عايزين شفيق ومش عايزين مرسي ...طيب عايزين مين .....؟ " مفيش تلاتة اربعة يجوا يقولوا حمدين و صباحي ....وتلاتة اربعة اخواتهم يقولوا ابو الفتوح ...... وتلاتة اربعة ولاد عمهم يقولوا ابو العز الحريري ....وتلاتة اربعة ولاد خالهم يقولوا  البسطويسي .....وتلاتة اربعة ولاد عمتهم يقولوا  بثينة كامل ...وتلاتة اربعه ولاد خالتهم يقولوا هالة سرحان ......يا عالم يا مصرييين نفسي قبل ما اموت تتفقوا علي حاجة في مصلحة البلد مش مصلحتكم

9 -  أموت وأعرف  الرئيس الجديد اول ما يمسك الرئاسة  هيعمل اية ...؟ واول قرار هيصدره اية ...؟  وكمان عايزة اعرف والنبي بيفطر اية ويتغدي اية ويتعشي اية وبيحب يحلي بإية ...." وبلاش فيلم طباخ الريس ده  ...لالالالا مبكولش انا م الكلام ده  اذا كنت انا بكره البصارة والكشري  والعدس تقولولي انتم ان الريس بياكل الحاجات دي ...؟!!! ناس بيئة صحيح
هي دي الاسئلة بتاعتي ...ولو اني مقولتش كل اللي نفسي فيه .....^_*

هناك 13 تعليقًا:

  1. هما بيسكتونا وخلاص زي العيال

    واه مرسي هيكون واجهة للمرشد

    هل لديك اقوال اخرى :)

    ردحذف
  2. السلام عليكم

    ياااااااااه كل دى اسئلة
    دى ولا الثانوية العامة هههههه

    وكل سؤال يحتاج بوست لوحده علشان نجاوب عليه

    اقولك ممكن تأجلى الاجابة لحد يوم الجمعة علشان احنا كلنا اعصابنا تعبت اوى اوى

    ويمكن يوم الجمعة نسمع خبر جميل يخلينا نعرف نجاوب واحنا مطمنين هههههه

    حقيقى حبيبتى مجموعة اسئلة كلها بتدور فى بالنا واكثر وياااااااارب اليومين الجايين يمروا بسلام ونرتاح

    تحياتى لك
    دمت بكل خير اختى الحبيبة

    ردحذف
  3. دي أسئلة وجودية في الظرف الحالي :))
    محدش شايف بكرة ولاعارف ايه اللي بيحصل عشان يجاوب أساساً :)))

    ردحذف
  4. ما أسهل طرح الاسئلة،ما اصعب نطق الاجابات !!..لكن اهم شئ في السؤال انك لو ما كنتش عارف اجابته،فبيديك فرصة انك تفكر في السؤال نفسه قبل ما تدور على الاجابة وبكدة تستفيد مرتين !!

    ردحذف
  5. لا أحد يعلم بما يدور فى خاطر العسكرى ولكن ما هو واضح هى الطلسقة على أفكارنا و كيفية كبت حريتنا من جديد ...

    ردحذف
  6. أزال المؤلف هذا التعليق.

    ردحذف
  7. هههههههههههههه
    ايه يا رحاب ده

    تعرفى تعملى عبده الاهبل

    انا قررت كده
    مش بفهم
    مش بسال
    مش عارف حاجة

    انا قررت اعمل كده
    و اعتقد انى هكون مبسوط

    بصى بسيطة
    واحد اتنين تلاتة
    خليكى عبده الاهبل

    تحياتى

    ردحذف
  8. عارفه الاسئله ده كلها شبه سؤال بنساله لنفسنا كل يوم الصبح يا ترى النهارده هيحصل ايه ومفيش في ايدينا حاجه غير اننا نقول ياااااارب يكون يوم مليان خير
    اما حكاية ان مرسي يكون واجهه للمرشد فانا ما شوفتش ده في الكتاتني من متابعتي لمجلس الشعب وما شوفتش على مرسي لما كان عضو في مجلس الشعب ومتهيالي اللي عايز يعرف الاجابه يسال ايه دور المرشد في الجماعه هيعرف انه مش هيكون مؤثر على مرسي بعد استقالته من الحزب والجماعه لاداء دوره ووظيفته كرئيس لكل الشعب وشعاره الاخير وحدتنا في قوتنا معناها ان في قوى ثوريه تانيه هتشاركه الراي
    تحياتي

    ردحذف
  9. دي أسئلة عايزة مفكرين يجاوبوا عليها .. المهم أن يكون الشخص المناسب ف المكان المناسب تحياتي

    ردحذف
  10. اااه يا رحاب تصدقي اسئلة بدوورزي النحلة في دماغي لحد مهتاكلها
    بس نقول ايه غير الحمد لله علي كل شيء
    وحشتيني وبارك الله فيكي

    ردحذف
  11. انتي بجد رحاب امممممممممم
    1- الاسئله دي ليها علاقه بمصر
    2- انتي ليكي علاقه مباشره او غير مباشره بلاسئله دي
    3 -البلد اللي بيحصل فيها الكلام دا فين علي الخريطه


    اممممممممم
    اهاااااااا
    ((ريللي))

    الجوسيس كترت في البلد دي يا خوانا خدوا بالكم
    ومتعطهمش اي اجوبه صحيحه
    ههههه

    ردحذف
  12. والله يارحاب حيرتينى اكتر وكل سؤال عاوز صفح عشان يترد عليه :)
    المهم انك معانا ورجعنا نشوفك تانى :)

    ردحذف
  13. ايه الاسئلة الصعبه دى ممكن استعين بصديق حلوة قوى

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين